Xəbərlər
Ali Məqamlı Rəhbər xalqın yeni seçdiyi prezident Həsən Ruhani ilə görüşdü
Xalqın seçdiyi yeni prezident Höccətül-İslam vəl-muslimin Dr. Həsən Ruhani bu gün (bazar ertəsi) günortadan sonra İslam İnqilabının Ali Məqamlı Rəhbəri Həzrət Ayətullah Xamenei ilə görüşdü.
Ali Məqamlı Rəhbər xalqın müxtəlif təbəqələrini təmsil edən minlərlə insanla görüşdü
İlahi eşq, iman və fədakarlıq nümunəsi Həzrət Əba-Əbdillah Hüseynin mübarək mövludunun ildönümündə – bu gün (çərşənbə günü) səhər –İslam İnqilabının Ali Məqamlı Rəhbəri Həzrət Ayətullah Xamenei xalqın müxtəlif təbəqələrini təmsil edən minlərlə insanla görüşdü. Görüş zamanı çıxış edən Ali Məqamlı rəhbər bildirdi ki, 24 xordad seçkilərində qanunçuluq İran xalqının təqdirəlayiq diskursudur.
Ali Məqamlı Rəhbər Beynəlxalq Quran Müsabiqəsində iştirak edən ustad, hafiz və qarilərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei 30-cu Beynəlxalq Quran Müsabiqəsində iştirak edən ustad, hafiz və qarilərlə bu gün (şənbə günü) səhər baş tutan görüşündə qeyd etdi ki, Quranın müsəlmanlara xitabən verdiyi ən mühüm göstərişlərdən biri vəhdətin qorunmasıdır. O vurğuladı: “Bu gün müsəlmanları birliyə çağıran hər bir dil Allaha aiddir, müsəlmanları və İslam məzhəblərini bir-biri ilə düşmənçiliyə təhrik edən dillər isə Şeytanındır”.
Ali Məqamlı Rəhbər Məbəs bayramı münasibəti ilə hökumət rəsmiləri və müsəlman ölkələrinin səfirləri ilə görüşdü
İslam peyğəmbəri Həzrət Məhəmmədin (s) peyğəmbərlik missiyası üçün göndərildiyi gün – Məbəs bayramı günü hökumət rəsmiləri, müsəlman ölkələrinin səfir və nümayəndələri, eləcə də şəhid ailələrindən bir qrupu İslam İnqilabının Ali Məqamlı Rəhbəri Həzrət Ayətullah Xamenei ilə görüşdülər.
Ali Məqamlı Rəhbər İmam Xomeyni (r.ə) hərəmində on minlərlə insanla görüşdü
Ölkənin dörd bir yanından gəlmiş on minlərlə mömin və inqilabçı insan bu gün müqəddəs İmam Xomeyni (r.ə) hərəminin qarşısında möhtəşəm və canlı bir izdihamla toplaşaraq İmam Xomeyniyə (r.ə) olan sədaqət hisslərini xalqa və rəsmilərə – Quran təbiri ilə desək – vəhdət və başucalığı bəxş edən möhkəm bir ipə çevirdilər, Allah dərgahına köç etmiş əziz öndərləri ilə bir daha əhd-peyman bağladılar.
Ali Məqamlı Rəhbər parlamentin nümayəndələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei İslami Şura Məclisinin sədri, idarə heyətinin üzvləri və parlamentarilərlə bu gün (çərşənbə günü) səhər baş tutan görüşündə parlamentin işlərin başında durduğunu, icraedici hakimiyyətin isə meydanda ağır bir yükü çiyinlərinə götürərək icraiyyə işlərini həyata keçirdiyini vurğulayaraq bildirdi ki, hökumətlə parlamentin əməkdaşlığında hər iki tərəfin qanuna riayət etməsi, qarşılıqlı həmkarlığa açıq olması və insaflı davranması vacibdir.
Ali Məqamlı Rəhbər xalqın müxtəlif təbəqələrini təmsil edən minlərlə insanla görüşdü
İslam İnqilabının Ali Məqamlı Rəhbəri Həzrət Ayətullah Xamenei xalqın müxtəlif təbəqələrini təmsil edən minlərlə insanla bu gün (çərşənbə günü) səhər baş tutan görüşündə camaata, xüsusilə də gənclərə mübarək rəcəb ayının insan mənəviyyatına kamilləşdirici təsir göstərən, geniş imkanlarından yararlanmağı tövsiyə edərək 24 xordad seçkilərinin İran xalqı üçün növbəti qürurverici sınaq olduğunu bildirdi.
Ali Məqamlı Rəhbər Müqavimət Ədəbiyyatı və İslam İnqilabı Ədəbiyyatı idarələrinin rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) səhər İslami Təbliğat Təşkilatının İncəsənət departamentinin Müqavimət Ədəbiyyatı və İslam İnqilabı Ədəbiyyatı idarələrinin rəsmiləri ilə görüşdü. Görüş zamanı o bildirdi ki, müqavimət və İslam İnqilabı ədəbiyyatı sahələrində böyük, ilhamverici, mübarizəyə səsləyən bir hərəkatın formalaşdırılması, həmçinin inqilaba müxalif olan bəzi cərəyanların İslam İnqilabının həqiqət və anlayışlarını təcrid etməklə bağlı səylərinin nəticə verməsinin qarşısının alınması İncəsənət departamentinin fəaliyyətinin iki mühüm xüsusiyyəti və meyarıdır.
Ali Məqamlı Rəhbər ölkənin teoloji mərkəzlərində və universitetlərində çalışan ziyalı xanımlarla görüşdü
Mübarək rəcəb ayının astanasında – bu gün (şənbə günü) səhər ölkənin teoloji mərkəzlərində və universitetlərində, ailə və qadın problemləri sahəsində, icra strukturlarında, Quranla bağlı sferalarda, mediada və QHT-lərdə çalışan yüzlərlə fəal xanım iki saat yarım ərzində İslam İnqilabının Ali Məqamlı Rəhbəri Həzrət Ayətullah Xamenei ilə görüşdülər.
Ali Məqamlı Rəhbər təhsil işçiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin təhsil müəssisələrində çalışan minlərlə müəllimlə bu gün (çərşənbə günü) səhər baş tutan görüşündə Təhsil və Tərbiyə Nazirliyinin mühüm və əsas dövlət strukturlarından biri olduğunu qeyd edərək bildirdi ki, bu qurum yüksək insani keyfiyyətləri və islami həyat tərzini özündə əks etdirən mütərəqqi bir cəmiyyətin formalaşmasında başlıca infrastrukturdur.
Ali Məqamlı Rəhbər Seçki Komissiyasının rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi günü) səhər ölkədə prezident postuna, habelə şəhər və kənd şuralarına keçirilən seçkilərə cavabdeh olan komissiyanın rəsmiləri ilə görüşdü. Görüş zamanı Ali Məqamlı Rəhbər qeyd etdi ki, xalqın 24 xordad seçkilərində hamılıqla və fəal iştirakı ölkəyə toxunulmazlıq qazandıran, onun davamlı inkişafını qarant altına alan amildir.
Ali Məqamlı Rəhbər Əhli-Beyt (ə) şairləri və söz ustadları ilə görüşdü
İki aləmin seçilmiş xanımı Həzrət Siddiqeyi-Kübra Fatimeyi-Zəhranın (s.ə) və onun şanlı övladı dahi İmam Xomeyninin (r.ə) mübarək doğum günlərində İmam Xomeyni (r.ə) adına hüseyniyə Xanım Fatimənin ali keyfiyyət və fəzilətlərinin rayihəsi ilə doldu.
Əhli-Beyt (ə) şairlərindən bir qrupunun iştirakı ilə keçən bu görüşdə Ali Məqamlı Rəhbər Həzrət Fatimeyi-Zəhranın (s.ə) doğum günü münasibəti ilə hər kəsi təbrik etdi və İmam Xomeyninin (r.ə) doğum gününün də xanımın mövludu ərəfəsinə təsadüf etdiyini xüsusi qeyd etdi.
Ali Məqamlı Rəhbər Zəhmətkeşlər həftəsi münasibətilə istehsalat sektorunun fəalları və fəhlələrlə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (şənbə günü) səhər minlərlə fəhlə və zəhmətkeşlə, istehsalat sektorunda fəal olan sahibkarlar və əməkdar fəhlələrlə görüşdü. Görüş zamanı çıxış edən Ali Məqamlı Rəhbər ölkənin iqtisadiyyat və siyasət arenasında qəhrəmanlıq əzmli bir hərəkata, böyük və sıçrayışlı bir irəliləyişə ehtiyac duyduğunu bildirdi.
Ali Baş Komandan Ordu Günü ərəfəsində hərbçilərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) günorta – 29 fərvərdin İran İslam Respublikası Ordusu Günü ərəfəsində ordu komandanlarından, nümunəvi hərbi kadrlardan, Bəsic Təşkilatının kiçik şəhərlərdəki nümayəndəliklərinin üzvlərindən, habelə hərbçilərin ailə üzvlərindən bir qrupu ilə görüşdü. Görüş zamanı çıxış edən Ali Baş Komandan İran İslam Respublikası Ordusunu qürurverici, xalqa yaxın olan, elmə və dini inanca söykənən, cürbəcür təşəbbüslərlə çıxış edən, sınaqdan çıxmış bir hərbi institut adlandırdı.
Ali Məqamlı Rəhbər Burundi Respublikasının prezidenti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Burundi Respublikasının prezidenti və onu müşayiət edən nümayəndə heyəti ilə bu gün (çərşənbə günü) səhər keçirdiyi görüşdə İran İslam Respublikasının Afrika ölkələrinə müsbət yanaşdığına toxunaraq vurğuladı: “İran Afrika ölkələrinin inkişafını və onlar arasındakı birliyi müsbət qarşılayır”.
Ali Məqamlı Rəhbər yeni ilin başlanğıcı münasibəti ilə İmam Rza (ə) hərəminin zəvvarları və qonşuluqda yaşayan əhali qarşısında çıxış etdi
İslam İnqilabının Ali Məqamlı Rəhbəri Həzrət Ayətullah Xamenei bu gün – 1392-ci ilin ilk günü günortadan sonra Həzrət Əli ibn Rza Musanın (ə) müqəddəs hərəmini ziyarətə gəlmiş zəvvarlardan və hərəmin qonşuluğunda yaşayan əhalidən ibarət izdihamlı və emosional kütlə qarşısında çıxış etdi. Ali Məqamlı Rəhbər öz mühüm çıxışı zamanı İran xalqının 1391-ci ildə bədxahların yaratdığı əməli maneələrə, apardıqları genişmiqyaslı və hərtərəfli təbliğata baxmayaraq, qazandığı böyük və fundamental nailiyyətləri dəyərləndirdi.
Ali Məqamlı Rəhbər Novruz səfərlərinin və xidmətlərinin təşkilinə cavabdeh olan rəsmilərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei Novruz səfərləri və xidmətlərinin təşkilinə cavabdeh olan rəsmilərdən bir qrupu ilə bu gün (şənbə günü) günorta baş tutan görüşündə Novruz səfərləri ilə bağlı işləri həyata keçirən müxtəlif struktur və təşkilatların əməkdaşlarına böyük təşəkkürünü bildirərək vurğuladı: “Bütün rəsmi strukturlar çalışmalıdırlar ki, Novruz səfərləri zamanı yollarda qəza hadisələrinin sayı, mümkün qədər, minimuma endirilsin”.
Ali Məqamlı Rəhbər olimpiya və paraolimpiya iştirakçıları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar ertəsi) səhər 2012-ci ildə keçirilmiş beynəlxalq idman yarışlarında, olimpiya və paraolimpiya oyunlarında iştirak edərək medal qazanmış qabaqcıl idmançılarla görüşdü. Görüş zamanı çıxış edən Ali Məqamlı Rəhbər bildirdi ki, ölkənin idman cəngavərləri İran xalqının milli kimliyini, individuallığını, böyük əzmini, yüksək intellektini, xalqın etiqad bəslədiyi dinə iman və bağlılığı dünyaya tanıdan elçilərdir.
