Görüşlər Ali Məqamlı Rəhbərin xalqın müxtəlif təbəqələrindən olan insanlarla görüşü

Bu gün səhər Həzrət Əli ibn Əbu Talibin (ə) mübarək doğum gününün ildönümü münasibətilə imam Xomeyni (r.ə) hüseyniyyəsində təşkil edilmiş tədbirdə xalqın müxtəlif təbəqələrini təmsil edən minlərlə insan iştirak etdi. Tədbirdə ölkənin dörd bir yanından gəlmiş insanların qəlbindəki imandan doğan böyük sevgi və şövq müşahidə olunur, xalqın müxtəlif nümayəndələri “Ya Əli!” nidaları ilə imamət məqamına özlərinin səmimi-qəlbdən gələn sevgi və bağlılıqlarını təzahür etdirirdilər.

Görüşlər Məhkəmə Hakimiyyətinin sədri və məsul vəzifəli işçiləri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei Məhkəmə Hakimiyyətinin sədr və məmurları ilə görüşdə bu hakimiyyət orqanının başlıca vəzifəsinin məhz ədalətin təmini olduğunu xüsusilə bildirdi. Bu vəzifənin reallaşması üçün isə qanunlara riayət olunmasının vacibliyini vurğulayan Ali Məqamlı Rəhbər ölkədə baş vermiş son hadisələrə toxunaraq təkidlə dedi: “Baş verən insidentlərin qanuni meyarlar əsasında öz həllini taparaq yoluna qoyulması mümkündür. Hər iki tərəfdən olan tanınmış, fəal şəxslər və siyasi cinahlar da hər cür emosional provakasiyalardan, xalqın vəhdətini poza biləcək addımlardan çəkinməlidirlər”.

Görüşlər İslami Şura Məclisinin sədri və Məclis nümayəndələri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün İslami Şura Məclisinin sədri, idarə heyəti və nümayəndələri ilə görüşündə qanunların İslam İnqilabının təməl prinsipləri, həmçinin cəmiyyətin ehtiyacları ilə uzlaşmasının vacibliyini təkidlə vurğulayaraq bildirdi: “Qanunlar qəbul edilərkən onların mədəni və tərbiyəvi təsirləri də ciddi surətdə nəzərə alınmalıdır”.

Mərasimlər Tehran şəhərində Həzrət Ayətullah Xameneinin imamətliyi ilə cümə namazı qılındı

Bu gün İİR-nın Ali Məqamlı Rəhbəri Həzrət Ayətullah Xameneinin və xalqın cümə namazının möhtəşəm təntənəsini yaşayan Tehran şəhəri mənəvi bir atmosferlə və imam Zamanın (ə.f) rayihəli xatirəsi ilə dolu idi.

Mərasimlər Tehranda cümə namazı İİR-nın Ali Məqamlı Rəhbəri Həzrət Ayətullah Xameneinin imamətliyi ilə qılınacaq

Tehran Şəhər Cümə Namazı Qərargahı bu barədə verdiyi məlumatda geniş xalq kütləsini bu həftə Tehran Universitetində qılınacaq cümə namazında iştirak etməyə dəvət edərək təkidlə bildirmişdir: “Bu həftə qəlbi Allah sorağında olan mömin insanların cümə namazında izdihamlı iştirakı birlik və həmrəyliyin, imam Xomeyni (r.ə) amalları ilə yenidən əhd-peyman bağlamanın, həmçinin müsəlmanların Ali Məqamlı Rəhbəri olan Həzrət Ayətullah Xameneinin rəhbərliyini səmimi-qəlbdən qəbul etmənin ən gözəl təzahürü olacaq”.

Mərasimlər İİR-nın Ali Məqamlı Rəhbəri Həzrət Ayətullah Xameneinin ölkə prezidentliyinə 4 namizədin qərargah nümayəndələri ilə görüşü

Bu gün axşam ölkə prezidentliyinə onuncu seçkilərin 4 namizədinin qərargah nümayəndələri İİR-nın Ali Məqamlı Rəhbəri Həzrət Ayətullah Xamenei ilə görüşmüşlər. Dostluq və səmimiyyət şəraitində keçən bu görüşdə namizədlər ölkədə baş tutmuş prezident seçkiləri və bununla əlaqədar məsələlərlə bağlı öz fikirlərini birbaşa və açıq-aşkar söylədilər, həmçinin aidiyyətli orqanlarda çalışan məsul şəxslər müəyyən məsələlərə aydınlıq gətirdilər.

Görüşlər Cənab Mirhüseyn Musəvinin İslam İnqilabının Ali Məqamlı Rəhbəri ilə görüşü

İran İslam Respublikasının Ali Məqamlı Rəhbəri Həzrət Ayətullah Xamenei cənab Mirhüseyn Musəvi ilə görüşündə ona problemlərin həllində qanunu rəhbər tutmağı təkidlə tövsiyə etdi.
Dünən axşamçağı baş tutan bu görüşdə cənab Mirhüseyn Musəvi məruzə edərək seçkinin gedişatı barədə öz şəxsi fikirlərini bildirdi.

Mərasimlər Həzrət Fatimənin (s.ə) mübarək doğum günündə təşkil edilmiş ziyafət

İran İslam Respublikasının Ali Məqamlı Rəhbəri Həzrət Ayətullah Xamenei bu gün iki aləmin seçilmiş xanımı Həzrət Siddiqeyi-Tahirənin (s.ə) və onun şərəfli övladı imam Xomeyninin (r.ə) mübarək doğum gününə həsr edilmiş mərasimdə onuncu prezident seçkilərini İlahi bir möcüzə adlandırdı.

Müraciətlər İİR-nın Ali Məqamlı Rəhbərinin onuncu prezident seçkiləri ilə əlaqədar xalqa müraciəti

İran İslam Respublikasının Ali Məqamlı Rəhbəri Həzrət Ayətullah Xamenei xalqa ünvanladığı olduqca mühüm müraciətində tarixi bir gündə – xordad ayının 22-si (12 iyun) cümə günündə əzəmətli və qəhrəman İran xalqının həlledici, qüdrətli, mətin və sülhpərvər davranışını hikmətli Allah-Taalanın lütfü və mərhəməti, diqqətəlayiq və misilsiz bir hadisə adlandırmışdır. İslam İnqilabının Ali Məqamlı Rəhbəri respublikada onuncu prezident seçkilərinin həyəcanlı, pozitiv və olduqca möhtəşəm şəkildə keçdiyinə işarə edərək, həmçinin bu seçkilərin İran xalqının siyasi dünyagörüşünün artması, xalqın inqilabi əzmə və sivil səviyyəyə malik olmasını özündə əks etdirdiyini bildirrmişdir.

Mərasimlər İİR-nın Ali Məqamlı Rəhbərinin onuncu prezident seçkilərində iştirakı

İran İslam Respublikasının Ali Məqamlı Rəhbəri Həzrət Ayətullah Xamenei respublikada baş tutan onuncu prezident seçkisinin və Xubriqan Məclisinin yarımmərhələ etapının ilk dəqiqələrində imam Xomeyni (r.ə) adına hüseyniyyədə 110 saylı seçki qutusunun qoyulduğu yerə gələrək səs vermişdir.

Görüşlər İmam Xomeyninin vəfatının 20-ci ildönümü ilə əlaqədar keçirilən mərasim

Bu gün imam Xomeyninin (r.ə) vəfatının 20-ci ildönümü ilə əlaqədar keçirilmiş, xalqın müxtəlif təbəqələrinin nümayəndələrinin iştirak etdiyi izdihamlı və möhtəşəm tədbirdə İran İslam Respublikasının Ali Məqamlı Rəhbəri Həzrət Ayətullah Xamenei mərhum imam Xomeyninin (r.ə) gerçəkləşdirdiyi tarixi hərəkatın iki önəmli cəhəti kimi “İslamın dirçəlişi” və “İranın, iranlının qüruru və başıucalığı” adlı iki bayrağın ucaldılmasını xüsusi qeyd etdi. Həzrət Ayətullah Xamenei düşmənin İran xalqının tərəqqi və yüksəlişinin qarşısını almaq üçün göstərdiyi çoxsaylı səylərə işarə edərək təkidlə dedi: “Bütün xalq, “dövlətin, İslamın və İran xalqının güclənməsi”ni arzulayan bütün insanlar 22 xordad (12 iyun) tarixində baş tutacaq seçkilərdə bütün qüvvə və bacarıqlarını göstərərək yüksək əhval-ruhiyyə ilə iştirak etməlidirlər”.

Görüşlər Həzrət imam Xomeyninin vəfatının 20-ci ildönümü mərasimini qeyd edən komitə üzvləri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün səhər Həzrət imam Xomeyninin (r.ə) vəfatının 20-ci ildönümü mərasimini qeyd edən komitə üzvləri ilə görüşdə əzəmətli, möhtərəm imam Xomeynini (r.ə) “İslamın simvolu” və “xalqın müstəqilliyinin, qürurunun və vəhdətinin simvolu” adlandıraraq vurğuladı: “İmamın (r.ə) bu dəyərli miraslarını bütün varlığımızla qorumalı və onun xatirəsini İlahi nemət kimi daim yaşatmalıyıq!”

Müraciətlər Zahidanda törədilmiş qanlı terror hadisəsi ilə əlaqədar Həzrət Ayətullah Xameneinin başsağlığı müraciəti

İran İslam Respublikasının Ali Məqamlı Rəhbəri Həzrət Ayətullah Xamenei Zahidanda törədilmiş qanlı terror aktı ilə əlaqədar ünvanladığı başsağlığı müraciətində bəzi müdaxiləçi dövlətlərin yürütdüyü siyasətin ssenari müəlliflərinin, habelə onların kəşfiyyat orqanlarının müsəlmanlar arasında fitnə-fəsad və qardaş qırğınının yaradılmasında əli olduğuna işarə etmişdir. Ali Məqamlı Rəhbər xalqı ayıq-sayıq olmağa çağırmış, hökumət nümayəndələrinə ardıcıl surətdə ciddi fəaliyyət göstərməyi, milli və İslami birliyi qoruyub-saxlamaqla düşmənlərin qurduğu məkrli planlara qarşı kifayət qədər diqqətli olmağı təkidlə tövsiyə etmişdir.

Mərasimlər İİR-ın Ali Məqamlı Rəhbərinin iştirakı ilə Ummul-əimmənin (s.ə) xatirəsinə həsr edilmiş matəm mərasimi

İki aləmin seçilmiş xanımı, Siddiqeyi-Tahirə Həzrət Fatimeyi-Zəhranın (s.ə) şəhid olduğu gecə imam Xomeyni (r.ə) adına hüseyniyyə İran İslam Respublikasının Ali Məqamlı Rəhbəri Həzrət Ayətullah Xameneinin, habelə xalqın müxtəlif təbəqələrinin və dövlət nümayəndələrinin iştirakı ilə keçirilən Ummul-əimmənin xatirəsinə həsr edilmiş hüzn və kədərlə dolu əza mərasiminin şahidi oldu.

Görüşlər Pakistan və Əfqanıstan prezidentləri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün axşam Pakistan və Əfqanıstan respublikalarının ölkə başçıları ilə görüşündə hər üç qonşu ölkənin İİR-ın iştirakı ilə üçtərəfli görüşün keçirilməsinə qəti surətdə ehtiyac duyduğunu bildirərək xatırlatdı: “Biz üçtərəfli razılaşmanın əldə olunmasının qəti tərəfdarıyıq. Əminik ki, hər üç ölkənin prezidentlərinin səyi və səmimiyyəti sayəsində əldə olunmuş razılaşmalar gözlənilən müsbət nəticələri mütləq verəcək”.

Görüşlər Şəhidlərin əziz ailə üzvlərindən bir qrupu ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün axşam Pakistan və Əfqanıstan respublikalarının ölkə başçıları ilə görüşündə hər üç qonşu ölkənin İİR-ın iştirakı ilə üçtərəfli görüşün keçirilməsinə qəti surətdə ehtiyac duyduğunu bildirərək xatırlatdı: “Biz üçtərəfli razılaşmanın əldə olunmasının qəti tərəfdarıyıq. Əminik ki, hər üç ölkənin prezidentlərinin səyi və səmimiyyəti sayəsində əldə olunmuş razılaşmalar gözlənilən müsbət nəticələri mütləq verəcək”.

Müraciətlər Hərbi Tribunal tərəfindən 80 nəfər məhkumun əfvi və cəzasının yüngülləşdirilməsi barədə fərman verildi

İran İslam Respublikasının Ali Məqamlı Rəhbəri Həzrət Ayətullah Xamenei Xürrəmşəhrin fəth olunması kimi tarixi bir hadisənin ildönümü münasibətilə Hərbi Tribunal tərəfindən mühakimə olunmuş 80 nəfər hərbi dustağın əfv edilməsi və cəzasının yüngülləşdirilməsi haqqında fərman imzalamışdır.

Mərasimlər İlahiyyatçı alim, möhtərəm fəqih, ziyalı arif Ayətullahul-üzma Behcətin xatirəsini anma mərasimi

Dünya şiələrinin dünyadan köçmüş mərceyi-təqlidi, ruhani alim, dəyərli və möhtərəm fəqih, ziyalı arif Ayətullahul-üzma Behcətin nəcib ruhuna Allah-Taaladan rəhmət diləmək, onun əziz xatirəsini anmaq məqsədilə İran İslam Respublikasının Ali Məqamlı Rəhbəri Həzrət Ayətullah Xamenei tərəfindən bu gün səhər imam Xomeyni (r.ə) hüseyniyyəsində İslam İnqilabı Rəhbərinin şəxsən özünün iştirakı ilə mərasim keçirildi.

Müraciətlər İran İslam Respublikasının Ali Məqamlı Rəhbəri Həzrət Ayətullah Xameneinin Kürdüstan vilayətinə səfəri ilə bağlı Ali Məqamlı Rəhbərlik Baş İdarəsinin bəyanatı

Əzəmətli iman, qəhrəmanlıq və müdriklik diyarı, başdan-başa mədəniyyət, incəsənət və ədəbiyyat məskəni, safqəlbli, nəcib və sədaqətli insanlar yurdu olan Kürdüstan son günlər ərzində İslam İnqilabının Ali Məqamlı Rəhbərini yüksək səviyyədə, böyük qonaqpərvərliklə qarşılamaqla hələ uzun müddət yaddaşlarda qalacaq günlər yaşadı. Şiə və sünnilərin bərəkətli vəhdəti tamamilə aşkar olan bütöv bir həqiqəti əks etdirdi. Bu həqiqət ondan ibarətdir ki, İranda yaşayan bütün etnik qruplar vahid bir xalqın – “birlik, hamılıqla iştirak, məlumatlılıq və uzaqgörənlik” kimi keyfiyyətləri özündə birləşdirən, bu əziz və vüqarlı məmləkətin parlaq gələcəyinin qarantı olan bir millətin ayrılmaz tərkib hissələridir.

Görüşlər Kürdüstan səfərini başa vuran İslam İnqilabının Rəhbəri Tehran şəhərinə dönmüşdür