دریافت:
مناسک حج
- حج کی فضيلت اور اہمیتمقدمهحج کی فضيلت اور اہمیت
شریعت میں حج ، چند خاص اعمال اور مناسک کے ایک مجموعے کا نام ہے جو اسلام کے بنیادی اصولوں میں سے ایک شمار ہوتا ہے جيسا کہ امام محمدباقر علیہ السلام سے روايت ہے :
" بُني الاسلام علي خمس علي الصلوة و الزکاة و الصوم و الحج و الولاية"(1)
ترجمہ: «اسلام پانچ بنيادوں پر استوار ہے:نماز ، زکات ، روزہ ، حج اور ولايت »
حج ، خواہ واجب ہو یا مستحب، اسکی بہت زیادہ فضيلت اور اجر و ثواب ہے اور اسکي فضيلت کے بارے ميں پيغمبر اکرم اور اہل بيت (عليہم السلام) سے کثير روايات وارد ہوئي ہيں، چنانچہ امام صادق سے روايت ہے:
"الحاجّ والمعتمر وَفدُ اللہ ان سألوہُ اعطاہم وان دَعوہُ اجابہم و ان شفعوا شفّعہم و ان سکتوا ابتدأہم و يُعوّضون بالدّرہم ألف ألف درہم "(2)
"حج اور عمرہ انجام دینے والے راہ خدا کے راہی ہيں۔ اگر اللہ سے مانگیں تو انہيں عطا کرتاہے اور اسے پکاريں تو جواب ديتاہے، اگر شفاعت کريں تو قبول کرتاہے اگرچپ رہيں تو از خود اقدام کرتاہے اور ايک درہم کے بدلے (جو انہوں نے حج کرنے پر خرچ کئے ہیں) دس لاکھ درہم پاتے ہيں۔
1۔ کافی، ج۲، ص ۱۸، ح ۱؛ وسائل الشیعه، ج۱، ص ۷، باب ۱، ح ۱۔
2۔ کافی، ج۴، ص ۲۵۵، ح ۱۴۔ - حج ترک کرنے کا حکمحج ترک کرنے کا حکم
مسئلہ ۱۔ حج ضروریات دین میں شمار ہوتا ہے اور اس کا واجب ہونا کتاب و سنت کے بے شمار دلائل سے ثابت ہے۔ جو شخص حج کے شرائط رکھتے ہوئے اور اسک ے واجب ہونے کا علم رکھتے ہوئے اسے ترک کرے، وہ گناہ کبیرہ کا مرتکب ہوا ہے۔
اللہ تعالي قرآن مجید ميں فرماتا ہے:
{ وَلِلَّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَنْ كَفَرَ فَإِنَّ اللَّهَ غَنِيٌّ عَنِ الْعَالَمِينَ}(1)
ترجمہ: « اللہ کے لیے ان لوگوں پر اس کے گھر کا حج کرنا واجب ہے جو اس راہ کی استطاعت رکھتے ہوں اور جو کافر ہوجائے تو خدا تمام عالمین سے بے نیاز ہے۔»
اور امام صادق علیہ السلام سے یوں روايت ہوئی ہے
"من ماتَ ولم یَحُجَّ حَجّۃ الاسلام و لم یَمنعہُ من ذلک حاجۃٌ تجحفُ بہ او مرض لا یطیق فیہ الحج أو سلطان یمنعہ، فلیمت یہودیاً أو نصرانیاً" (2)
ترجمہ: جو شخص انجام دیے بغیر مرجائے، جبکہ اس کے حالات بھی مساعد ہوں یا کوئی سخت بیماری یا ظالم بادشاہ اسے حج سے روکنے کا سبب نہ بنے، تو وہ یہودی یا مسیحی مرے گا۔
1۔سورہ آل عمران، آیت ۹۷۔
2۔تہذیب الاحکام، ج۵، ص ۱۷۔ - حج اور عمرہ کے اقسامحج اور عمرہ کے اقسام
مسئلہ ۲۔ جو انسان حج انجام ديتا ہے يا وہ اسے اپنے لئےانجا م ديتا ہے يا کسي کي نیابت میں بجالاتا ہے، اس حج کو "نيابتي حج " کہتے ہيں اور جو حج اپنے لئے بجا لاتا ہےاس کی دو قسمیں ہیں: واجب اورمستحب۔
مسئلہ ۳۔ واجب حج يا شريعت کے اصولوں کی بنیاد پر واجب ہوتا ہے جسے "حجة الاسلام" کہتے ہيں يا کسي اور وجہ سے ، جیسے نذر يا حج کے باطل ہونے کے سبب واجب ہوتا ہے۔
مسئلہ ۴۔ حجة الاسلام اورنيابتي حج ميں سے ہر ايک کي اپني اپني شرائط اور احکام ہيں کہ جنہيں ہم پہلے باب ميں دو فصلوں کے ضمن ميں ذکر کريں گے۔
مسئلہ ۵۔ حج کی تین اقسام ہیں: ۱۔ تمتع، ۲۔ اِفراد، ۳۔ قِران۔
پہلی قسم (حج تمتع) ان افراد پر واجب ہوتا ہے کہ جنکا وطن مکہ سے ۴۸ میل (تقریبا ۹۰ کیلومیٹر) کے فاصلے پر ہو۔ حج کی دوسری اور تیسری قسم (اِفراد اور قِران) ان لوگوں پر واجب ہوتی ہے جو مکہ میں رہتے ہیں یا ان کی رہائش کی جگہ مذکورہ فاصلہ سے کم پر واقع ہو۔
حج تمتع مناسک اور اعمال کے اعتبار سے دیگر دو قسموں سے کچھ فرق رکھتا ہے۔
مسئلہ ۶۔ حج تمتع، حج قِران اور اِفراد سے اس لحاظ سے مختلف ہے کہ حج تمتع، عمرہ اور حج پر مشتمل ایک عبادت ہے اور اس میں عمرہ حج پر مقدم ہوتا ہے اور عمرہ و حج کے درمیان فاصلہ زمانی بھی پایا جاتا ہے اور اس فاصلے میں انسان احرام سے خارج ہوتا ہے اور حج کے لئے مُحرِم ہونے تک مُحرِم پر حرام ہونے والی چیزوں سے فائدہ اٹھانا حلال ہوتا ہے ۔ اسی لئے حج تمتع (بہرہ مند ہونا) کا عنوان اس کے لئے مناسب ہے۔اور حج اس کا دوسرا حصہ کہلاتا ہے اور ان دونوں کو ایک ہی سال میں انجام دینا ضروری ہے۔ حج اِفراد اور قِران کے برخلاف کہ جن میں صرف حج انجام دیا جاتا ہے۔ اور ان میں عمرہ ایک مستقل عبادت تصور کی جاتی ہے اور اسے "عمرہ مفردہ" کہا جاتاہے۔ اس لئے ممکن ہے کہ عمرہ مفردہ ایک سال اور حج اِفراد یا قِران اگلے سال انجام دیا جائے۔
مسئلہ ۷۔ عمرہ تمتع اور عمرہ مفردہ کے کچھ احکام مشترک ہیں کہ دوسری فصل میں ذکر کئے جائیں گے اور ان کے درمیان جو فرق ہے وہ مسئلہ نمبر ۱۶ میں بیان کیا جائے گا۔
مسئلہ ۸۔ عمرہ بھی حج کی طرح کبھی واجب ہے تو کبھی مستحب ۔
مسئلہ ۹۔ دین اسلام میں عمرہ زندگی میں ایک بار ایسے شخص پر واجب ہوتا ہے جو صاحب استطاعت ہو (جیسا کہ حج کے مورد میں بیان کیا جاتا ہے(1))۔ اور اس کا وجوب بھی حج کے وجوب کی طرح فوری ہے۔ اور اس کے وجوب میں حج بجالانے کی استطاعت شرط نہیں ہے۔ بلکہ اگر کوئی شخص عمرہ کی استطاعت پیدا کرلے تو اس پر عمرہ واجب ہوجاتا ہے۔ اگرچہ وہ حج کے لئے استطاعت نہ رکھتا ہو۔ اس کے برعکس بھی اسی کے مانند ہے ، یعنی اگر کوئی شخص حج کے لئے استطاعت رکھتا ہو، لیکن عمرہ کے لئے مستطیع نہ ہو تو اسے حج بجالانا چاہیے۔ یہ حکم ان افراد کے لئے ہے کہ جو مکہ میں یا ۴۸ میل سے کم تر فاصلہ پر رہائش پذیر ہوں لیکن جو لوگ مکہ سے دور ہیں اور انکا وظیفہ حج تمتع انجام دینا ہے تو انکے لئے کبھی بھی عمرہ کی استطاعت حج کی استطاعت سے اور حج کی استطاعت عمرہ کی استطاعت سے جدا نہیں ہے کیونکہ حج تمتع دونوں اعمال کا مرکب ہے اور دونوں کو ایک ہی سال میں بجالانا چاہیے۔
مسئلہ ۱۰۔ مکلف کے لئے جائز نہیں ہے کہ وہ احرام کے بغیر مکہ میں داخل ہو اور اگروہ موسم حج کے علاوہ کسی اور موقع پر مکہ میں داخل ہونا چاہتا ہو تو واجب ہے کہ وہ عمرہ مفردہ کے احرام کے ساتھ داخل ہو۔ اس حکم سے دو گروہ مستثنیٰ ہیں:
1. وہ لوگ جن کا پیشہ اس بات کا تقاضا کرتا ہے کہ وہ مکہ میں زیادہ آمد و رفت کریں۔
2. وہ لوگ جو حج یا عمرہ بجالانے کے بعد مکہ سے باہر نکل چکے ہیں اور اسی حج یا عمرہ بجالائے ہوئے مہینے میں دوبارہ مکہ میں داخل ہونا چاہتے ہیں۔
مسئلہ ۱۱۔ دوبارہ عمرہ بجالانا حج کے دوبارہ بجا لانے کی طرح مستحب ہے۔ اور دو عمرہ کے درمیان کوئی خاص فاصلہ شرط نہیں ہے۔ لیکن احتیاط کی بنا پر ہر ماہ میں اپنے لئے صرف ایک عمرہ بجا لائے۔ اور اگر دوسرے افراد کے لئے دو عمرے بجا لائے یا ایک عمرہ اپنے لئے اور دوسرا عمرہ کسی دوسرے کے لئےبجا لائے تو مذکورہ احتیاط ضروری نہیں ہے۔ اسی لئے اگر دوسرے عمرے کو کسی کی نیابت میں بجا لائے تو نائب کا اس کے بدلے میں اجرت لینا جائز ہے اور یہ منوب عنہ کے عمرہ مفردہ کے لئے کافی ہے چاہے وہ واجب ہی کیوں نہ ہو۔1 . مسئلہ 34 کے بعد - حج تمتع اور عمرہ تمتع کا اجمالی ڈھانچہحج تمتع اور عمرہ تمتع کا اجمالی ڈھانچہ
مسئلہ ۱۲۔ حج تمتع دو عمل کا مرکب ہے: ۱۔ عمرہ تمتع ۲۔ حج تمتع۔ عمرہ تمتع حج پر مقدم ہے اور ان دونوں کے اپنے مخصوص اعمال ہیں کہ جن کی جانب اشارہ کیا جائے گا۔
مسئلہ ۱۳۔ عمرہ تمتع کے اعمال مندرجہ ذیل ہیں:
1. کسی بھی ایک میقات پر احرام باندھنا،
2. کعبہ کا طواف،
3. نماز طواف،
4. صفا و مروہ کے درمیان سعی،
5. تقصیر (تھوڑے سے بال یا ناخن کاٹنا)
مسئلہ ۱۴۔ حج تمتع کے اعمال مندرجہ ذیل ہیں:
1. مکہ مکرمہ میں احرام باندھنا،
2. ۹ ذی الحجہ کی ظہر سے غروب شرعی تک عرفات میں وقوف،
3. ۱۰ ذی الحجہ کی رات کو سورج طلوع ہونے تک مشعر الحرام میں وقوف،
4. ۱۰ ذی الحجہ (عید قربان کے دن) کو جمرہ عقبہ کو کنکریاں مارنا،
5. قربانی،
6. سرمنڈوانا یا تقصیر کرنا،
7. طواف حج،
8. نماز طواف،
9. صفا و مروہ کے درمیان سعی،
10. طوافِ نساء،
11. نماز طواف نساء،
12. ۱۱ ذی الحجہ کی رات کو منیٰ میں بیتوتہ ( رات گزارنا)کرنا،
13. ۱۱ ذی الحجہ کے دن تینوں جمرات پر کنکریاں مارنا
14. ۱۲ ذی الحجہ کی رات کو منیٰ میں بیتوتہ کرنا،
15. ۱۲ ذی الحجہ کے دن تینوں جمرات کنکریاں مارنا۔ - حج اِفراد اورعمرہ مفردہحج اِفراد اورعمرہ مفردہ
مسئلہ ۱۵۔ حج اِفراد کی کیفیت حج تمتع کی مانند ہے۔ لیکن فرق صرف اتنا ہے کہ حج تمتع میں قربانی کرنا واجب ہے اور حج افراد میں مستحب۔
مسئلہ ۱۶۔ عمرہ مفردہ بھی عمرہ تمتع کی مانند ہے سوائےدرج ذیل مواقع کے:
1. عمرہ تمتع میں انسان کو تقصیر کرنا ضروری ہے لیکن عمرہ مفردہ میں یہ اختیار ہے کہ سر منڈانے اور تقصیر میں اختیار ہے البتہ یہ حکم صرف مردوں کے لئے ہے لیکن خواتین پر واجب ہے کہ وہ عمرہ مفردہ اور عمرہ تمتع میں صرف تقصیر کریں۔
2. عمرہ تمتع میں طواف نساء اور نماز طواف نساء واجب نہیں ہے اگرچہ بنابر احتیاط ان دو اعمال کو تقصیر سے پہلے رجا کی قصد سے بجا لائے۔ لیکن عمرہ مفردہ میں طواف نساء اور اس کی نماز واجب ہے۔
3. عمرہ تمتع کو حج کے مہینوں میں سے ایک مہینہ میں یعنی شوال، ذی قعد یا ذی الحجہ میں انجام دیا جانا چاہیے جبکہ عمرہ مفردہ کو سال کے تمام ایام میں سے کسی میں بھی بجالانا صحیح ہے۔
4. عمرہ تمتع کے میقات، پانچ میقاتوں میں سے ایک ہے کہ جس کی تفصیل آیندہ آئے گی۔ جبکہ عمرہ مفردہ کا میقات شہر مکہ کے اندر موجود افراد کے لئے اَدنَی الحِلّ(حرم کے باہر نزدیک ترین مقام) ہے۔ اگرچہ پانچ میقاتوں میں سے کسی ایک میقات پر بھی احرام باندھنا جائز ہے لیکن جو مکہ سے باہر ہو اور عمرہ مفردہ بجالانا چاہتا ہو تو اسے پانچ میقاتوں میں سے کسی ایک میقات سے احرام باندھنا چاہیے۔ - حج قِرانحج قِرانمسئلہ ۱۷۔ حج قِران کی کیفیت حج اِفراد کی مانندہے لیکن فرق صرف اتنا ہے کہ حج قِران میں مُحرِم ہونے کے ساتھ ساتھ قربانی کا بھی ساتھ ہونا ضروری ہے، اس لحاظ سےاس پر قربانی واجب ہے۔
اسی طرح حج قِران میں احرام لبیک کہنے سے یا اشعار یا تقلید(1) سے محقق ہوجاتا ہے لیکن حج اِفراد میں فقط لبیک کہنے سے محقق ہوتا ہے۔1۔ان دونوں کے معنی مسئلہ ۱40 میں بیان کئے جائیں گے۔ - حج تمتع کے کلی احکامحج تمتع کے کلی احکام
مسئلہ ۱۸۔ حج تمتع کے صحیح ہونے کی شرائط مندرجہ ذیل ہیں:
پہلی شرط: نیت: یعنی جس وقت سے عمرہ تمتع کا احرام باندھا چاہتا ہے اسی وقت سے حج تمتع انجام دینے کا قصد بھی رکھتا ہو۔ ورنہ اس کا حج صحیح نہیں ہے۔
دوسری شرط: عمرہ اور حج دونوں حج کے مہینوں میں واقع ہوں۔
تیسری شرط: عمرہ اور حج دونوں ایک ہی سال میں واقع ہوں۔
چوتھی شرط: عمرہ اور حج دونوں ایک ہی شخص کے لئے اور ایک ہی شخص کے توسط سے انجام دیئے جانا چاہیے لہذا اگر کوئی شخص دو افراد کو اجیر کرے کہ ان میں سے ایک میت کی طرف سے حج تمتع بجالائے اور دوسرا عمرہ تمتع، تو کافی نہیں ہے۔
مسئلہ ۱۹۔ ایسا شخص جس کا وظیفہ حج تمتع ہو وہ خود اپنی مرضی سے اپنے حج تمتع کو حج قِران یا حج اِفراد میں تبدیل نہیں کرسکتا۔
مسئلہ ۲۰۔ ایسا شخص جس کا وظیفہ حج تمتع ہے اور اگر اسے یہ احساس ہو کہ وقت کی کمی کی وجہ سے وہ عمرہ تمتع کو مکمل کر کے حج کو درک نہیں کر سکتا ہے، ایسے شخص پر واجب ہے کہ وہ اپنے حج تمتع کو حج اِفراد میں تبدیل کرے اور حج کے اعمال انجام دینے کے بعد عمرہ مفردہ بجا لائے۔
مسئلہ ۲۱۔ وہ خاتون جو حج تمتع انجام دینا چاہتی ہے لیکن میقات پر پہنچنے پر ماہانہ عادت سے دوچار ہوئی اگر وہ احتمال دیتی ہے کہ حج تمتع کے احرام کے لئے وقت کی تنگی سے پہلے پاک ہوجائے گی اور غسل کرنے کے بعد عمرہ تمتع کے اعمال بجالاسکتی ہے اور پھر حج کے احرام سے عرفات کے وقوف کو عرفہ کے دن اول ظہر سے درک کرسکتی ہے تو اس پر واجب ہے کہ میقات میں عمرہ تمتع کے لئے مُحرِم ہوجائے پھر اگر پاک ہوئی اور عمرہ تمتع کے اعمال کو بجالانے اور عرفات میں اختیاری وقوف درک کرنے کے لئے کافی وقت ہوا تو اسے یہی کام انجام دینا چاہیے اگر اتفاق طور پر پاک نہ ہوئی یا پاک ہونے کے بعد اس کے پاس عمرہ تمتع بجالانے اور عرفات کے وقوف کو درک کرنے کے لئے وقت کافی نہیں ہے تو عمرہ تمتع کے احرام کے ساتھ حج افراد کی طرف عدول کرے گی اور اس کے بعد ایک عمرہ مفردہ کو بجالائے گی اور اس کا یہ عمل حج تمتع کے لئے کافی ہے۔
اور اگر اسے اطمینان ہے کہ حج تمتع کے احرام اور وقوف عرفات کو درک کرنے کے وقت تک پاک نہیں ہوسکتی ہے یا اگر پاک ہوجائے تو عمرہ کے اعمال انجام دینے اور وقوف عرفات کو درک کرنے تک کافی وقت نہیں ہوگا تو اس صورت میں وہ میقات پر ہی ما فی الذمہ کے قصد سے یا حج اِفراد کے لئے مُحرِم ہوجائے اور اعمال حج بجالانے کے بعد ایک عمرہ مفردہ بجالائے۔ اس کا یہ عمل حج تمتع کے لئے کافی ہوگا۔
لیکن اگر میقات پر احرام باندھنے کے کے وقت پاک تھی، پھر راستے میں یا مکہ پہنچنے پر عمرہ کا طواف اور اسکی نماز بجالانے سے پہلے یا طواف کے دوران چوتھے چکر کو تمام کرنے سے پہلے، ماہانہ عادت سے دوچار ہوجائے اور عمرہ کے اعمال انجام دینے، عرفات کے وقوف اختیاری درک کرنے کے وقت تک پاک نہ ہوئی تو اس صورت میں اسے اختیار ہے کہ یا تو اسی احرام کے ساتھ عمرہ تمتع کو حج افراد میں بدل دے اور حج افراد کو انجام دینے کے بعد عمرہ مفردہ بجالائے اور اس کا یہ عمل حج تمتع کے لئے کافی ہوگا؛ یا عمرہ تمتع کے طواف اور اسکی نماز کو چھوڑ کر، سعی اور تقصیر کو انجام دے او رعمرہ تمتع کے احرام سے خارج ہوجائے، اس کے بعد حج تمتع کے لئے محرم ہونے، دونوں وقوف کو درک کرنے اور اعمال منی کو انجام دینے کے بعد مکہ آنے پر، حج کے طواف ، اس کی نماز اور سعی بجا لانےسے پہلے یا ان کو انجام دینے کے بعد عمرہ تمتع کے طواف اور اس کی نماز کو قضا کے طور پر بجالائے۔ اس کا یہ عمل بھی حج تمتع کے لئے کافی ہے اور اس کے ذمہ کوئی اور چیز نہیں رہے گی۔
اور اگر طواف کے دوران، چوتھے چکر کے اختتام پر ماہانہ عادت سے دوچار ہوئی تو باقی طواف اور نماز کو چھوڑ کر سعی اور تقصیر کو انجام دے اور احرام سے خارج ہوجائے پھر حج تمتع کے لئے محرم ہوکر دونوں وقوف کو درک کرنے اور منی کے اعمال کو انجام دینے کے بعد واپس مکہ لوٹنے پر طواف، نماز اور سعی کو بجالانے کے بعد یا اس سے پہلے، عمرہ کا طواف(1) اور اس کی نماز بجا لائے، اس کا یہ عمل حج تمتع کے لئےکافی ہے اور اس کے ذمہ کوئی چیز نہیں ر ہےگی۔
مسئلہ ۲۲۔ حج کے اعمال اور اس کے احکام تیسری فصل میں تفصیل کے ساتھ بیان کئے جائیں گے۔
1۔ اس کی تفصیل جاننے کے لئے مسئلہ نمبر 286 کی طرف رجوع کریں۔ - پہلا حصه حَجة الاسلام اورنيابتي حج
- فصل اول : حجة الاسلام
- دوسري فصل :نيابتي حج
- نائب کے شرائط
- منوب عنہ کي شرائطمنوب عنہ کي شرائط
مسئلہ ۸۱۔ منوب عنہ کے لئے درج ذیل شرط کا ہونا ضروری ہے۔
1- اسلام ، پس کافر کي نیابت میں حج صحیح نہيں ہے ۔
2- حج واجب میں یہ شرط ہے کہ منوب عنہ فوت ہو چکا ہو يا اگر زندہ ہو تو بيماري يا بڑھاپے کي وجہ سے خود حج بجالانے پر قادر نہ ہو يا حج بجالانے ميں اسکے لئے حرج اور مشقت ہو اور آئندہ سالوں ميں بھي بغير حرج کے حج پر قادر ہونے کي اميد نہ رکھتا ہو ليکن مستحب حج ميں دوسروں کي طرف سے نائب بننا مطلقا صحيح ہے ۔
مسئلہ ۸۲۔ منوب عنہ کے لئے عاقل اور بالغ ہونا شرط نہیں ہے۔
- حج کی نیابت سے مربوط مسائلحج کی نیابت سے مربوط مسائل
مسئلہ ۸۳۔ نائب اور منوب عنہ کا ہم جنس ہونا شرط نہيں ہے پس عورت مرد کي طرف سے اور مرد عورت کی طرف سےنائب بن سکتے ہیں ۔
مسئلہ ۸۴۔ صرورہ کی نیابت یعنی جس نے بھی تک حج بجا نہ لایا ہو- صرورہ اور غير صرورہ کي طرف سے جائز ہے چاہے نائب يا منوب عنہ مرد ہو ياعورت ۔
مسئلہ ۸۵:حج نیابتی میں نیابت کا قصد اور منوب عنہ کو معین کرنا شرط ہےاگرچہ اجمالی صورت میں ہی کیوں نہ ہو ، لیکن یہ ضروری نہیں ہے کہ نائب، منوب عنہ کا نام ذکر کرے۔
مسئلہ ۸۶۔ اس شخص کو اجير بنانا صحيح نہيں ہے کہ جسکا فریضہ وقت کی تنگی کی وجہ سے حج اِفراد کي طرف عدول کرنا ہولیکن اگر نائب کو وقت کی وسعت میں اجیربنائے اوراس کے بعد اتفاق سے وقت تنگ ہو جائے تو اس پر حج اِفراد کی طرف عدول کر نا واجب ہے اور اسکا یہ عمل منوب عنہ کے حج تمتع کےلئے کافي ہے اور اجرت کا بھي مستحق ہو گا ۔
مسئلہ ۸۷۔ اگر نائب احرام اور حرم ميں داخل ہونے کے بعد مر جائے ، اگر نائب کو مقرر کرنا منوب عنہ کے بری الذمہ ہونے کے لئ ہو، جیسا کہ بظاہر اجارہ کی قرار داد سے یہی سمجھ میں آتا ہے، تو اجیر پوری اجرت کا حقدار ہوگااور اسے اسکے وارثوں کو دیا جانا چاہیے۔
مسئلہ ۸۸۔ اگر کوئی شخص معين اجرت پر حج کيلئے اجير بن جائے اور وہ اجرت حج کے اخراجات سے کم پڑ جائے تو اجیر کرنے والے پر اس کمی کو پورا کرنا واجب نہیں ہے اسی طرح اگر ادا کی گئی رقم میں سے کچھ باقی بچ جائے تو اسے واپس لینے کا حق نہیں ہے۔
مسئلہ۸۹۔ جن موارد میں نائب کا حج منوب عنہ کیلئے کفایت نہ کرے جبکہ اسی سال حج بحا لانے کے لئے اجیر بنا ہو تو اجیر پر واجب ہے کہ اجرت کو واپس کرے۔ بصورت دیگر تو اس پر لازم ہے کہ اگلے سالوں میں منوب عنہ کی جانب سے حج بجالائے۔
مسئلہ ۹۰۔ جو شخص حج کے بعض اعمال انجام دينے سے معذور ہو تو وہ حج کی نیابت کے لئے اجیر نہیں بن سکتا ہے۔ اور معذور اس شخص کو کہتے ہیں جو حج کے اختیاری اعمال جیسے تلبیہ اور صحیح طور پر نماز طواف اور طواف و سعي ميں خود اپنے پاوں پر چلنا، رمي جمرات کو خود اپنے ہاتھوں سے انجام دینا، عرفات اور مشعر میں مقررہ وقت کے اندر وقوف اور منی میں بیتوتہ کو ایسے انجام دے کہ حج کے بعض اعمال ناقص رہ جائیں اور اگر حج کے بعض اعمال ناقص تو نہ ہوں اور صرف احرام کے بعض محرمات کے ارتکاب میں معذور ہو تو اسکی نیابت صحیح ہے۔
مسئلہ۹۱۔ اگر نيابتي حج کے دوران نائب معذور ہوجائے اور اسکا عذر حج کے اعمال کے ناقص ہونے کا باعث بنے تو اجارہ کا باطل ہو جانا بعيد نہيں ہے ۔ اور احوط یہ ہے کہ منوب عنہ کي طرف سے دوبارہ حج بجالائے اور نائب اور منوب عنہ کے درمیان اجرت پرمصالحت کرے۔
مسئلہ ۹۲۔ جو لوگ مشعر الحرام ميں اختياري وقوف سے معذور ہيں ان کی نیابت صحیح نہيں ہے اور اگر ایسے لوگ نائب بن جائیں تو وہ اجرت مستحق نہيں ہوں گے جيسے کار وانوں کے خدمت گزار جو معذور افراد کی ہمراہی سونپی گئی ہے یا کاروان کے بعض خدمات کی انجام دہی کے لئے طلوع فجر سے پہلے مشعر سے مني کي طرف نکل جانا پڑتا ہے۔ اگر یہ افراد نیابتی حج انجام دینے کے لئے اجیر بنیں تو وہ ضرور اختیاری وقوف انجام دیں تاکہ حج بجا لاسکیں ۔
مسئلہ ۹۳۔ معذور نائب کے حج کے کافي نہ ہونے کے لئے اس میں کوئی فرق نہيں ہے کہ وہ اجير ہو يا مفت ميں حج کوانجام دے رہا ہو اس میں بھی کوئي فرق نہيں ہے کہ خود نائب اپنے معذور ہونے سے لاعلم ہو يا منوب عنہ کو اس بات کا علم نہ ہو اسی طرح اگر ان ميں سے کوئي ايک بھی اس بات سے لا علم ہو کہ يہ ايسا عذر ہے کہ جس کے ساتھ نیابت صحیح نہيں ہے جيسا کہ نائب اس بات سے لاعلم ہو کہ مشعر الحرام ميں وقوف اضطراري پر اکتفا نہیں کرسکتا ہے۔
مسئلہ ۹۴۔ نائب پر واجب ہے کہ وہ اپنے فریضہ کے مطابق عمل کرےخواہ تقليدکے لحاظ سے ہو ياا جتہاد کے لحاظ سے۔
مسئلہ ۹۵۔ اگر نائب احرام اور حرم ميں داخل ہونے کے بعد فوت ہو جائے تو یہی مقدار منوب عنہ سے حج کے محقق ہونے کے لئے کافی ہے۔ اور اگر احرام کے بعد حرم ميں داخل ہونے سے پہلے مرجائے تو احتیاط واجب کي بناپرکافي نہيں ہے اور اس حکم کے لحاظ سے کوئي فرق نہيں ہے کہ نائب اجير ہو يا مفت ميں کام انجام دے رہا ہو اور نيابت حجة الاسلام کے لئے ہو يا کسي اور واجب حج کے لئے۔
مسئلہ ۹۶۔ جو شخص کسی کی نیابت میں حج پہ گیا ہے جبکہ خود نے ابھی تک حجة الاسلام انجام نہيں ديا ہے تو احتیاط مستحب يہ ہے کہ نيابتي حج کے اعمال مکمل کرنے کے بعد سے جب تک مکہ ميں ہے اگر بجا لاسکتا ہے تو اپنے لئے بھی ایک عمرہ مفردہ بجالائے ۔
مسئلہ ۹۷۔ نيابتي حج کے اعمال سے فارغ ہونے کے بعد نائب کو اپنے یا کسی دوسرے کيلئےطواف کرنا یا عمرہ مفردہ بجا لانا جائز ہے۔
مسئلہ ۹۸۔ جيسا کہ نیابت ميں احتیاط واجب کي بنا پر ايمان (شیعہ ہونا) شرط ہے اسي طرح اعمال حج ميں سے ہر اس کام ميں بھي ایمان شرط ہے کہ جس ميں نيابت صحيح ہے جيسے طواف ، رمي کرنا، قرباني کرنا۔
مسئلہ ۹۹۔ نائب پر واجب ہے کہ وہ اعمال حج کو منوب عنہ کي طرف سے نیابت کی نیت سے بجا لائے اور اسی طرح واجب ہے کہ طواف النسا ءکو بھی منوب عنہ کی نیابت میں انجام دے۔
-
-
- دوسرا حصه عمرہ کے اعمال
- تیسرا حصہ حج کے اعمال
- حج اور عمرہ کے استفتائات
مسئلہ ۷۹۔ مندرجہ ذیل شرائط کا نائب میں پایا جانا ضروری ہے:
1: بلوغ (احتیاط واجب کی بنا پر)، پس نابالغ شخص کی نیابت، حجۃ الاسلام بلکہ کوئی بھی واجب حج کے لئے کافی نہیں ہے ۔
2: عقل ، پس مجنون اگر جنون کی حالت میں نیابت صحیح نہیں ہے چاہے اسکا جنون دائمی ہو یا اسے کبھی کبھار دورے پڑتے ہوں۔
3: ايمان (یعنی شیعہ اثنا عشری ہونا)احتیاط واجب کی بناپر ، پس غیر مؤمن کي نیابت کافی نہیں ہے۔
4: حج کے اعمال اور احکام سے واقف ہونا، اس طرح سے کہ اعمال حج کو صحيح طور پر انجام دينے پر قادر ہو اگرچہ عمل انجام دیتے وقت دوسروں کي راہنمائي سے ہی انجام دے سکے ۔
5: نائب کے ذمہ اس سال واجب حج نہ ہو ہاں اگر نائب اپنے اوپر حج واجب ہونے سے بے خبر ہو تو اسکا نيابتي حج صحيح ہونا بعيد نہيں ہے۔
6: نائب، حج کے افعال میں سے بعض کو انجام دینے سے معذور نہ ہو ۔ اس شرط کی وضاحت اور اس سے مربوط احکام، بعد میں بیان ہونگے(1)۔
مسئلہ ۸۰۔ حج نیابتی پر اکتفا کرنے کے لئے اس بات کا اطمینان حاصل ہوناضروری ہے کہ نائب نے منوب عنہ کی طرف سے حج انجام دے چکا ليکن يہ جان لينے کے بعد کہ اس نے حج انجام دے ديا ہے اس بات کا وثوق شرط نہيں ہے کہ اس نے حج کو صحيح طور پر انجام ديا ہے بلکہ اس کے عمل کو صحیح ہونے پر حمل کیا جائے۔
1 . مسئلہ نمبر ۹۰ اور اس کے بعد کے