Xəbərlər
Kirmanşah vilayətinin görkəmli xadimləri ilə görüş
Kirmanşah vilayətinin yüzlərlə görkəmli, sayılıb-seçilən elm, mədəniyyət, ədəbiyyat, idman, incəsənət, ictimaiyyət və iqtisadiyyat xadimi Ali Məqamlı Rəhbərin vilayətə səfərinin yeddinci günü – bu gün (çərşənbə axşamı) səhər onunla görüşərək müxtəlif mövzularda fikir mübadiləsi etdilər.
Pave və Ouramanat məntəqələrinin əhalisi ilə görüş
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 6-cı günündə Pave və Ouramant məntəqələrinin mehriban və istiqanlı əhalisi ilə izdihamlı bir atmosferdə görüşdü. Əhali qarşısında çıxış edən Ali Məqamlı Rəhbər bildirdi ki, şiə və sünnilər arasına təfriqə salmaq İslam düşmənlərinin əl atdığı həmişəki vasitədir.
Kirmanşah vilayətindəki universitetlərin tələbə-müəllim kollektivi ilə görüş
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 5-ci günü vilayət universitetlərinin minlərlə tələbə və müəllimi ilə izdihamlı bir atmosferdə görüşdü. Ali Məqamlı Rəhbər İslam dövlətinin məqsəd və amallarının mahiyyət etibarilə daim aktual və həmişəyaşar olduğunu dəlillərlə əsaslandıraraq qeyd etdi ki, rejimin strukturundakı elastiklik, bu amalları gerçəkləşdirən siyasət və mexanizmlərdə vaxtında dəyişiklik və islahatların aparılması İslam dövlətinin dəyərli potensiallarından biridir.
Ali Məqamlı Rəhbər Gilan-e Qərb şəhərinin əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xameneinin Kirmanşah vilayətinə səfərinin dördüncü günü Gilan-e Qərb şəhərinin mömin, mübariz və sədaqətli əhalisi ilə görüşün rayihəsinə büründü. Gilan-e Qərb əhalisindən ibarət izdihamlı kütlənin qarşısında çıxış edən Həzrət Ayətullah Xamenei mübariz İran xalqının nümayəndələrini, xüsusilə də gəncləri “milli və dini qürurun, şərəf və heysiyyətin sərhədlərini qoruyan ayıq-sayıq müdafiəçilər” adlandırdı.
Ali Məqamlı Rəhbər Kirmanşah vilayətinin bəsiciləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 3-cü günündə – bu gün səhər vilayətin minlərlə vüqarlı və cəsur bəsicisi ilə görüşdü. Görüş bəsicilərin İslam İnqilabına və dini rəhbərliyə sevgi və sədaqəti ilə dolu bir atmosferdə keçdi. Ali Məqamlı Rəhbər görüş zamanı bəsicin nədən doğduğu, bu qüvvələrin özünəməxsus xüsusiyyətləri haqda danışdı.
Ali Məqamlı Rəhbər Kirmanşahda şəhid ailələri, əlil və veteranlarla görüşdü
Bu gün (cümə axşamı) səhər – Ali Məqamlı Rəhbərin Kirmanşaha səfərinin ikinci günündə şəhid ailələri, əlil və veteranlar şəhidlərin rayihəsi, etdikləri fədakarlığın əziz xatirəsi ilə dolu bir atmosferdə Həzrət Ayətullah Xamenei ilə görüşdülər.
Ali Məqamlı Rəhbər Kirmanşahın din alimləri və ruhaniləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gecə (çərşənbə günü) Kirmanşah vilayətinin şiə və sünni təriqətli din alimləri, ruhaniləri, habelə din elmlərini öyrənən tələbələri ilə görüşdü. Ali Məqamlı Rəhbər son dövrdə regionda həyata keçirilmiş hərəkatlardan sonra İslama 3-cü meyllənmə dalğasının müşahidə olunduğuna, Qərbdə baş qaldırmış antikapitalizm hərəkatına toxunaraq qeyd etdi ki, bu şəraitdə ruhanilərin boynuna ikiqat artıq vəzifə düşür.
Ali Məqamlı Rəhbər Kirmanşah vilayətinin əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Kirmanşahın Azadlıq meydanında bu şəhərin minlərlə əhalisi ilə izdihamlı bir şəraitdə görüş keçirdi. Öz mühüm çıxışı əsnasında Ali Məqamlı Rəhbər İslam Respublikasında əsas meyar kimi, xalqın rolu, mövqeyi, ictimai-siyasi proseslərdə iştirakı və əzmi haqqında ətraflı danışdı. O həmçinin müxtəlif xarakterli qarşıdurmalarda xalqın böyük imkan və potensialından istifadə etmənin effektindən, elm, iqtisadiyyat, sənaye və kənd təsərrüfatı sferalarındakı yüksək templi inkişafdan da söz açdı.
Ali Məqamlı Rəhbər ölkənin yüzlərlə gənc xadimi ilə görüşdü
“Tərəqqi, nüfuz və iftixar zirvələrinə yetişmək üçün İranın ölkəsini və xalqını sevən, xalqının milli qüruru və müqəddəratı haqqında ürək yanğısı ilə düşünən elm xadimlərinə ehtiyacı var” – Ali Məqamlı Rəhbərin bu gün səhər 2 saatdan artıq müddət ərzində görüşüb fikir mübadiləsi apardığı yüzlərlə gənc elm xadiminə verdiyi başlıca tövsiyə bu oldu.
Həcc ziyarətinini təşkilatçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei cari ilin həcc ziyarətinə ölkə üzrə təşkilatçılıq edəcək rəsmi şəxslərlə bu gün səhər baş tutan görüşü zamanı qeyd etdi ki, həcc İslam ümməti ilə ünsiyyətə girmək, mənəvi cəhətdən bəhrələnmək üçün olduqca dəyərli bir fürsətdir. Həcc ziyarəti zamanı düşmənlərin ixtilaf salmağa, islami oyanış dalğasına qarşı mübarizə aparmağa çalışacaqlarına toxunan Həzrət Ayətullah Xamenei bildirdi ki, bu kimi planlara qalib gəlməyin yeganə yolu qəlblərin bir-birinə yaxınlaşması, həmrəyliyin gücləndirilməsidir.
Ali Məqamlı Rəhbər onurğa beyni zədələnmiş veteranlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei Müqəddəs Müdafiə həftəsinin son günündə onurğa beynindən travma almış veteranlarla görüşdü. Görüşün baş tutduğu İmam Xomeyni (r.ə) adına hüseyniyə qəhrəmanlıq, dözüm və mübarizlik rayihəsi ilə doldu, vətən oğullarının İslam dininə, İmam Xomeyniyə (r.ə) və İslam İnqilabına olan sevgi və sədaqəti ilə bağlı xatirələri bir daha canlandırdı.
Ümumdünya Əhli-Beyt (ə) Cəmiyyətinin 5-ci toplantısının iştirakçıları ilə görüş
İslam İnqilabının Ali Məqamlı Rəhbəri Həzrət Ayətullah Xamenei çərşənbə axşamı gecəsi Ümumdünya Əhli-Beyt (ə) Cəmiyyətinin 5-ci toplantısında iştirak edən alimlər, görkəmli ruhani xadimlər və ziyalılarla, həmçinin İran İslam Respublikasını müxtəlif ölkələrdə mədəni cəhətdən təmsil edən nümayəndələrlə görüşdü.
Xubriqan Məclisinin sədri və məclis üzvləri ilə görüş
İslam İnqilabının Ali məqamlı Rəhbəri Həzrət Ayətullah Xamenei bu gün (cümə axşamı günü) səhər Xubriqan Məclisinin sədri və məclis üzvləri ilə baş tutan görüşü zamanı İmam Xomeyninin (r.ə) İslam fiqhinə əsaslanan siyasi dövlət quruluşu yaratmaqla misilsiz və tarixi bir addım atdığını qeyd etdi. Rejimin mahiyyətinin, dövlətin prinsiplərinin qorunub saxlanması ilə bəzi maddi və mənəvi hədəflərin gerçəkləşməməsi arasındakı zahiri ziddiyyət barədə ətraflı danışan Ali Məqamlı Rəhbər “şəriət qayda-qanunlarının mütləq hakimiyyəti” anlayışının düzgün mənasını açıqlamaqla yanaşı, İslam dövlətinin hərəkət kursunun ardıcıl surətdə təkmilləşdirilməsinin və islahının vacib olduğunu vurğulayaraq dedi: “Regionumuzda olduqca böyük hadisələr baş verməkdədir. Dini demokratiya anlayışının mənasını müsəlman xalqlarına doğru-düzgün açıqlayaraq bu hadisələrin gələcək oriyentasiyası ilə bağlı mövcud olan boşluğu doldurmaq lazımdır”.
Hökumət rəsmiləri və xalqın müxtəlif təbəqələrinin təmsilçiləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei İmam Xomeyni (r.ə) adına hüseyniyədə hökumət rəsmiləri və xalqın müxtəlif təbəqələrinin təmsilçiləri ilə bu gün keçirdiyi görüş zamanı qeyd etdi ki, regiondakı islami oyanış müsəlman xalqlarının öz nəcib müsəlman kimliklərinə qayıdışıdır. O vurğuladı: “İslam ümmətinin əzəmət və ehtişamı İslamın qüdrətinə geri dönməkdə, Allaha təvəkkül etməkdə, öz heyrətamiz bacarığını dərk etməkdədir”.
Ali Məqamlı Rəhbər ölkə başçısı və hökumət nümayəndələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkə prezidenti və hökumət nümayəndələri ilə bu gün günortadan sonra baş tutan görüşü zamanı ümumdünya Qüds günü yürüşündə izdihamlı iştirakına görə İran xalqına səmimi qədirdanlığını bildirərək qeyd etdi ki, dövlətin ədalətpərvərlik, antiimperializm, xalqa sədaqətlə xidmət etmək kimi ülvi prinsip və dəyərlərə sadiq olması vacib və effektiv bir amildir.
Universitet müəllimləri və universitetlərin akademik kollektivi ilə görüş
Bu gün (çərşənbə günü) günortadan sonra Ali Məqamlı Rəhbərin ölkənin görkəmli xadimləri ilə dördüncü Ramazan görüşü baş tutdu. Ölkənin yüzlərlə görkəmli elm xadimi və professoru, habelə ali təhsil müəssisələrinin elmi şuralarının üzvləri İslam İnqilabının Ali Məqamlı Rəhbəri Həzrət Ayətullah Xamenei ilə görüşərək elmi inkişaf, tədqiqatlar, ali təhsil, mədəniyyət, siyasət, ictimaiyyət və iqtisadiyyatla əlaqəli müxtəlif problemlər haqqında fikir mübadiləsi apardılar.
İqtisadiyyatın müxtəlif sferalarının fəalları ilə görüş
Özəl sektorun fəal iş adamları, iqtisadiyyat, sənaye, kənd təsərrüfatı, bank, informasiya texnologiyaları və xidmət sektorlarında çalışan rəhbər işçilər, habelə sinfi təşkilatların nümayəndələri bu gün (çərşənbə günü) günortadan sonra Ali Məqamlı Rəhbərlə görüşərək ölkədəki müxtəlif iqtisadi problemləri müzakirə etdilər, fikir mübadiləsi apardılar.
Ali Məqamlı Rəhbər ölkənin qocaman və gənc şairləri ilə görüşdü
Əhli-Beytin kərimi İmam Həsən Müctəbanın (ə) təvəllüd gecəsində İmam Xomeyni (r.ə) adına hüseyniyə mədəniyyət və incəsənət adamlarına, ölkənin qocaman və gənc şairlərinə, həmçinin Əfqanıstan və Tacikistanın farsca yazan qələm əhlindən bir qrupuna ev sahibliyi etdi. Görüş zamanı İslam İnqilabının Ali Məqamlı Rəhbəri Həzrət Ayətullah Xamenei hazırkı dövrün və regionda baş qaldırmış islami oyanışın spesifik xüsusiyyətlərini şərh edərək dedi: “Bu dəyişikliklər İran xalqının möhtəşəm hərəkatının təsiri ilə əmələ gəlib. Şairlər bu vəziyyəti dərk etməli, İslam İnqilabının mahiyyətinə və diskursuna sadiq qalmaqla yanaşı, İran xalqının başqa xalqlara örnək olması üçün vacib şərt kimi, öz dini bilgilərini də dərinləşdirməlidirlər”.
