Xəbərlər
Həcc ziyarətinini təşkilatçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei cari ilin həcc ziyarətinə ölkə üzrə təşkilatçılıq edəcək rəsmi şəxslərlə bu gün səhər baş tutan görüşü zamanı qeyd etdi ki, həcc İslam ümməti ilə ünsiyyətə girmək, mənəvi cəhətdən bəhrələnmək üçün olduqca dəyərli bir fürsətdir. Həcc ziyarəti zamanı düşmənlərin ixtilaf salmağa, islami oyanış dalğasına qarşı mübarizə aparmağa çalışacaqlarına toxunan Həzrət Ayətullah Xamenei bildirdi ki, bu kimi planlara qalib gəlməyin yeganə yolu qəlblərin bir-birinə yaxınlaşması, həmrəyliyin gücləndirilməsidir.
Ali Məqamlı Rəhbər onurğa beyni zədələnmiş veteranlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei Müqəddəs Müdafiə həftəsinin son günündə onurğa beynindən travma almış veteranlarla görüşdü. Görüşün baş tutduğu İmam Xomeyni (r.ə) adına hüseyniyə qəhrəmanlıq, dözüm və mübarizlik rayihəsi ilə doldu, vətən oğullarının İslam dininə, İmam Xomeyniyə (r.ə) və İslam İnqilabına olan sevgi və sədaqəti ilə bağlı xatirələri bir daha canlandırdı.
Ümumdünya Əhli-Beyt (ə) Cəmiyyətinin 5-ci toplantısının iştirakçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei çərşənbə axşamı gecəsi Ümumdünya Əhli-Beyt (ə) Cəmiyyətinin 5-ci toplantısında iştirak edən alimlər, görkəmli ruhani xadimlər və ziyalılarla, həmçinin İran İslam Respublikasını müxtəlif ölkələrdə mədəni cəhətdən təmsil edən nümayəndələrlə görüşdü.
Xubriqan Məclisinin sədri və məclis üzvləri ilə görüş
İslam İnqilabının Ali məqamlı Rəhbəri Həzrət Ayətullah Xamenei bu gün (cümə axşamı günü) səhər Xubriqan Məclisinin sədri və məclis üzvləri ilə baş tutan görüşü zamanı İmam Xomeyninin (r.ə) İslam fiqhinə əsaslanan siyasi dövlət quruluşu yaratmaqla misilsiz və tarixi bir addım atdığını qeyd etdi. Rejimin mahiyyətinin, dövlətin prinsiplərinin qorunub saxlanması ilə bəzi maddi və mənəvi hədəflərin gerçəkləşməməsi arasındakı zahiri ziddiyyət barədə ətraflı danışan Ali Məqamlı Rəhbər “şəriət qayda-qanunlarının mütləq hakimiyyəti” anlayışının düzgün mənasını açıqlamaqla yanaşı, İslam dövlətinin hərəkət kursunun ardıcıl surətdə təkmilləşdirilməsinin və islahının vacib olduğunu vurğulayaraq dedi: “Regionumuzda olduqca böyük hadisələr baş verməkdədir. Dini demokratiya anlayışının mənasını müsəlman xalqlarına doğru-düzgün açıqlayaraq bu hadisələrin gələcək oriyentasiyası ilə bağlı mövcud olan boşluğu doldurmaq lazımdır”.
Hökumət rəsmiləri və xalqın müxtəlif təbəqələrinin təmsilçiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei İmam Xomeyni (r.ə) adına hüseyniyədə hökumət rəsmiləri və xalqın müxtəlif təbəqələrinin təmsilçiləri ilə bu gün keçirdiyi görüş zamanı qeyd etdi ki, regiondakı islami oyanış müsəlman xalqlarının öz nəcib müsəlman kimliklərinə qayıdışıdır. O vurğuladı: “İslam ümmətinin əzəmət və ehtişamı İslamın qüdrətinə geri dönməkdə, Allaha təvəkkül etməkdə, öz heyrətamiz bacarığını dərk etməkdədir”.
Ali Məqamlı Rəhbər ölkə başçısı və hökumət nümayəndələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkə prezidenti və hökumət nümayəndələri ilə bu gün günortadan sonra baş tutan görüşü zamanı ümumdünya Qüds günü yürüşündə izdihamlı iştirakına görə İran xalqına səmimi qədirdanlığını bildirərək qeyd etdi ki, dövlətin ədalətpərvərlik, antiimperializm, xalqa sədaqətlə xidmət etmək kimi ülvi prinsip və dəyərlərə sadiq olması vacib və effektiv bir amildir.
Universitet müəllimləri və universitetlərin akademik kollektivi ilə görüş
Bu gün (çərşənbə günü) günortadan sonra Ali Məqamlı Rəhbərin ölkənin görkəmli xadimləri ilə dördüncü Ramazan görüşü baş tutdu. Ölkənin yüzlərlə görkəmli elm xadimi və professoru, habelə ali təhsil müəssisələrinin elmi şuralarının üzvləri İslam İnqilabının Ali Məqamlı Rəhbəri Həzrət Ayətullah Xamenei ilə görüşərək elmi inkişaf, tədqiqatlar, ali təhsil, mədəniyyət, siyasət, ictimaiyyət və iqtisadiyyatla əlaqəli müxtəlif problemlər haqqında fikir mübadiləsi apardılar.
İqtisadiyyatın müxtəlif sferalarının fəalları ilə görüş
Özəl sektorun fəal iş adamları, iqtisadiyyat, sənaye, kənd təsərrüfatı, bank, informasiya texnologiyaları və xidmət sektorlarında çalışan rəhbər işçilər, habelə sinfi təşkilatların nümayəndələri bu gün (çərşənbə günü) günortadan sonra Ali Məqamlı Rəhbərlə görüşərək ölkədəki müxtəlif iqtisadi problemləri müzakirə etdilər, fikir mübadiləsi apardılar.
Ali Məqamlı Rəhbər ölkənin qocaman və gənc şairləri ilə görüşdü
Əhli-Beytin kərimi İmam Həsən Müctəbanın (ə) təvəllüd gecəsində İmam Xomeyni (r.ə) adına hüseyniyə mədəniyyət və incəsənət adamlarına, ölkənin qocaman və gənc şairlərinə, həmçinin Əfqanıstan və Tacikistanın farsca yazan qələm əhlindən bir qrupuna ev sahibliyi etdi. Görüş zamanı İslam İnqilabının Ali Məqamlı Rəhbəri Həzrət Ayətullah Xamenei hazırkı dövrün və regionda baş qaldırmış islami oyanışın spesifik xüsusiyyətlərini şərh edərək dedi: “Bu dəyişikliklər İran xalqının möhtəşəm hərəkatının təsiri ilə əmələ gəlib. Şairlər bu vəziyyəti dərk etməli, İslam İnqilabının mahiyyətinə və diskursuna sadiq qalmaqla yanaşı, İran xalqının başqa xalqlara örnək olması üçün vacib şərt kimi, öz dini bilgilərini də dərinləşdirməlidirlər”.
Ali Məqamlı Rəhbər müxtəlif təmayüllü universitet təşkilatlarının nümayəndələri və tələbələrlə görüşdü
Ölkənin müxtəlif universitetlərində təhsil alan iki min nəfərə yaxın tələbə, habelə elmi, mədəni, siyasi və sinfi təmayüllü universitet təşkilatının nümayəndəsi bu gün günortadan sonra İslam İnqilabının Ali Məqamlı Rəhbəri Həzrət Ayətullah Xamenei ilə görüşdü.
Ali Məqamlı Rəhbər dövlət rəsmiləri və müxtəlf hökumət qurumlarının təmsilçiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bazar günü günortadan sonra qanunverici, icraedici və məhkəmə hakimiyyətlərinin, Xubriqan Məclisinin sədrləri, Nazirlər Kabinetinin üzvləri, parlament nümayəndələri, müxtəlif qurum və təşkilatların rəsmiləri, imam-cümələr, vəli-fəqihin vilayətlər üzrə nümayəndələri və Silahlı Qüvvələrin yüksək rütbəli zabitləri ilə görüşdü.
Ali Məqamlı Rəhbər Quran qarilərindən, hafiz və ustadlardan bir qrupu ilə görüşdü
Qurani-Kərimin baharı sayılan ayın – mübarək Ramazan ayının ilk günü (çərşənbə axşamı) günortadan sonra İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə Quranla ünsiyyət məclisi quruldu.
Ali Məqamlı Rəhbərlik Baş İdarəsi mübarək Ramazan ayı ilə bağlı elan verdi
Ali Məqamlı Rəhbərlik Baş İdarəsi rəsmi elamnamə ilə çıxış edərək məlumat vermişdir ki, mübarək Ramazan ayının hilalının gözlə göründüyü sübuta yetirilmədiyi üçün 1 avqust – bazar ertəsi günü şəban ayının son günüdür.
Ali Məqamlı Rəhbər Ordunun dəniz qüvvələrinin əsas hərbi-dəniz bazası olan Cənub Donanmasına baxış keçirdi
İslam İnqilabının Ali Məqamlı Rəhbəri və Ali Baş Komandan Həzrət Ayətullah Xamenei bazar günü səhər ertə Ordunun dəniz qüvvələrinin əsas hərbi-dəniz bazası olan Cənub Donanmasında oldu. Ali Baş Komandan Ordunun donanma birləşmələrinin Fars körfəzi, Oman dənizi və beynəlxalq sulardakı fəaliyyəti, habelə görülən tədbirlərlə yaxından tanış oldu.
Ali Baş Komandan Ordunun Bəndər-Abbasdakı birinci donanma zonasına baxış keçirdi
İslam İnqilabının Ali Məqamlı Rəhbəri Həzrət Ayətullah Xamenei şənbə günü səhər Bəndər-Abbasa gələrək İİR Ordusunun Dəniz Qüvvələrinin birinci donanma zonasına və zavodlarına baxış keçirdi.
Ali Məqamlı rəhbər Ordu və Keşikçi Korpusun Bəndər-Abbasda yerləşən dəniz qüvvələrində xidmət edən hərbçilər və onların ailələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei dünən axşam Ordu və Keşikçi Korpusun Bəndər-Abbasdakı dəniz qüvvələrində xidmət edən minlərlə hərbçisi və onların ailə üzvləri ilə izdihamlı bir şəraitdə görüşdü. Görüş əsnasında çıxış edən Həzrət Ayətullah Xamenei bildirdi ki, İİR Dəniz Qüvvələrinin Fars körfəzi və Oman dənizi sahillərində səriştəli iştirakı, həmçinin bu qüvvələrin beynəlxalq sulardakı strateji fəaliyyəti İran xalqının milli qürurunun, İslam Respublikasının qüdrətinin göstəricisi olmaqla yanaşı, xalqların qürur və heysiyyətinin müjdəçisidir. Düşmənin İran xalqının milli iqtidarını zəiflətmək cəhdləri qarşısında ayıq-sayıq olmağın vacibliyini vurğulayan Ali Məqamlı Rəhbər xalqın bütün nümayəndələrini, xüsusilə də rəsmiləri, siyasi partiya və cərəyanları, cürbəcür etnik qrup və məzhəbləri birlik və həmrəyliyi qoruyub saxlamağa, hər cür ixtilaf və parçalanmadan çəkinməyə çağırdı.
Ölkənin böyük və ümumi kitabxanalarının rəhbər işçiləri və sıravi kitabxanaçılarla görüş
İslam İnqilabının Ali Məqamlı Rəhbəri Həzrət Ayətullah Xamenei ölkənin böyük və ümumi kitabxanalarının rəhbər işçiləri və sıravi kitabxanaçılardan bir qrupu ilə bugünkü görüşü zamanı müsəlman İran xalqının kitab istehsalı və kitab mütaliəsində qədim tarixi keçmişə malik olduğuna toxunaraq qeyd etdi ki, kitab istehsalı və nəşri sahəsində ölkədə mövcud olan hazırkı şərait və kitab mütaliəsi ilə bağlı statistika qaneedici deyil.
Pakistan Respublikasının prezidenti cənab Asəf Əli Zərdari və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Pakistan Respublikasının prezidenti cənab Asəf Əli Zərdari və onu müşayiət edən nümayəndə heyəti ilə şənbə günü günortadan sonra baş tutan görüşü zamanı iki ölə arasında dini, tarixi və mədəni baxımdan mövcud olan müştərək cəhətlərə toxunaraq Pakistan xalqını “çoxillik və dərin məzmunlu mübarizə keçmişinə malik olan böyük bir xalq” adlandırdı. O vurğuladı: “Pakistan xalqı İslam dininə etiqad edən bir xalqdır. Pakistanın istənilən irəliləyiş və uğuru İran İslam Respublikasını sevindirir”.
