Xəbərlər
Pakistan Respublikasının prezidenti ilə görüş
İslam İnqilabının Ali Məqamlı Rəhbəri Həzrət Ayətullah Xamenei Pakistan Respublikasının prezidenti ilə bu gün (çərşənbə) günortadan sonra baş tutan görüşündə qeyd etdi ki, İslam ümmətinin əksər problemləri süni, ümmətin düşmənlərinin əli ilə yaradılmış problemlərdir. O vurğuladı: “İslam dünyasının insan, təbii və coğrafi resurslarının, potensialının dirçəldilməsi bu problemlərin həllinə effektiv təsir göstərə bilər”.
Ali Məqamlı Rəhbər “Əmmar” Xalq Kinofestivalının təşkilatçı rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei “Əmmar” Xalq Kinofestivalının təşkilatçı rəsmiləri ilə bu gün (çərşənbə axşamı) baş tutan görüşündə qeyd etdi ki, kinofestivalda din və dini bilgilər mövzusuna, həmçinin İslam İnqilabına və inqilabi dəyərlərə diqqət yetirilməsi mübarək bir addımdır. O vurğuladı: “İslami mövzulu incəsənətə və dini kinematoqrafiya yanaşmada uzunmüddətli hədəflər nəzərdə tutulmalı, dəqiq planlama həyata keçirilməli, gələcəyə ümidlə baxılmalı, maksimum effekt əldə etmək üçün incəsənətin imkanlarından münasib şəkildə istifadə olunmalıdır”.
Ali Məqamlı Rəhbər minlərlə azərbaycanlı ilə görüşdü
Bu gün (şənbə günü) səhər minlərlə Təbriz sakini ilə coşğulu bir atmosferdə görüşən İslam İnqilabının Ali Məqamlı Rəhbəri Həzrət Ayətullah Xamenei çıxışında olduqca mühüm məqamları qeyd etdi. O, Amerika rəsmilərinin müzakirələrlə bağlı məntiqsiz davranış və fikirlərinə toxunaraq İran xalqının və İslam dövlətinin bu sferada tam məntiqli davrandıqlarını izah etdi.
Ali Məqamlı Rəhbər İran xalqını təqdir etdi
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) səhər fakültativ fiqh mühazirəsində 22 bəhmən günü möhtəşəm və əzəmətli bir milli qəhrəmanlığa imza atmış İran xalqının gözüaçıqlığını, qəhrəmanlığını, həssas anları dəyərləndirmə bacarığını təqdir edərək xalqın ictimai-siyasi proseslərdə bu cür izdihamlı iştirakını böyük bir hadisə adlandırdı.
Ali Məqamlı Rəhbər Hərbi Hava Qüvvələrinin rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Ordunun Hava Qüvvələrinin yüksək rütbəli zabitləri, rəsmiləri və digər heyəti ilə bu gün (cümə axşamı) səhər baş tutan görüşündə qeyd etdi ki, Amerikanın İrana qarşı cürbəcür təzyiq və təhdidləri 34 ildir davam etdirməsi və paralel olaraq, bu dövlətin rəsmilərinin İslam Respublikası ilə danışıqlara hazır olduqlarını bəyan etmələri Amerikanın heç də xoşniyyətli olmadığını göstərir.
Ali Məqamlı Rəhbər hökumət nümayəndələri və İslami Vəhdət Konfransında iştirak edən qonaqlarla görüşdü
Rəhmət elçisi, sonuncu peyğəmbər Məhəmməd Mustafanın (s) və o həzrətin əziz balası İmam Sadiqin (ə) başdan-başa nur saçan mübarək mövludlarına təsadüf edən bir vaxtda – bu gün (çərşənbə axşamı) hökumət nümayəndələri, 26-cı İslami Vəhdət Konfransında iştirak edən xarici qonaqlar, müsəlman ölkələrinin səfirləri və xalqın müxtəlif təbəqələrinin təmsilçiləri İslam İnqilabının Ali Məqamlı Rəhbəri Həzrət Ayətullah Xamenei ilə görüşdülər.
Ali Məqamlı Rəhbər Silahlı Qüvvələrin İnformasiya Toxunulmazlığı İdarəsinin rəsmiləri və əməkdaşları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) günorta Silahlı Qüvvələrin İnformasiya Toxunulmazlığı İdarəsinin rəsmiləri və əməkdaşları ilə görüşdü. Görüş zamanı o qeyd etdi ki, səbirli olub Allaha təvəkkül edənlərə, Allahın dininə yardım edənlərə yardım ediləcəyi barədə verilmiş ilahi vəd, mütləq, gerçəkləşəcək.
Ali Məqamlı Rəhbər Qum əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Qum şəhərinin mömin və inqilabçı əhalisi ilə bu gün (çərşənbə axşamı) səhər keçirdiyi görüşdə qeyd etdi ki, Qum camaatının 19 dey qiyamının mübarək və həlledici nəticələri Allahın danılmaz vədlərinin mütləq surətdə gerçəkləşməsinin təzahürüdür.
Ali Məqamlı Rəhbər Səhiyyə Xeyriyyəçiləri Təşkilatının üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Səhiyyə Xeyriyyəçiləri Təşkilatının üzvləri ilə bu gün (bazar ertəsi günü) səhər keçirdiyi görüşdə qeyd etdi ki, sağlamlıq, səhiyyə və müalicə mövzuları ölkənin başlıca prioritetləri, birinci dərəcəli məsələləri sırasına aiddir. O, bu sahədə həyata keçirilmiş ictimai fəaliyyətləri təqdir edərək dedi: “İş görmək meydanına insanların imanı, bacarığı və stimulu çıxanda işlər ikiqat artıq bərəkət kəsb edir, problemlər həll olunur”.
Ali Məqamlı Rəhbər “İslam dünyasının universitet müəllimləri və islami oyanış” konfransının iştirakçıları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei “İslam dünyasının universitet müəllimləri və islami oyanış” mövzusuna həsr edilmiş beynəlxalq konfransın iştirakçısı olan yüzlərlə universitet müəllimi, ziyalı və görkəmli elm xadimi ilə bu gün (çərşənbə axşamı) səhər keçirdiyi görüşdə islami oyanış mövzusunun əhəmiyyətini açıqlamaqla yanaşı, inqilab etmiş ölkələrdə İslamın, İslam şəriətinin, eləcə də xalqın tutduğu mövqeyi kompleks şəkildə təhlil etdi, bu ölkələrin üzləşə biləcəyi risk və təhlükələrdən danışdı.
Ali Məqamlı Rəhbər Ordunun Dəniz Qüvvələrinin rəsmiləri və komandanları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei İran İslam Respublikası Ordusunun Dəniz Qüvvələrinin rəsmiləri və komandan heyəti ilə bu gün (çərşənbə axşamı) günorta keçirdiyi görüşdə İİR-in qarşıya qoyduğu ali hədəflərə, İslam dövlətinin bu hədəflərin qazanılması yolunda əldə etdiyi ardıcıl nailiyyətlərə toxunaraq dedi: “Dünya və regiondakı vəziyyətə nəzər saldıqda bu proseslərə İslam Respublikasının effektiv təsirini açıq-aydın görmək mümkündür”.
Ali Məqamlı Rəhbər “Salehin” layihəsinin fəalları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei “Şəcəre-ye teyyibe-ye salehin” layihəsinin fəalları ilə bu gün (çərşənbə günü) səhər keçirdiyi görüşdə bəsicin İslam İnqilabının möcüzələrindən biri olduğunu dedi. Ölkənin, xalqın, inqilabın və tarixin bəsicə daim ehtiyac duyduğunu bildirən Ali Məqamlı Rəhbər bu qurumun fəaliyyətinin keyfiyyət baxımından yüksəldilməsini vurğuladı.
Ali Məqamlı Rəhbər ölkə üzrə həcc ziyarətinin təşkilatçılığına cavabdeh olan rəsmilərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei cari ildə ölkə üzrə həcc ziyarətinin təşkilati məsələlərinə cavabdeh olmuş rəsmilərlə bu gün (bazar ertəsi) səhər keçirdiyi görüşdə həcci müstəsna bir vacib şəri əməl adlandırdı.
Ali Məqamlı Rəhbər 4-cü strateji ideyalar konfransında iştirak etdi
150-yə yaxın elm xadimi, fikir adamı, universitet və teoloji mərkəz müəllimi, tədqiqatçı və elmi əsər müəllifi ötən gecə (çərşənbə axşamı günü) İslam İnqilabının Ali Məqamlı Rəhbəri Həzrət Ayətullah Xamenei ilə 4-cü strateji ideyalar konfransında bir araya gələrək “azadlıq” mövzusunun müxtəlif aspektləri ətrafında fikir mübadiləsinə başladı.
Ali Məqamlı Rəhbər tələbə və şagirdlərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei minlərlə tələbə və şagirdlə bu gün (çərşənbə günü) səhər baş tutan görüşündə mühüm məsələlərə toxundu. O, İran xalqının imperialist Amerika dövlətinə qarşı 60 ildir davam edən irimiqyaslı mübarizəsinin müxtəlif mərhələləri, Amerikanın İslam dövlətinin heyrətamiz maddi-mənəvi uğurları qarşısında silsilə məğlubiyyətləri, siyasi, iqtisadi, hərbi və ideoloji statusunun enməsi haqda ətraflı danışaraq qeyd etdi ki, müqavimət ruhunun və gözüaçıqlığın qorunub saxlanması, Allaha təvəkkül, davamlı şəkildə çalışıb səy göstərmək, rəsmilər arasında birlik və həmrəylik bu ardıcıl mübarizədən alınan ibrət dərsləridir.
Ali Məqamlı Rəhbər Şimali Xorasan əhalisinin müxtəlif təbəqələrinin təmsilçiləri və vilayətin administrasiya rəsmiləri ilə görüşdü
İslam İnqilabının Ali Məqamlı Rəhbəri Şimali Xorasan əhalisinin müxtəlif təbəqələrindən seçilmiş nümayəndələr və vilayətin administrasiya rəsmiləri ilə bu gün (çərşənbə axşamı) səhər keçirdiyi görüşdə xalqa təmənnasız xidmətin ölkə rəsmiləri ilə üçün ilahi nemət olduğunu qeyd etdi.
Ali Məqamlı Rəhbər Şimali Xorasan vilayətinin bəsiciləri ilə görüşdü
Şimali Xorasan vilayətinə səfərinin 6-cı günündə – bu gün (bazar ertəsi) günortadan sonra İslam İnqilabının Ali Məqamlı Rəhbəri vilayətin minlərlə bəsicisi ilə görüşdü. Çıxışı əsnasında o vurğuladı: “Bəsic qızıl açardır, Yaradanın İran xalqına hədiyyəsidir. Bu günə qədər o, bir çox düyünləri açdığı kimi, gələcəkdə də ölkənin və cəmiyyətin ehtiyac duyduğu mühüm məsələləri irəli aparacaq”.
Ali Məqamlı Rəhbər on minlərlə Şirvan sakini ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Şirvanın və ətraf məntəqələrin on minlərlə sakini ilə bu gün (bazar ertəsi) səhər izdihamlı bir atmosferdə baş tutan görüşündə İran xalqının düşmənlərinin son 30 ildə düçar olduqları uğursuzluqlara toxunaraq vurğuladı: “Rəsmilər iqtisadi məsələlərdə üç amilə: elmi yanaşmaya, tədbirli planlamaya və siyasətlərin sabit və ardıcıl şəkildə icrasına tam diqqət yetirməlidirlər ki, Allahın fəzli və xalqın sayıqlığı sayəsində, dünyanın hegemon dövlətləri İranla iqtisadi qarşıdurmada da məğlub olsunlar”.
