Xəbərlər
Ali Məqamlı Rəhbər İsfərayen əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (şənbə günü) – Şimali Xorasan vilayətinə səfərinin 4-cü günündə Darülquran İsfərayen rayonunda olaraq Təxti adına İdman Kompleksində saatlarla onu gözləmiş on minlərlə şəhər əhalisi ilə görüşdü.
Ali Məqamlı Rəhbər Şimali Xorasan vilayətinin ali və orta məktəb müəllimləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə axşamı) səhər Şimali xorasan vilayətinin ali və orta məktəb müəllimləri, universitet elmi şuralarının üzvləri ilə görüşdü. Görüş zamanı Ali Məqamlı Rəhbər uşaqları lap erkən çağlardan gözəl keyfiyyətlər əsasında formalaşan şəxsiyyət kimi yetişdirmək lazım olduğunu qeyd edərək vurğuladı: “Ölkənin ən başlıca ehtiyacı gənc nəsildə gələcəyə ümid, sevinc və özünəinam əhval-ruhiyyəsinin yaradılmasıdır”.
Ali Məqamlı Rəhbər Şimali Xorasan vilayətinin ruhani ictimaiyyəti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Şimali Xorasan vilayətinin ilahiyyatçı alimləri, tanınmış ruhaniləri və dini təhsil alan tələbələri ilə bu gecə (çərşənbə günü) baş tutan görüşündə ruhaniyyətin İslam dövlətindən ayrılmaz olduğunu, İslam İnqilabının qələbəsinin ruhanilərə din təlimlərini yaymaq üçün böyük fürsət yaratdığını qeyd edərək vurğuladı: “Teoloji mərkəzlər və ruhani ictimaiyyəti elm sahəsində ikiqat səy göstərib dərin elmi biliklərlə silahlanmaqla, həmçinin yeni təfəkkür tərzi ilə tanış olub gənc nəsil, xüsusilə tələbələrlə mütəmadi əlaqə saxlamaqla İslam dövlətinə xidmət etməli, onun gücləndirilməsi istiqamətində çalışmalıdırlar”.
Ali Məqamlı Rəhbər Şimali Xorasan əhalisi ilə görüşdü
Ətrək diyarı möhtəşəm və unudulmaz bir gün yaşadı. Şimali Xorasan vilayətinin mərkəzi olan Bocnurd bu gün müsəlman İranının döyünən qəlbi idi. Şimali Xorasan əhalisinin bir neçə həftə davam etmiş intizarından sonra, nəhayət, bu gün İslam İnqilabının Ali Məqamlı Rəhbəri bu vilayətə səfərinə başladı.
Ali Məqamlı Rəhbər ölkə elitasının yüzlərlə gənc təmsilçisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkə elitasının minə yaxın gənc, parlaq istedadlı təmsilçisi ilə bu gün (çərşənbə günü) günortadan sonra baş tutan görüşündə qeyd etdi ki, ziyalı gənclər arasında mövcud olan sevinc və optimizm əhval-ruhiyyəsini qoruyub saxlamaq və daha da gücləndirmək, gənc istedadların elm və tədqiqat sahəsində inkişafı üçün daha geniş imkanlar yaratmaq, Qərbin elmi inkişafından qorxub-çəkinmək əvəzinə, daxili elmin inkişafına diqqət yetirmək, ölkə elitasında xalqın gələcəyinə qarşı məsuliyyət hissini gücləndirmək, indiyə qədər əldə edilmiş elmi nailiyyətlərlə qane olmamaq ölkənin sürətli elmi inkişaf tempini davam etdirmək üçün zəruri şərtlərdir.
Ali Məqamlı Rəhbər həcc ziyarətinin ölkə üzrə təşkilatçı rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei həcc ziyarətinin ölkə üzrə təşkilatçı rəsmiləri ilə bu gün (bazar ertəsi) günortadan əvvəl baş tutan görüşündə böyük İslam peyğəmbərinin (s) təhqir olunması məsələsinə toxunaraq bildirdi ki, o həzrətin şəxsiyyətinin əzəməti onu sevənlərə, hətta düşmənlərinə də aydındır.
Ali Məqamlı Rəhbər ölkənin şimal regionundakı silahlı qüvvələrin zabit heyəti və onların ailələri ilə görüşdü
Ali Məqamlı Rəhbər ölkənin şimal regionundakı silahlı qüvvələrin zabit heyəti və onların ailə üzvləri ilə bu gün (çərşənbə axşamı) axşam keçirdiyi görüşdə qeyd etdi ki, pak bir ağaca bənzəyən İslam İnqilabının kökləri günü-gündən genişlənir, gövdəsi möhkəmlənir, qol-budaqları göz önündə inkişaf edərək yaşıllaşır. O dedi: “Bu yüksək ruhlu hərəkatı davam etdirmək, gələcəyin işıqlı üfüqlərinə çatmaq üçün ciddi şəkildə çalışıb zəhmət çəkməyimizə, hamılıqla əzm və təpər nümayiş etdirməyimizə ehtiyac var”.
Ali Məqamlı Rəhbər Ordunun yüksək rütbəli zabit heyəti ilə görüşdü
İslam İnqilabının Ali Məqamlı Rəhbəri İİR Ordusunun yüksək rütbəli zabitləri, habelə Ordunun nailiyyətlərini əks etdirən sərginin təşkilatçıları ilə bu gün (çərşənbə axşamı) keçirdiyi görüşdə bütövlükdə Orduda müşahidə olunan inkişafdan məmnun qaldığını bildirərək qeyd etdi ki, elmlə əməlin çulğaşması qarşıya qoyulan hədəflərin gerçəkləşməsində, işlərin düzgün şəkildə yerinə yetirilməsində ən mühüm amildir. O, Silahlı Qüvvələri bu başlıca, inkişaf etdirici amilə diqqət yetirməyə çağırdı.
Ali Məqamlı Rəhbər Xubriqan Məclisinin sədri və üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Xubriqan Məclisinin sədri və üzvləri ilə bu gün (cümə axşamı) səhər keçirdiyi görüşdə ölkədəki şəraiti dəyərləndirərək İranın ümumilikdə arzulanan templə inkişaf etdiyini dedi. Qoşulmama Hərəkatının sammitinin Tehranda keçirilməsini İslam dövlətinin qüdrət, əzəmət və möhtəşəmliyinin göstəricisi olaraq qeyd edən Ali Məqamlı Rəhbər vurğuladı: “İran xalqının kütbeyin düşmənləri bu sammiti İran İslam Respublikası əleyhinə diplomatik müharibəyə çevirdilər. Bunun nəticəsi isə onların biabırçı məğlubiyyəti oldu”.
Ali Məqamlı Rəhbər Teoloji Mərkəzlər Ali Şurasının üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin teoloji mərkəzlərini özündə birləşdirən Ali Şuranın üzvləri ilə keçirdiyi görüşdə sözügedən şuranın nüfuzlu alim və ruhanilərin yetişdirilməsində malik olduğu mövqe və rola toxunaraq teoloji mərkəzlərdə həyata keçirilən dəyişikliklərə ciddi yanaşmağın, onların daxili potensialını canlandırmağın, din tələbələrinin əxlaqi, intellektual və dini bilik səviyyəsini yüksəltməyin vacibliyini vurğuladı.
Ali Məqamlı Rəhbər Şimali Koreya Xalq Demokratik Respublikası Ali Şurasının sədri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Şimali Koreya Xalq Demokratik Respublikası Ali Şurasının sədri cənab Kim Yunq Namla bu gün (şənbə günü) səhər baş tutan görüşündə Şimali Koreya və İranın mövqelərinin əksər müstəvilərdə üst-üstə düşdüyünə toxunaraq vurğuladı: “Yüksək hədəflərə aparan yolda ciddi olmaq, təzyiq, sanksiya və təhdidlərin iradələrdə boşluq yaratmasına imkan verməmək lazımdır”.
Ali Məqamlı Rəhbər Qvineya-Bisau Respublikasının prezidenti ilə görüşdü
Həzrət Ayətullah Xamenei Qvineya-Bisau Respublikasının prezidenti cənab Manuel Serifu Nyamadju ilə bu gün (şənbə günü) səhər keçirdiyi görüşdə Qoşulmama Hərəkatının üzv ölkələr arasında müxtəlif əməkdaşlıqlar üçün çox gözəl imkan olduğunu bildirdi. O dedi: “Qoşulmama Hərəkatının üzvləri bu hərəkat çərçivəsində geniş əməkdaşlıqlar üçün planlar işləyib hazırlasalar, hegemon dövlətlərin müstəqil ölkələrə təzyiq və sanksiyalar tətbiq etmək səyləri ortadan qalxar”.
Ali Məqamlı Rəhbər Monqolustan Respublikasının prezidenti ilə görüşdü
Həzrət Ayətullah Xamenei Monqolustan Respublikasının prezidenti cənab Saxiaqiyn Elbeqdorja ilə bu gün (şənbə günü) səhər keçirdiyi görüşdə İran və Monqolustanın ortaq tarixi-mədəni keçmişinə, o cümlədən moğolların İranda hakimiyyətdə olduğu dövrə aid tarixi-elmi əsərlərə toxunaraq dedi: “Belə bir tarixi keçmişə malik olan İran-Monqolustan əlaqələri əvvəlkindən də artıq genişləndirilməlidir”.
Ali Məqamlı Rəhbər Benin Respublikasının prezidenti və Afrika İttifaqının hazırkı sədri ilə görüşdü
Bu gün (cümə günü) günortadan sonra Ali Məqamlı Rəhbərlə görüşən müxtəlif dövlət rəsmiləri sırasında Benin Respublikasının prezidenti, Afrika İttifaqının cari dövrdə fəaliyyətdə olan sədri cənab Yayi Boni də var idi.
Ali Məqamlı Rəhbər Sudan prezidenti ilə görüşdü
Bu gün (cümə günü) günortadan sonra Ali Məqamlı Rəhbərlə görüşən dövlət rəsmilərindən biri də Sudan Respublikasının prezidenti cənab Ömər Əlbəşir oldu.
Görüş zamanı Həzrət Ayətullah Xamenei regionun müsəlman ölkələrinin mühüm məsələlərlə bağlı daha artıq fəallıq nümayiş etdirməli olduqlarını vurğulayaraq dedi: “Qoşulmama Hərəkatı müstəqil müsəlman dövlətlərinin öz bacarıqlarından istifadə edərək regionun problemlərinə, o cümlədən Fələstin və Suriya məsələlərinə təsir göstərmələri, təşəbbüsü ələ almaları üçün gözəl bir imkandır”
Ali Məqamlı Rəhbər Əlcəzairin parlament sədri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Əlcəzairin parlament sədri cənab Əbdülqadir bin Salehlə bu gün (cümə günü) günortadan sonra baş tutan görüşü zamanı Əlcəzair xalqının inqilabi keçmişini, antiimperialist hərəkatını yüksək dəyərləndirərək dedi: “İslam İnqilabının qələbəsindən sonra Əlcəzair dövləti həmişə müqavimət cəbhəsində yer alan yaxşı bir şərik olub”.
Ali Məqamlı Rəhbər Pakistan Respublikasının prezidenti ilə görüşdü
Pakistan Respublikasının prezidenti ilə görüşündə Ali Məqamlı Rəhbər terrorizmi Qərb tərəfindən region xalqlarına zorla yük edilmiş əziyyət verici bir varlıq adlandıraraq dedi: “Amerika və Qərb dövlətləri ayaq basdıqları hər yerə şər, fəsad və qeyri-sabitlik gətirirlər”.
Ali Məqamlı Rəhbər Şri-Lanka Respublikasının prezidenti ilə görüşdü
Ali Məqamlı Rəhbər Şri-Lanka Respublikasının prezidenti ilə bu gün (cümə günü) günortadan sonra keçirdiyi görüş zamanı bildirdi ki, dost ölkələrin birliyi onların nüfuzunu möhkəmləndirir, qüdrətini artırır və milli mənafelərini təmin edir.
