Xəbərlər
Daxili İşlər Naziri, nazirliyin tabeliyində olan VVADQ Baş İdarəsinin sədri və qurumun məsul rəsmiləri ilə görüş
Mübarək “Fəcr dekadası” ərəfəsində 15 yaşdan yuxarı olan vətəndaşlara şəxsiyyəti təsdiq edən yeni ölkədaxili pasportların verilməsi ilə bağlı dövlət layihəsi ilk belə pasportun məhz İran İslam Respublikasının Ali Məqamlı Rəhbəri Həzrət Ayətullah Xameneiyə təqdim olunması ilə start götürdü.
Ali Məqamlı Rəhbər mərhum İmam Xomeyninin məqbərəsini ziyarət etdi
Bu gün səhər – ilahi mahiyyətə malik olan mübarək “Fəcr dekadası” və imam Xomeyninin (r.ə) vətənə tarixi qayıdışının ildönümü ərəfəsində İslam İnqilabının Ali Məqamlı Rəhbəri Həzrət Ayətullah Xamenei mərhum İmamın (r.ə) müqəddəs məqbərəsini ziyarət etdi, imam Xomeyninin (r.ə) ruhuna “Fatihə” oxuyaraq İran İslam Respublikasının banisinin əziz xatirəsini dərin ehtiramla yad etdi.
Royan Embrioloji Tədqiqatlar İnstitutunun məsul rəsmiləri və tədqiqatçıları ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei Royan Embrioloji Tədqiqatlar İnstitutunun məsul şəxsləri və burada çalışan tədqiqatçılarla görüşündə qeyd etdi ki, akademik sferada əsl cihad, aktual problemlərin dəqiqliklə seçimi, bu problemlərin həlli istiqamətində elmi biliklərdən səmərəli istifadə, habelə Allaha sonsuz iman sayəsində gerçəkləşdirilən gərgin fəaliyyət bu elmi mərkəzin əldə etdiyi müvəffəqiyyətin simvoludur.
Mavritaniya Respublikasının prezidenti və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Mavritaniya İslam Respublikasının prezidenti Məhəmməd Uld Əbdüləziz və onu müşayiət edən nümayəndə heyəti ilə görüşündə xüsusilə qeyd etdi ki, müsəlman ölkələri ilə əməkdaşlıq əlaqələrinin genişləndirilməsi İran İslam Respublikasının xarici siyasət kursunun başlıca prinsipidir. Eyni zamanda Ali Məqamlı Rəhbər hazırkı səfərin iki ölkə arasında müxtəlif sahələr üzrə qarşılıqlı əlaqələrin genişləndirilməsi üçün müsbət bir başlanğıc olacağına ümidvar olduğunu da bildirdi.
Mazandaran vilayətinin imanlı camaatı ilə izdihamlı görüş
İslam İnqilabının Ali Məqamlı Rəhbəri Həzrət Ayətullah Xamenei Mazandaran vilayətinin, o cümlədən Amol şəhərinin minlərlə sakini, həmçinin alimlər və vilayətin məsul vəzifəli şəxsləri ilə görüşündə baş verən tarixi əhəmiyyətli hadisələri ölkənin gələcək inkişaf yolunda irəliləyişi üçün ibrətamiz dərslər adlandıraraq, habelə xalqın ölkənin ictimai-siyasi həyatındakı müdrik və uzaqgörən iştirakı sayəsində ötən 30 il ərzində düşmənin İİR-nın əleyhinə cızdığı cürbəcür planların boşa çıxdığını qeyd edərək təkidlə vurğuladı.
Qayana Respublikasının prezidenti Barrat Caqdeo ilə görüş
İran İslam Respublisının Ali Məqamlı Rəhbəri Həzrət Ayətullah Xamenei bu gün günortadan sonra Qayana Respublikasının prezidenti Barrat Caqdeo və onu müşayiət edən nümayəndə heyəti ilə görüşündə Qayana dövlətinin yürütdüyü müstəqil xarici siyasətə toxunaraq qeyd etdi: “Dünya ictimaiyyətinə qarşı yönəlmiş ən böyük zülm superdövlətlərin ağalığı, hegemon qüvvələrin işğalçılıq siyasəti, dünya ölkələrinin “işğalçı” və “işğala məruz qalan” dövlətlərə bölünməsidir. Məhz buna görə də İran İslam Respublikası elə ilk başlanğıcdan öz siyasətini imperializmə qarşı mübarizə əsasında qurub”.
İslami Təbliğat üzrə Koordinasiya Şurasının və “Fəcr dekadası” qərargahlarının rəsmiləri ilə görüş
Bu gün İran İslam Respublikasının Ali Məqamlı Rəhbəri Həzrət Ayətullah Xamanei İslami Təbliğat üzrə Koordinasiya Şurasının və ölkədəki “Fəcr dekadası” qərargahlarının məsulları ilə görüşündə qeyd etdi ki, İslam İnqilabının ərsəyə gəlməsində başlıca rol oynamış İran xalqının hamılıqla və izdihamlı iştirakı, eləcə də inqilabın fundamental şüarlarına səmimi-qəlbdən bağlılığı bu inqilabın və onun ötən 30 il ərzində ölkədə hər il qeyd olunan ildönümü mərasimlərinin ən mühüm spesifik xüsusiyyətidir.
Ali Məqamlı Rəhbərin professor Məsud Əliməhəmmədinin şəhadəti ilə əlaqədar başsağlığı müraciəti
İslam İnqilabının Ali Məqamlı Rəhbəri Həzrət Ayətullah Xamenei görkəmli müəllim, professor Məsud Əliməhəmmədinin şəhid olması ilə əlaqədar başsağlığı vermişdir.
Qum şəhərinin əhalisi ilə izdihamlı görüş
Bu gün səhər İran İslam Respublikasının Ali Məqamlı Rəhbəri Həzrət Ayətullah Xamanei Qum şəhərinin minlərlə sakini ilə görüşündə bu il baş tutan ümumxalq 9 dey yürüşündə imanlı, uzaqgörən və qeyrətli İran xalqının möhtəşəm və həlledici iştirakını Allahın qüdrətinin təzahürü və İslam İnqilabının tarixində sarsılmaz bir hərəkat adlandıraraq təkidlə vurğuladı: “Hazırkı qarmaqarışıq və fitnə-fəsadla dolu şəraitdə İslam dövlətinin və İslam İnqilabının əleyhinə şüarlarla çıxış edən müstəmləkəçilər və dinin əleyhinə olan cərəyanlar illər boyu imam Xomeyniyə (r.ə) və İslam İnqilabına qarşı mübarizə bayrağı altında birləşmiş şəxslərdir. Bu həqiqəti dərk edən müdrik xalqımız isə İslam dövlətinin və İslam İnqilabının müdafiəsində həlledici rola malik olduğunu bir daha sübuta yetirdi”.
Avropadakı İslami Tələbə Təşkilatları Aliansının üzvləri ilə görüş
Bu gün axşam Avropadakı İslami Tələbə Təşkilatları Aliansının üzvləri ilə görüşündə İslam Respublikasının Ali Məqamlı Rəhbəri Həzrət Ayətullah Xamenei ölkədəki elmi hərəkatı zəruri və təxirəsalınmaz bir ehtiyac adlandıraraq təkidlə xatırlatdı ki, belə bir mühüm tarixi etapdan uğurla keçmək üçün “elmi biliklərin mənimsənilməsi” və “Allah yolunda səylə çalışmaq” işində gənclərin payına olduqca həssas və təhlükəli bir missiya düşür.
Həcc mərasiminin təşkilatçıları və məsul rəsmiləri ilə görüş
İslam Respublikasının Ali Məqamlı Rəhbəri Həzrət Ayətullah Xamenei həcc mərasiminin təşkilatçılıq və məsul rəsmiləri ilə görüşdə həcc ziyarətinin böyük tutuma malik olmasına işarə edərək təkidlə vurğuladı: “Həcc ziyarətinin əməl və ayinlərindən hər biri insanın mənəvi tərbiyəsinə müstəsna təsir etməkdən əlavə, həm də təbliğat və maarifləndirmə baxımından da böyük qabiliyyətə malikdir”.
HƏMAS-ın Baş Siyasət İdarəsinin sədri ilə görüş
Bu gün axşam İslam Respublikasının Ali Məqamlı Rəhbəri Həzrət Ayətullah Xamenei HƏMAS-ın Baş Siyasət İdarəsinin sədri cənab Xalid Məşəl və onu müşayiət edən nümayəndə heyəti ilə görüşündə Fələstin xalqının və HƏMAS da daxil olmaqla müqavimət göstərən qrupların mübarizəsini yüksək qiymətləndirərək belə vurğuladı: “Fələstinin yeganə nicat yolu mübarizə aparmaq, müqavimət göstərmək, əməli iş görüb zəruri addımlar atmaqla bərabər Allaha təvəkkül etməkdir”.
Elmi-teoloji mərkəzlərin minlərlə tələbə və ruhaniləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei məhərrəm ayının gəlişi ərəfəsində elmi-teoloji mərkəzlərin müəllim və tələbələri, minlərlə alim və ruhani xadimləri, Tehran məscidlərinin imam-cümələrindən bir qrupu ilə görüşündə çıxış edərək olduqca əhəmiyyətli məsələləri qeyd etmişdir. Ali Məqamlı Rəhbər xüsusilə fitnə-fəsadın müşahidə olunduğu bir dövrdə düzgün təbliğatın cəmiyyətdə şəffaflığın yaradılmasında və başlıca meyarların müəyyən edilməsində mühüm rol oynadığını demişdir.
Mübarək Qədir-Xum bayramında xalqın müxtəlif təbəqələrinin minlərlə nümayəndəsi ilə görüş
İslam İnqilabının Ali Məqamlı Rəhbəri Həzrət Ayətullah Xamenei mübarək Qədir-Xum bayramı günü xalqın müxtəlif təbəqələrinin minlərlə nümayəndəsi ilə görüşündə Qədir-Xum məsələsini İslam ümmətinin doğru yola istiqamətləndirilməsində əbədi bir İlahi meyar adlandırmış, sionizmin və bədxah yadellilərin İranda nüvə problemi ilə bağlı beynəlxalq ictimaiyyətin fikrini yanlış istiqamətə yönəltmək məqsədilə geniş miqyasda yalanlar yaydığını vurğulayaraq demişdir: “Həqiqətlərin üzə çıxması ilə bütün bu yalan və şayiələr xalqın düşmənlərinin daha da çox rüsvay olmasına səbəb olacaq”.
“Həzrət Yusif (ə)” seriyalının rejissorları, yaradıcı heyəti və filmdə rol almış aktyorlarla görüş
İslam İnqilabının Ali Məqamlı Rəhbəri Həzrət Ayətullah Xamenei bu gün “Həzrət Yusif (ə)” seriyalının rejissorları, yaradıcı heyəti və filmdə rol almış aktyorlarla görüşdə bu diqqətəlayiq sənət əsərinə görə təşəkkür və qədirdanlığını ifadə etməklə yanaşı bunları da vurğuladı: “Bu serial əslində bütövlükdə İnqilab yönümlü incəsənətdə güclü təxəyyülün məhsulu olan novator sənət nümunələri üçün bir başlanğıcdır. İslam Mədəniyyəti və Maarifi Nazirliyi, “Səda və Sima” Dövlət televiziyası, həmçinin incəsənət xadimləri bu sahəyə əvvəlkindən də çox diqqət yönəltməlidirlər”.
İslam İnqilabı Rəhbərinin Hüccətul-İslam vəl-muslimin Hacı Şeyx Məhdi Qazinin vəfatı ilə əlaqədar başsağlığı müraciəti
İran İslam Respublikasının Ali Məqamlı Rəhbəri Həzrət Ayətullah Xamenei xidmətkar, fədakar alim, mərhum Hüccətul-İslam vəl-muslimin Hacı Şeyx Məhdi Qazinin vəfatı ilə bağlı başsağlığı vermişdir.
Ölkənin minlərlə Bəsic üzvü ilə görüş
Bu gün İran İslam Respublikasının Ali Məqamlı Rəhbəri Həzrət Ayətullah Xamenei ölkənin dörd bir yanından gəlmiş minlərlə bəsici ilə görüşündə könüllü səfərbərlik dəstəsini milli müqavimətin, sarsılmazlığın və qürurun simvolu adlandıraraq, habelə bütün KİV-ə, fəal siyasətçilərə və rəsmilərə xırda, qeyri-prinsipial ixtilaflardan çəkinməyi təkidlə tövsiyə edərək dedi: “Bu gün ölkənin qarşısında duran başlıca məsələ düşmənin yürütdüyü və əsas məqsədi xalqın nümayəndələri arasında tərəddüd, ixtilaf və pessimizm əhval-ruhiyyəsi yaymaq olan soyuq müharibəyə qarşı mübarizə aparmaqdır. Bu hücumlara qarşı aparılan mübarizənin ən başlıca yolları uzaqgörənlik və gözüaçıqlıq kimi xüsusiyyətlərin, könüllü səfərbərlik əhval-ruhiyyəsinin, gələcəyə qəti inamın qorunub-saxlanması, habelə ciddi və düşünülmüş seçimdir”.
Küveytin Baş nazirinin İİR-nın Ali Məqamlı Rəhbəri ilə görüşü
Bu gün İslam İnqilabının Rəhbəri Həzrət Ayətullah Xamenei Küveytin Baş naziri cənab Şeyx Nasir Muhəmməd Əl-Əhməd Əs-Səbah və onu müşayiət edən nümayəndə heyəti ilə görüşündə təkidlə vurğuladı: “İslam ölkələri, xüsusilə də Fars körfəzi regionundakı ölkələr qarşılıqlı həmkarlıq əlaqələrini əvvəlkindən daha artıq genişləndirməlidirlər”.
