Xəbərlər
İslam İnqilabı Keşikçiləri Korpusunun yüksək rütbəli zabitləri və şəxsi heyət üzvləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei hicri-qəməri təqvimlə şəban ayının 3-ü – İmam Hüseynin (ə) mübarək doğum günü və ölkədə İslam İnqilabı Keşikçiləri Günü ərəfəsində, bu gün səhər İslam İnqilabı Keşikçiləri Korpusunun minlərlə zabiti və şəxsi heyət üzvləri ilə görüşdü. Ali Məqamlı Rəhbər İnqilab Keşikçiləri Korpusunun mənəvi-ideoloji mahiyyətini bu sosial-inqilabi institutun ötən 30 il ərzində müxtəlif meydanlarda və müxtəlif şərtlər daxilində “təqdirəlayiq və mütəhərrik fəaliyyətinin” başlıca amili adlandırdı. O, ölkədəki və beynəlxalq arenadakı mühüm reallıqları analiz edərək vurğuladı: “Ölkə rəsmiləri müxtəlif sferalarda öhdələrinə düşən ağır vəzifələrə layiqincə əməl etməli, ötən 31 il ərzində olduğu kimi, istənilən situasiya ilə üzləşmək üçün hazırlıqlı olmalıdırlar. Heç şübhəsiz, böyük İran xalqı və İslam Respublikası bu aramsız qarşıdurma meydanında, eynilə keçmişdə olduğu kimi, yenə də qalib gəlcək!”.
Vəli-fəqihin Universitetlər üzrə Nümayəndəlikləri Komitəsinin məsul işçiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün günortadan sonra Vəli-fəqihin Universitetlər üzrə Nümayəndəlikləri Komitəsinin ali təhsil ocaqlarındakı idarələrinin məsul işçiləri ilə görüşündə qeyd etdi ki, hazırda ölkə universitetlərində hərtərəfli müsbət və münasib bir şərait mövcuddur. O vurğuladı: “Universitetlərin elmi hərəkatı və əldə etdiyi nailiyyətlər, cihad əhval-ruhiyyəli saysız-hesabsız tələbənin varlığı, müəllim və tələbə kollektivlərinin siyasi uzaqgörənliyi, onların həssas və həlledici məqamlarda ölkənin ictimai-siyasi meydanlarında hazır olması, universitetlərdə dini atmosferin hökm sürməsi, ali təhsil ocaqlarında ölkənin sabahını düşünən, imanlı müəllimlərin sayının çoxluğu ölkənin universitet mühitinin parlaq reallıqlarıdır”.
Əzəmətli İslam peyğəmbərinin Besət günündə dövlət rəsmiləri və xalqın müxtəlif təbəqələrinin nümayəndələri ilə görüş
Bu gün – Əzəmətli İslam peyğəmbəri Həzrət Məhəmmədin (s) Besət günündə İslam İnqilabının Ali Məqamlı Rəhbəri Həzrət Ayətullah Xamenei dövlət rəsmiləri, müsəlman ölkələrinin Tehrandakı səfirləri və xalqın müxtəlif təbəqələrinin nümayəndələri ilə görüşdü. Ali Məqamlı Rəhbər Besətin son dərəcə önəmli bir mərhələ olduğunu dedi, bu günü “insanlığı səadət və xoşbəxtliyə aparan yolun başlanğıcı”, “bəşəriyyətin fitri və tarixi ehtiyaclarına cavab verildiyi gün” adlandıraraq vurğuladı: “Peyğəmbərin besəti və İslam dininin Yer üzünə gəlişi bəşəriyyətə verilmiş ədalət, sülh, asayiş və təhlükəsizlik müjdəsidir. Tanrının sadiq vədlərinə görə, vahid Allaha itaət və pərəstiş yolu olan bu yolun sonunda onun davamçılarına rahatlıq, nicat və qələbə nəsib olacaq”.
“Qənaətli istehlak” Proqramının başlıca strategiyaları müəyyənləşdirilərək ictimaiyyətə təqdim olundu
İslam İnqilabının Ali Məqamlı Rəhbəri Həzrət Ayətullah Xamenei Qurumun Mənafeyini Müəyyənləşdirən Şura ilə məsləhətləşmələrdən sonra “Qənaətli istehlak” Dövlət Proqramının başlıca siyasət istiqamətlərini müəyyən etdi.
“Səda və sima” Dövlət Teleradio Şirkətinin direktoru və şirkətdə çalışan incəsənət xadimləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər “Səda və sima” Dövlət Teleradio Təşkilatının direktoru, habelə təşkilatın kino və teleproqram redaksiyalarında çalışan rəhbər işçilər, ssenaristlər və istedadlı incəsənət xadimləri ilə görüşündə hal-hazırda milli teleradionun, xüsusilə də kinomotoqrafiya və teleserial sferasının həmişəkindən daha əhəmiyyətli mövqeyə malik olduğunu qeyd etdi. Ali Məqamlı Rəhbər bu sahədə gördükləri dəyərli işlərə görə milli teleradionun rəhbər işçilərinə və istedadlı incəsənət adamlarına səmimi təşəkkürünü bildirərək əlavə etdi: “Mövcud maddi-texniki bazadan və ideoloji imkanlardan, o cümlədən İranın olduca maraqlı, enişli-yoxuşlu tarix və mədəniyyətindən istifadə etməklə milli kinomuzun hazırkı səviyyəsi ilə arzuolunan səviyyəsi arasındakı məsafəni azaltmaq, bu boşluğu doldurmaq mümkündür”.
708 nəfər məhkum əfv edildi, yaxud cəzası yüngülləşdirildi
Həzrət Əmirəl-möminin Əlinin (ə) mübarək doğum günü ərəfəsində Həzrət Ayətullah Xamenei ümumi, inqilabi və s. məhkəmə orqanlarında mühakimə edilmiş 708 məhkumun əfvinə, yaxud cəzasının yüngülləşdirilməsinə razılıq verdi.
Məhkəmə Hakimiyyətinin Sədri və rəsmiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei Məhkəmə Hakimiyyətinin Sədri və rəsmiləri ilə bugünkü görüşündə məhkəmə orqanlarını İslam dövlətinin son dərəcə həssas və əhəmiyyətli sferalarından biri adlandıraraq vurğuladı ki, ölkənin bütün hökumət orqanları Məhkəmə Hakimiyyətinə dəstək olmalıdırlar. Ali Məqamlı Rəhbər dedi: “Məhkəmə Hakimiyyətinin mühüm vəzifələrindən biri ədalət və vicdan məcrasından kənara çıxmamaq, ölkədə formalaşan siyasi atmosferin təsiri altına düşməmək, mühakimə edərkən və hökm çıxararkən simpatiya və antipatiya hisslərinə qapılmamaqdır”.
Buşəhr vilayətinin sakinləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün – Həzrət Əlinin (ə) mübarək doğum günündə Buşəhr vilayətinin sakinləri ilə görüşdü. Sakinlərin qarşısında çıxış edən Ali Məqamlı Rəhbər Əmirəl-möminin Əli ibn Əbi-Talibin (ə) müstəsna bir şəxsiyyət olduğunu qeyd etdi, o həzrəti “elmin, mənəvi-əxlaqi, bəşəri və ilahi dəyərlərin zirvəsi” adlandıraraq vurğuladı: “Bəşər tarixində yaşamış bu misilsiz şəxsiyyətin həyatından İslam dünyasının və cəmiyyətin bugünü üçün götürməli olduğumuz ən mühüm dərs insanların gözünü açmaq, kimin kim olduğunu, nə baş verdiyini onlara anlatmaq, uzaqgörənliyə ehtiyac duyan şəxslərin imanını möhkəmlətmək, düşüncəsini dərinləşdirməkdir”.
Ölkənin müxtəlif ali təhsil ocaqlarının akademik heyətini təmsil edən bəsicilərlə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər ölkənin müxtəlif universitetlərinin elmi kollektivinin üzvü olan bəsicilərlə (yarımhərbi könüllü səfərbərlik dəstələrinin üzvləri) görüşdü. Özünün olduqca mühüm çıxışı zamanı Ali Məqamlı Rəhbər hal-hazırda imperialist blokunun İslam hərəkatı və bu hərəkatın simvolu olan İran İslam Respublikası qarşısında kritik bir mərhələ yaşadığını, dağınıq və həyəcanlı bir vəziyyətdə olduğunu qeyd edərək vurğuladı: “Bu gün ölkəmiz, əsasən, bir yumruqda birləşməyə ehtiyac duyur. Hətta saf niyyətlə deyilən bir söz, atılan addım, yaxud mətbuatda gedən yazı cəmiyyətdə ikitirəlik və parçalanmaya səbəb olursa, demək, ölkənin və İslam dövlətinin mənafeyinə ziddir”.
İslami Şura Məclisinin sədri, idarə heyətinin üzvləri və deputatlarla görüş
İslam İnqilabının Ali Məqamlı Rəhbəri Həzrət Ayətullah Xamenei bu gün İslami Şura Məclisinin Sədri, idarə heyətinin üzvləri və deputatlarla görüşdə hazırkı həssas və günü-gündən dəyişməkdə olan beynəlxalq şəraiti kompleks surətdə təhlil etdi. Ali Məqamlı Rəhbər həmçinin İran İslam Respublikasındakı daxili vəziyyətə toxunaraq İran xalqının birlik və ayıq-sayıqlıq nümayiş etdirdiyini, İmam Xomeyni (r.ə) amallarına və İmamın ideoloji-siyasi kursuna misilsiz dərəcədə bağlı olduğunu xüsusi qeyd etdi.
Əhli-Beyt (ə) məddahları, şairlər və söz ustadları ilə görüş
Bu gün səhər – İslam Peyğəmbərinin (s) istəkli qızı Siddiqeyi-Kubra, Həzrət Fatimeyi-Zəhranın (s.ə), həmçinin onun şərəfli övladı imam Xomeyninin (r.ə) doğum günlərinin ildönümündə İran İslam Respublikasının Ali Məqamlı Rəhbəri Həzrət Ayətullah Xamenei imam Xomeyni (r.ə) adına hüseyniyədə şairlərdən və Əhli-beyt (ə) məddahlarından bir qrupu ilə görüşdü. Əhli-beyt (ə) məddahları və söz ustadları Ali Məqamlı Rəhbərin qarşısında nəciblik və iffət simvolu olan o əzəmətli xanımın fəzilətlərinə və məziyyətlərinə həsr edilmiş, habelə inqilabi və ictimai məzmunlu şeirlər oxudular.
Əlcəzair Respublikasının prezidenti və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün günortadan sonra Əlcəzair Respublikasının dövlət başçısı cənab Əbdüləziz Buteflika və onu müşayiət edən nümayəndə heyəti ilə görüşdə Əlcəzair xalqını cəsur və mütərəqqi bir xalq adlandıraraq, habelə bu xalqın işğalçılara qarşı mübarizədə tarixi keçmişinə və inqilabi hərəkatına toxunaraq vurğuladı: “İran və Əlcəzair münasibətləri səmimiyyət nöqteyi-nəzərindən heç vaxt bugünkü qədər yüksək səviyyədə olmamışdır. İki ölkə arasındakı əlaqələr hazırda müstəsna bir mövqeyə malikdir”.
Zimbabve Respublikasının prezidenti ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün günortadan sonra Zimbabve Respublikasının prezidenti cənab Robert Muqabe və onu müşayiət edən nümayəndə heyəti ilə görüşdü. Görüş zamanı İslam İnqilabının Rəhbəri İranla Zimbabve arasındakı əlaqələri dərin və sarsılmaz dostluq əlaqələri adlandıraraq təkidlə vurğuladı: “İran-Zimbabve əlaqələrinin genişləndirilməsi üçün hazırkından daha geniş bir potensial mövcuddur və İran hər zaman Zimbabvenin yanında olacaq”.
Şri Lanka Respublikasının prezidenti və onu müşayiət edən nümayəndə heyəti ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün günortadan sonra Şri Lanka Respublikasının prezidenti cənab Mahinda Racapakse və onu müşayiət edən nümayəndə heyəti ilə görüşdə iki ölkə arasındakı münasibətlərin keçmişinə toxunaraq dedi: “İran-Şri Lanka əlaqələrinin tarixi kökləri var, lakin bu münasibətlər heç bir zaman bugünkü qədər müsbət olmamışdır. Çünki hal-hazırda ölkələrimiz arasında daha sıx əməkdaşlıq üçün münbit zəmin və stimul mövcuddur”.
Seneqal Respublikasının prezidenti və onu müşayiət edən nümayəndə heyəti ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün günortadan sonra Seneqal Respublikasının dövlət başçısı cənab Abdullah Vad və onu müşayiət edən nümayəndə heyəti ilə görüşdə müsəlman ölkələri üçün ikitərəfli əməkdaşlığın genişləndirilməsi ilə yanaşı, İslam dünyasının problemlərinin həllini tapmasının da mühüm əhəmiyyət kəsb etdiyini bildirərək qeyd etdi: “Fövqəladə insan potensialına, geniş coğrafi imkanlara malik olan müsəlman ölkələri özlərinin əzəmətli kimliyi ilə böyük bir gerçəkliyi təşkil edirlər. Bu əzəmətli kimlik meydana daxil olarsa, heç kəs onu görməməzliyə vura bilməz”.
Braziliya Respublikasının prezidenti və onu müşayiət edən nümayəndə heyəti ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün günortadan sonra Braziliya Respublikasının prezidenti cənab Lula Da Silva və onu müşayiət edən nümayəndə heyətini qəbul etdi. Görüş zamanı Həzrət Ayətullah Xamenei Braziliya dövlətinin beynəlxalq məsələlərə münasibətdə daim müstəqil və mütərəqqi mövqe tutduğunu qeyd edərək təkidlə vurğuladı: “Bu gün dünyada hökm sürən ədalətsiz şəraiti dəyişməyin yeganə yolu müstəqil dövlətlər arasında həmkarlıq və qarşılıqlı əməkdaşlığın genişləndirilməsidir”.
İmamlar anası, Siddiqeyi-Tahirə Həzrət Fatimeyi-Zəhranın xatirəsinə həsr edilmiş əzadarlıq mərasimi
İki dünya xanımı, imamlar anası, Siddiqeyi-Tahirə Həzrət Fatimeyi-Zəhranın (s.ə) şəhadəti ilə əlaqədar İslam İnqilabının Rəhbəri Həzrət Ayətullah Xameneinin iştirakı ilə imam Xomeyni (r.ə) adına hüseyniyədə əzadarlıq mərasimi keçirildi.
Mədəniyyət və İncəsənət İşləri üzrə Komitənin rəsmiləri və nəşriyyat rəhbərləri ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün günortadan sonra İslami Təbliğat Təşkilatının Mədəniyyət və İncəsənət İşləri üzrə Komitəsinin rəsmiləri, habelə “Ana” kitabının nəşrini və yayımını təşkil etmiş məsul şəxslərlə görüşündə kitabın və kitab oxunuşunun cəmiyyətin mədəni səviyyəsinə birinci dərəcəli və əvəzolunmaz təsir göstərən başlıca məsələlərdən biri olduğunu vurğulayaraq qeyd etdi: “İslam İnqilabı və Müqəddəs Müdafiə Savaşı tükənməz xəzinə, möhtəşəm bir potensialdır. Cəmiyyətdə və dünyada İslam İnqilabına, dinə xas mədəniyyətin və dəyərlərin təbliğ olunub geniş yayılması üçün bu potensialdan maksimum dərəcədə istifadə etmək lazımdır”.
