Xəbərlər
İslam İnqilabının Rəhbəri İraqın prezidenti ilə görüşdü
Bu gün (şənbə) günortadan sonra İraqın prezidenti cənab Bərhəm Saleh və onu müşayiət edən nümayəndə heyəti ilə görüşdə parlament və prezident seçkilərinin uğurla keçirildiyinə, baş nazir və digər uğurlu vəzifə təyinatlarına, habelə sabitlik və stabillik yaradıldığına görə məmnunluq hissi keçirdiyini deyən İslam İnqilabının Ali Rəhbəri Həzrət Ayətullah Xamenei vurğuladı: “Problemlərə qalib gəlmək və bədxahların planlarına müqavimət göstərməyin yolu İraqda milli birliyi qorumaq, döst və düşməni düzgün tanımaq, həyasız düşmənə müqavimət göstərmək, gənclərə arxalanmaq, mərcəiyyətlə olan əlaqəni qorumaq və gücləndirməkdən keçir”.
İnqilabın Ali Rəhbəri Cakarta-2018 Para-Asiya oyunlarının medalçıları ilə görüşdü
Bu gün səhər (çərşənbə günü) “Cakarta-2018” Para-Asiya oyunlarında medal qazanmış İran İslam Respublikasının idman komandasının çempionları ilə görüşü zamanı əlil və veteran çempionlara nail olduqları qürurverici qalibiyyətə görə təşəkkürünü bildirən Həzrət Ayətullah Xamenei qeyd etdi ki, bu çempionluq sarsılmaz əzmkarlığın və gizli potensiallardan istifadənin göstəricisidir: “Böyük iş gördünüz. Bu qiymətli işinizlə göstərdiniz ki, əgər ölkə və ya insanın daxilində diqqətdən kənarda qalmış potensiallardan istifadə edilsə, böyük uğur və inkişafa zəmin yaranacaqdır”.
İslam İnqilabının Ali Rəhbəri “Qəzvin Şəhidləri” konfransının təşkilatçıları ilə görüşdü
İslam İnqilabının Ali Rəhbərinin 5 noyabr 2018-ci il tarixində təşkil edilmiş “Qəzvinin şəhidləri” adlı konfransın təşkilatçıları ilə görüşü zamanı verdiyi bəyanat bu gün səhər Qəzvinin konfars təşkil edilmiş eyni məkanında yayımlandı.
İslam İnqilabının Ali Rəhbəri minlərlə şagird və tələbə ilə görüşdü
İslam İnqilabının Ali Rəhbəri Həzrət Ayətullah Xamenei 13 aban Dünya İmperializminə Qarşı Milli Mübarizə Günü ərəfəsində bu gün (şənbə) səhər minlərlə tələbə və şagirdlə görüşdü.
İnqilabın Rəhbəri Passiv Müdafiə Təşkilatının rəhbəri və məsul şəxsləri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar günü) günorta Passiv Müdafiə Təşkilatının rəhbəri və məsul şəxsləri ilə görüşü zamanı Passiv Müdafiə Təşkilatının düşmənlərin yenilənən təhdidləri qarşısındakı günbəgün artmaqda olan əhəmiyyətindən danışaraq dedi: “Passiv Müdafiə Təşkilatı düşmənlərin mürəkkəb hücum metodlarına qarşı tamamilə ayıq, ciddi, elmli, dəqiq, modern və hərtərəfli fəaliyyət göstərməli, istənilən növ nüfuza qarşı müqavimət göstərməlidir”.
İslam İnqilabının Ali Rəhbəri yüksək elmi istedadı və intellekti olan gənclərlə görüşdü
Bu gün (çərşənbə günü) səhər ölkənin iki mindən çox yüksək elmi istedada malik olan gənc elitası ilə görüşdə İranın on minlərlə intellektinin səy və fəaliyyətinin ölkənin real və ümidverici mənzərəsindən xəbər verdiyini deyən İslam İnqilabının Ali Rəhbəri Həzrət Ayətullah Xamenei gənc elitanın gələcəklə bağlı nəzərdə tutulmuş düzgün proqram, İranın elmi inkişafı, bəşəri biliklərin sərhədlərinin genişlənidirlməsi, elita ilə dövlətin qarşılıqlı, ikitərəfli və daha ciddi əlaqlərinin olması, elitanın iş qüvvəsi xəzinəsinin ağılla qorunması və ondan düzgün istifadə eilməsi, milli kimliyin gücləndirilməsi, ölkə elitasının idealizmindəki rolunun zəruri olduğunu dedi.
İnqilabın Ali Rəhbəri Həcc ziyarətinin təşkilatçıları və cavabdeh şəxsləri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar ertəsi) günorta Həcc ziyarətinin təşkilaçıları və cavadeh şəxsləri ilə görüşü zamanı bildirdi ki, Allah-taala “müsəlmanların qarşılıqlı əlaqə və münasibətlərinin zəruriliyi” və “İslam ümmətinin qüdrətinin nümayiş etdirilməsi” kimi mühüm siyasi aspekt və mesajlara malik olan Həcc əməlini yerinə yetirmək üçün müsəlmanlara eyni zaman və məkanda toplaşmaq göstərişi vermişdir.
İnqilabın Ali Rəhbəri Asiya oyunlarında medal qazanmış idmançılardan bir qrupu ilə görüşdü
Cakartada (İndoneziya) keçirilən Asiya oyunları-2018 yarışında medal qazanaraq ölkəmizin adını qaldırmış idmançılardan bir qrupu İslam İnqilabının Ali Rəhbəri ilə görüşüb söhbət etdi.
İslam İnqilabının Ali Rəhbəri Türkiyə prezidentini qəbul etdi
İslam İnqilabının Ali Rəhbəri Həzrət Ayətullah Xamenei bu gün günortadan sonra Türkiyə prezidenti cənab Rəcəb Təyyib Ərdoğan və onu müşayiət edən nümayəndə heyəti ilə görüşdə qeyd etdi ki, İsalm dünyasının bu gün ən mühüm ehtiyacı İslam ölkələrinin mümkün qədər çox yaxınlaşması və onlar arasında qarışılıqlı əlaqənin olmasıdır: “İslam ölkələri arasında birlik və əməkdaşlıq regionun problemlərinin həllinə mütləq zəmin yaradacaq.
İslam İnqilabının Ali Rəhbəri Rusiya prezidentini qəbul etdi
İslam İnqilabının Ali Rəhbəri Həzrət Ayətullah Xamenei bu gecə (cümə) Rusiyanın prezidenti cənab Vladimir Putin və onu müşayiət edən nümayəndə heyəti ilə görüşdə üçtərəfli Tehran zirvə toplantısının səmərəli olacağına ümidvar olduğunu qeyd etdi.
İslam İnqilabının Rəhbəri Xubriqan Məclisinin sədri və üzvləri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (cümə axşamı) səhər Xubriqan Məclisinin sədri və üzvləri ilə görüşdə qeyd etdi ki, hal-hazırki təhlükəli şəraitdə xalqın və Xubriqan Məclisinin ən mühüm vəzifəsi xalqla hökumət qurumları arasındakı birlik və bağlılığın qorunması və dərinləşdirilməsi istiqamətində iş görmək, məyusluq, ümidsizlik və çarəsizlik hissinin hakim kəsildiyi mühitin yaranmasına imkan verməməkdir.
Ali Baş Komandan Hava Hücumundan Müdafiə Qərargahının komandanları ilə görüşdü
Ali Baş Komandan Həzrət Ayətullah Xamenei bu gün (bazar günü) günorta İran İslam Respublikası ordusunun Xatəmul-ənbiya (s) Hava Hücumundan Müdafiə Qərargahının komandanları və şəxsi heyəti ilə görüşdü.
İslam İnqilabının Ali Rəhbəri prezident və Nazirlər Kabinetinin üzvləri ilə görüşdü
Bu gün (çərşənbə) səhər prezident və Nazirlər Kabinetinin üzvləri ilə görüşdə Ələvi hökumətinə xas olan ədalət, paklıq, dindarlıq və xalqla birlikdə olmaq xüsusiyyətlərinin məsul şəxslərin fəaliyyətlərinin qiymətləndirilməsi meyarı olduğunu deyən İslam İnqilabının Ali Rəhbəri Həzrət Ayətullah Xamenei iqtisadi problemlər, xarici siyasət, daxili vəhdət və birliklə bağlı mühüm məsələlərə toxundu.
İslam İnqilabının Ali Rəhbəri xalqın müxtəlif təbəqələrindən olan minlərlə insanla görüşdü
Bu gün (bazar ertəsi) səhər ölkənin ayrı-ayrı əyalətlərindən gəlmiş minlərlə insanla görüşü zamanı əhalinin məişəti və iqtisadi vəziyyəti ilə bağlı mühüm məsələlərə toxunan İslam İnqilabının Ali Rəhbəri Həzrət Ayətullah Xamenei ABŞ-ın cinayətləri, müzakirə təklifi, habelə xalq və məsul şəxslərin vəhdətinin zəruriliyindən danışdı.
Ali Rəhbər İranın xarici ölkələrdəki səfirləri və XİN-in işçiləri ilə görüşdü
Bu gün (şənbə) səhər İranın xarici ölkələrdəki səfirləri, Xarici İşlər Nazirliyinin işçiləri və məsul vəzifəli işçiləri ilə görüşdə sözün həqiqi mənasında milli maraqların təmin edilməsi və qorunmasının xarici siyasətin əsas məqsədi olduğunu deyən İslam İnqilabının Ali Rəhbəri Həzrət Ayətullah Xamenei İslam dövlətinin diplomatik zərurətlərinə aydınlıq gətirdi.
İslam İnqilabının Ali Rəhbəri builki həcc ziyarətinin təşkilatçıları ilə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar ertəsi) səhər builki Həcc ziyarətinin təşkilaçıları və cavadeh şəxsləri ilə görüşü zamanı bildirdi ki, Həcc mənəviyyat və siyasətin çulğalaşmasının simvoludur və müsəlmanların bəlli zaman və məkanda toplaşması onun ən mühüm xüsusiyyətidir: “Həqiqi həcc bir tərəfdən müşriklərə nifrətlə müşayiət edilən, digər tərəfdən isə müsəlmanların vəhdəti, qəlb və səs birliyinə zəmin yaradan həccdir”.
İslam İnqilabının Ali Rəhbəri məhkəmə sisteminin sədri və məsul işçiləri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər məhkəmə sisteminin sədri və məsul işçiləri ilə görüşdə məhkəmə sisteminin ağır və rəhbərlik vəzifələrindən söz açaraq dedi: “Məhkəmə sistemi ümumi və fərdi hüquqların bərpası üçün ədalətin təzahür etdiyi məkan, xalqa əmin-amanlıq bəxş edən etibarlı sığınacaq olmalıdır.
İnqilabın Rəhbəri İslam Şurası Məclisinin sədri, üzvləri və bir qrup işçisi ilə görüşdü
İslam İnqilabının Ali Rəhbəri Həzrət Ayətullah Xamenei bu gün (çərşənbə) səhər İslam Şurası Məclisinin sədri, üzvləri və bir qrup işçisi ilə görüşdə qeyd etdi ki, parlament dövlətin möhkəm sütunu, mərhum İmamın dili ilə desək, üstün keyfiyyətlərin, yəni millətin ən üstün xüsusiyyətlərinin cövhəridir: “Millət vəkilləri qanun qəbul edərkən və üzərlərinə düşən əsas vəzifələrin icrası zamanı ölkənin prioritetləri, xalqın, xüsusilə zəif və orta təbəqələrin problemlərinin həlli, Qərb baxışlarından təsirlənmə, inqilabçılıq və aristokrat həyat tərzindən çəkinmə kimi mühüm məsələləri tam diqqət mərkəzində saxlasınlar”.
