خبریں
۱۹ دی کے قیامِ قم کی مناسبت سے قم کے مختلف عوامی طبقات کے ساتھ ملاقات
رہبر معظم انقلاب اسلامی نے آج صبح (اتوار) کو قم کی عوام کے مختلف طبقوں کے ساتھ ایک ویڈیو ملاقات میں قم میں 9 جنوری 1978 کے تاریخی قیام کو "مذہبی اعتقاد کی گہرائی" اور "عقلیت کے ساتھ مذہبی غیرت" قرار دیا۔ انہوں نے ایرانی قوم کے عقائد پر مبنی نظام سے امریکہ کی گہری نفرت کا حوالہ دیتے ہوئے کہا: "ہمیں موجودہ ذمہ داریوں کو سمجھ کر، امید اور اتحاد اور طاقت کے ساتھ مستقبل کے روشن افق کی جانب بڑھنا چاہیے۔ اس راستے میں عہدیداروں کو بھی عوامی پہلوؤں کی تقویت اور تکمیل کے ذریعے مسائل کے حل کیلئے اپنی کوششوں کو وسعت دیں۔
250 گمنام شہداء کے تشییع جنازہ کی مناسبت سے پیغام
رہبر معظم انقلاب اسلامی نے حضرت زہرا سلام اللہ علیہا کے یوم شہادت کے موقع پر ملک بھر میں 250 گمنام شہداء کے تشییع جنازہ کی مناسبت سے ایک پیغام جاری کیا۔
شہید سلیمانی کی دوسری برسی کی انتظامیہ کمیٹی اور اہل خانہ سے ملاقات
رہبر انقلاب اسلامی نے ہفتے کی صبح شہید حاج قاسم سلیمانی کی برسی کے پروگراموں کا انعقاد کرنے والی کمیٹی کے اراکین اور شہید کے اہل خانہ سے ملاقات میں صداقت و اخلاص کو مکتب سلیمانی کا خلاصہ، مظہر اور شناخت قرار دیا اور خطے کے جوانوں کیلئے شہید سلیمانی کے ایک نمونۂ عمل کی حیثیت اختیار کر جانے کا حوالہ ہوئے فرمایا: عزیز قاسم سلیمانی، ایران کی سب سے بڑی قومی اور مسلم امہ کی سب سے بڑی 'امّتی' شخصیت تھے اور ہیں۔
نرسوں اور شعبہ صحت کے شہداء کے گھرانوں کے ساتھ ملاقات
رہبر معظم انقلاب اسلامی نے آج صبح نرسوں اور شعبہ صحت کے شہداء کے گھرانوں کے ساتھ ملاقات میں حضرت زینب کبریٰ سلام اللہ علیہا کے طرز عمل اور اقوال کو خواتین کی عظمت، روحانی اور فکری قوت کا مظہر قرار دیا اور نرسنگ کی اہمیت اور اس باوقار کام کی مشکلات اور تلخیوں کی مختلف جہتیں بیان کرنے کے ہمراہ مختلف زاویوں سے نرسنگ طبقے کی تقویت کو نرسوں کا بنیادی مطالبہ قرار دیا اور اس منطقی مطالبے کی تکمیل کو عہدہ داروں کا فریضہ اور ملک اور معاشرے کے حال اور مستقبل کی ضرورت قرار دیا۔
حجۃ الاسلام و المسلمین حاج شیخ عباس علی صادقی کی رحلت پر تسلیت کا اظہار
حجۃ الاسلام و المسلمین حاج شیخ عباس علی صادقی کی رحلت پر تسلیت کا اظہار
آیت اللہ حاج سید رضی شیرازی کی رحلت پر اظہارِ تسلیت
آیت اللہ خامنہ ای نے اپنے تعزیتی پیغام میں مرحوم آیت اللہ حاج سید رضی شیرازی کی وفات پر تسلیت کا اظہار کیا
صوبہ ایلام کے تین ہزار شہداء کی یادگاری تقریب کی انتظامیہ کے اجلاس میں رہبر معظم انقلاب اسلامی کا پیغام
صوبہ ایلام کے تین ہزار شہداء کے یادگاری تقریب کے انتظامیہ کے اجلاس میں رہبر معظم انقلاب اسلامی کا پیغام آج (جمعرات) صبح کانفرنس ہال میں نشر ہوا۔
اس پیغام میں آیت اللہ خامنہ ای نے ملک کے دفاع میں مزاحمت، ہمہ جہت موجودگی اور شہداء کے گھرانوں کی کثیر تعداد کو صوبہ ایلام کی منفرد خصوصیات قرار دیا
اسلامی تبلیغی رابطہ کونسل کے نئے سربراہ کا تقرری حکم
آیت اللہ جنتی کے اسلامی تبلیغی رابطہ کونسل کی سربراہی سے مستعفی ہونے کے بعد آیت اللہ خامنہ ای نے ایک حکم میں ان کی خدمات کا شکریہ ادا کرتے ہوئے حجۃ الاسلام محمد حسین موسی پور کو کونسل کا سربراہ مقرر کیا۔
ہفتہ بسیج کی مناسب سے پیامِ تبریک
ہفتہ بسیج کی مناسب سے اپنے پیامِ تبریک میں آیت اللہ خامنہ ای نے ملک کے مسائل پر قابو پانے کے لیے "محنت، حکمت، دیانت اور خدا پر توکل" کو تجربہ شدہ ہتھیار قرار دیا۔
تعزیتی پیغام
رہبر انقلاب آیت اللہ العظمیٰ خامنہ ای نے مجاہد عالم دین، حجت الاسلام حاج شیخ محسن مجتہد شبستری کے انتقال پر تعزیت کا اظہار کیا ہے۔ ان کا تعزیتی پیغام حسب ذیل ہے:
ممتاز اور درخشاں استعداد کے حامل نوجوانوں کے ساتھ ملاقات
آج (17 نومبر 2021) رہبر معظم انقلاب اسلامی نے ممتاز اور درخشاں استعداد کے حامل نوجوانوں کے ساتھ ایک ملاقات میں ممتاز نوجوانوں کو قوم کی آنکھوں کا نور قرار دیا اور اس بات پر زور دیا کہ علمی اور اعلی استعداد کے مالک افراد کو مختلف مسائل کے علمی حل تلاش کرنے پر توجہ دینی چاہیے۔ . انہوں نے مزید کہا: کسی بھی ملک اور باقی دنیا کے درمیان علمی ترقی کے فرق کو دور کیا جا سکتا ہے تاکہ علم کی عالمی سرحدوں کو عبور کیا جا سکے، ایک نئی اسلامی تہذیب کی تشکیل ہو اور ملک کے مستقبل کو روشن بنایا جا سکے۔
ثقافتی انقلاب سپریم کونسل کے اراکین کیلئے تقرری فرمان
آیت اللہ خامنہ ای نے ثقافتی انقلاب سپریم کونسل کے اراکین کو نئی چار سالہ مدت کے لیے مقرر کیا ہے اور اور ان سابق اراکین بالخصوص علماء اور پروفیسروں کی کوششوں کا شکریہ ادا کیا جو حالیہ مدت میں موجود نہیں ہوں گے۔ آپ نے تاکید کی کہ ثقافت کا عمومی ڈھانچہ انقلابی ترتیب اور ثقافتی روح پر مبنی ہونا چاہیے کیونکہ یہ ثقافتی یلغار اور غیر ملکی میڈیا کے خلاف تحفظ کا ذریعہ ہے۔
زنجان کے شہداء کی یادگاری تقریب کے منتظمین سے رہبر معظم انقلاب اسلامی کا خطاب
15 اکتوبر 2021 کو صوبہ زنجان کے 3,535 شہداء کی یادگاری تقریب کے منتظمین کے اجلاس میں رہبر معظم انقلاب اسلامی کی تقریر آج (جمعرات) صبح اجلاس کے دوران منتشر کی گئی۔
اس ملاقات میں آیت اللہ خامنہ ای نے سائنسی، عملی اور سماجی میدانوں میں زنجان کے بے شمار اعزازات اور مشہور ایٹمی سائنسدان شہید شہریاری جیسی ممتاز شخصیات کی قربانیوں کا ذکر کرتے ہوئے فرمایا: شہداء زنجان کے اعزازات میں سرفہرست ہیں۔
رہبر معظم انقلاب اسلامی نے شہداء کو خدا کے برگزیدہ افراد قرار دیا اور فرمایا: شہادت ایک ایسی چوٹی ہے جو اخلاص و قربانی، سچائی اور روحانیت، جدوجہد اور عفو و درگزر، خدا کی طرف توجہ، خدمت خلق، انصاف اور مذہبی حکمرانی کے لیے جدوجہد کرنے کے بغیر حاصل نہیں کی جاسکتی ہے۔
پیغمبر اسلام (ص) اور حضرت امام جعفر الصادق (ع) کے یوم ولادت باسعادت کے موقع پر رہبر معظم انقلاب اسلامی کا بین الاقوامی اسلامی اتحاد کانفرنس می
پیغمبر اسلام (ص) اور حضرت امام جعفر الصادق (ع) کے یوم ولادت باسعادت کے موقع پر رہبر معظم انقلاب اسلامی نے بین الاقوامی اسلامی اتحاد کانفرنس کے منتظمین اور مہمانوں کے ایک گروپ سے ملاقات میں "انسانی زندگی کے تمام پہلوؤں میں اسلام کی جامعیت کے بیان اور فروغ" اور "مسلمانوں کے اتحاد کو مضبوط بنانے" کو امت اسلامیہ کے دو اہم فرائض کے طور پر قرار دیا اور تاکید کی: اسلامی اتحاد ایک اصولی معاملہ ہے، اور قرآنی فرض ہے۔ ایک نئی اسلامی تہذیب کی تشکیل کے بلند مقصد کا حصول شیعہ اور سنی اسلام کے اتحاد کے بغیر ناممکن ہے۔
افغانستان کے صوبے قندوز کی مسجد میں دھماکے اور نمازیوں کی کثیر تعداد میں جانیں ضائع ہونے پر پیغام
افغانستان کے صوبے قندوز کی ایک مسجد میں اندوہناک دھماکے اور نمازیوں کی کثیر تعداد کی جانیں ضائع ہونے کے بعد ، امام خامنہ ای نے ان خوفناک جرائم میں ملوث افراد کو سزا دینے اور اس طرح کے واقعات کو روکنے کی ضرورت پر زور دیا۔ رہبر انقلاب اسلامی کے پیغام کا متن حسب ذیل ہے:
امام حسین علیہ السلام عسکری درسگاہ میں مسلح افواج کی مشترکہ گریجویشن تقریب میں خطاب
آج صبح (اتوار) کو، مسلح افواج کے کمانڈر انچیف آیت اللہ خامنہ ای نے امام حسین علیہ السلام عسکری درسگاہ میں مسلح افواج کی مشترکہ گریجویشن تقریب کے دوران ویڈیو لنک کے ذریعے معزز افواج کو "مفتخر ایرانی قوم، طاقتور اور عزیز وطن کی حفاظت کا مضبوط قلعہ" قرار دیا اور مزید کہا: خطے میں غیر ملکیوں کی مداخلت اختلاف اور نقصان کا باعث ہے اور تمام مسائل اور واقعات کو غیر ملکی مداخلت کے بغیر اور خطے کے دوسرے ممالک کی مثال کو مدنظر رکھتے ہوئے ایران کی طاقت اور عقلیت اور اسلامی جمہوریہ کی مسلح افواج کے ذریعے حل کیا جانا چاہیے۔ رہبر معظم انقلاب اسلامی نے گریجویٹس کی کامیابی اور مسلح افواج کے جوانوں کی حسینی سکول اور یونیورسٹی میں ترقی کی امید کا اظہار کیا اور ایرانی قوم کو وفادار ، متقی ، بہادر، پرعزم اور بصیرت رکھنے والے نوجوان موجود ہونے پر مبارکباد دی : عزیز کمانڈر ، جو وطن کے نوجوانوں کو اس طرح تربیت دیتے ہیں ، قدردانی اور تعریف کے مستحق ہیں۔
ڈاکٹر پیمان جبیلی کو ریڈیو اور ٹیلیویژن کا سربراہ مقرر کردیا گیا
رہبر انقلاب اسلامی نے ایک فرمان جاری کیا ہے جس میں ڈاکٹر پیمان جبیلی کو ریڈیو اور ٹیلیویژن کے ادارے کا سربراہ مقرر کیا گیا ہے۔
حضرت ابا عبداللہ الحسین علیہ السلام اور ان کے وفادار ساتھیوں کی چہلم کی مجلس
سید و سالار شہداء حضرت ابا عبداللہ الحسین علیہ السلام اور ان کے وفادار ساتھیوں کی چہلم کی مجلس تہران یونیورسٹی میں امام خمینی حسینیہ کے ساتھ ویڈیو لنک کے ذریعے رہبر معظم انقلاب اسلامی کی موجودگی میں منعقد ہوئی۔
