Xümsün sərf edildiyi yerlər və xüms almağa haqlı olan şəxslər
- Hal-hazırda xümsü məscid, xəstəxana, məktəb tikintisinə və başqa xeyriyyə işlərinə sərf etməyə icazə verilmir. Xüms mərcəyi-təqlidin idarəsinə və ya onun səlahiyyətli nümayəndəsinə və vəkilinə verilməlidir.
- Mükəlləf xümsünü öz yoxsul ata və anasına verə bilməz. Əlbəttə, əgər ata və ana yoxsuldursa, amma övladın onların məişət xərclərini vermək imkanı varsa, valideynin məişət xərclərini vermək övlada vacibdir. Övladın ata və anasına verdiyi dolanışıq xərcləri onun məunəsindən hesab edilir.
- Dini Elmlər Hövzəsinin tələbələri İmam (ə) payından istifadə etmək üçün mərcəyi-təqlidlərin idarələrinin tələbələr verilən aylıq müavinət barədə qoyduğu şərtlərə riayət etməlidirlər.
