Xəbərlər
İslam İnqilabının Rəhbəri Kuba Respublikasının prezidenti ilə görüşdü
İslam İnqilabının Ali Rəhbəri Həzrət Ayətullah Xamenei bu gün günortadan sonra Kuba Respublikasının prezidenti cənab Migel Diaz Kanel və onu müşayiət edən nümayəndə heyəti ilə görüşdə hər iki ölkənin zəngin siyasi-iqtisadi imkanlara malik olduğunu vurğuladı: “ABŞ və eyni mövqedə olan Qərb dövlətlərinin hegemonluğuna qarşı beynəlxalq kualisiya və birlik yaradılmasında bu imkanlardan istifadə edilməlidir”.
İslam İnqilabının Rəhbəri minlərlə bəsici ilə görüşdü
İslam İnqilabının Ali Rəhbəri bu gün səhər ölkənin dörd bir tərəfindən toplaşmış minlərlə bəsici ilə görüşdə qeyd etdi ki, İmam Xomeyninin (r.ə) Bəsici yaratmaqda məqsədi İranın təhdidlər və təhlükələrə qarşı müqavimətini maksimum dərəcəyə çatdırmaq olmuşdur.
Ali Baş Komandan Hərbi Dəniz Qüvvələrinin komandanlarından bir qrupu ilə görüşdü
Ali Baş Komandan Həzrət Ayətullah Xamenei bu gün günorta ordunun baş komandanı və İslam Respublikasının Hərbi Dəniz Qüvvələrinin komandanlarından bir qrupu ilə görüşdə HDQ-nin böyük imkanlarının olduğunu, xüsusilə iqtisadiyyatın dənizmərkəzli siyasətlərinin icrası istiqamətində bu qüvvələrin böyük imkanlara malik olduğunu qeyd edərək ölkənin və dövlətin iqtidarını, cəmiyyətdə ümid və ruh yüksəkliyini artırmaq məqsədilə yeni imkanların kəşf edilməsinin zəruriliyini vurğuladı.
İnqilabın Rəhbəri Hançjou Asiya və Para-Asiya oyunlarının medalçıları ilə görüşdü
İslam İnqilabının Rəhbəri bu gün səhər Hançjou Asiya və Para-Asiya oyunlarının medalçılarını, digər qəhrəmanlar, idmançılar, idman sahəsinin fəalları və veteranlarından bir qrupu ilə səmimi görüşdə ölkə idmançılarına, qürur gətirən məşqçilərə dərindən təşəkkür edərək onların idman arenalarındakı hörmətə layiq davranışlarının İran xalqının parlaq simasının təzahürü olduğunu dedi.
Ali Baş Komandanın SEPAH-ın Aerokosmik Qüvvələrinin sərgisini ziyarət etdi
Ali Baş Komandan Həzrət Ayətullah Xameneinin bu gün (bazar günü) səhər Aşura Aerokosmik Elmlər və Fənlər Universitetində İslam İnqilabının Keşikçiləri Korpusunun Aerokosmik Qüvvələrinin son nailiyyətlərinin nümayiş etdirildiyi sərgidə 1,5 saatlıq iştirakı oldu.
İslam İnqilabının Rəhbəri İraqın baş naziri ilə görüşdü
İslam İnqilabının Ali Rəhbəri Həzrət Ayətullah Xamenei bu gün (bazar ertəsi) günortadan qabaq İraqın baş naziri cənab Şiya əl-Sudani və onu müşayiət edən nümayəndə heyəti ilə görüşdə İraq hökuməti və xalqına Qəzza əhalisinə dəstək hərəkatında tutduğu güclü və yaxşı mövqeyə görə təşəkkürünü bildirərək Qəzza əhalisinə qarşı həyata keçirilən qırğınları dayandırmaq üçün İslam dünyasının ABŞ və sionist rejimə qarşı siyasi təzyiqlərini artımasının zəruri olduğunu vurğuladı: “İraq dövləti regionun mühüm dövlətlərindən biri kimi bu sahədə xüsusi rol ifa edə, ərəb və İslam dünyasında yeni bir xətt yarada bilər”.
HƏMAS-ın siyasi bürsonun sədri İnqilabın Rəhbəri ilə görüşdü
HƏMAS-ın siyasi bürosunun rəhbəri cənab İsmail Həniə və onu müşayiət edən nümayəndə heyəti İslam İnqilabının Ali Rəhbəri Həzrət Ayətullah Xamenei ilə görüşdü.
İslam İnqilabının Rəhbəri minlərlə şagird və tələbə ilə görüşdü
İslam İnqilabının Ali Rəhbəri bu gün səhər minlərlə şagird və tələbə ilə görüşdə ABŞ-ın İran xalqına qarşı düşmənçiliyinin səbəblərinə aydınlıq gətirərək sionistlərin və amerikalıların Qəzzada törətdikləri faciələrin tarix boyu analoqunun olmadığını vurğuladı.
İslam İnqilabının Aliməqamlı Rəhbəri Lorestan bölgəsinin şəhidlərinin anım konqresinin üzvləri ilə görüşüdü
İslam İnqilabının Aliməqamlı Rəhbəri bu gün səhər saatlarında Lorestan bölgəsinin 6555 şəhidinin anım konqresinin üzvləri ilə görüşündə zülmə məruz qalan Qəzza əhalisinin sionist rejiminin davamlı cinayətləri qarşısında dözüm və iqtidarına işarə edərək dedi: “Ağır yara alan və çökən işğalçı rejim hal-hazırda fələstinli döyüşçülərin vurduğu həlledici zərbənin intiqamını Qəzza əhalisindən almaqdadır.
İslam İnqilabının Rəhbəri elit və yüksək elmi istedadı olan şəxslərlə görüşdü
İslam İnqilabının Ali Rəhbəri bu gün səhər ölkənin minlərlə yüksək elmi istedadlı elitası ilə görüşdə onlardan yeni və innovativ bir elmi hərəkət, elmi-akademik mərkəz və mühitlərdə innovativ fəaliyyətlərin yeni bir fəslinə keçid edilməsini istədi.
İnqilabın Rəhbəri Nigeriya İslami Hərəkatının lideri ilə görüşdü
İslam İnqilabının Ali Rəhbəri Həzrət Ayətullah Xamenei bu gün günortadan əvvəl Nigeriya İslami Hərəkatının lideri İbrahim Zəkzaki və həyat yoldaşı ilə görüşdə ona və ailəsinə göstərdikləri mücadilələrə görə təşəkkür edərək, genişmiqyaslı planların olmasına baxmayaraq, İslamın dünyada günbəgün artmaqda olan qüdrətinin mücadilələrin nəticəsi olduğunu dedi.
İslam İnqilabının Rəhbəri sərəncam imzaladı
İslam İnqilabının Ali Rəhbəri Həzrət Ayətullah Xameneinin sərəncamı ilə Höccətül-İslam Seyid Əliəkbər Ocaqnəjad Müqəddəs Cəmkəran Məscidinə rəhbər təyin edildi.
Ali Baş Komandan SQ-in müdavimlərinin birgə buraxılış mərasimində iştirak etdi
İslam İnqilabının Rəhbəri Ali Baş Komandan bu gün səhər Silahlı Qüvvələrin hərbi akademiyalarının müdavimlərinin birgə təşkil etdikləri buraxılış tədbirində bu qüvvələrin təhlükəsizlik, izzət və milli kimlik qalası olduğunu vurğulayaraq fələstinli gənclərin son qəhrəmanlığı sayəsində sionist rejimin bərpası mümkün olmayan məğlubiyyətə uğradığını dedi: “Bu dağıdıcı tufanı yaradan amil qondarma qəsbkar rejimin Fələstin xalqına qarşı dayanmadan zülm etməsi, cinayətlər törətməsi və yırtıcı hərəkətlər etməsi olmuşdur.
İnqilabın Rəhbəri dövlətin məsul işçiləri və İslam ölkələrinin səfirləri ilə görüşdü
İslam İnqilabının Rəhbəri peyğəmbərlərin sonuncusu Həzrət Muhəmməd (s) və İmam Cəfər Sadiqin (ə) mübarək mövlud ildönümü münasibətilə dövlətin məsul işçiləri, İslam ölkələrinin səfirləri, “Vəhdət konfransı”nın qonaqları, cəmiyyətin ayrı-ayrı təbəqələrindən olan bir qrup şəxslə görüşdə qeyd etdi ki, hegemon dövlətlərin Qurani-Kərimə qarşı təhqir planlarını həyata keçirməsinin səbəbi onların bu ilahi kitabın təlimlərindən qorxmasıdır.
İnqilabın Rəhbəri Müqəddəs Müdafiənin müxtəlif sahələrinin minlərlə fəalı ilə görüşdü
İslam İnqilabının Ali Rəhbəri bu gün səhər Müqəddəs Müdafiənin və məcburi müharibənin ayrı-ayrı cəhətləri ilə bağlı maarifləndirmə işləri aparan minlərlə qabaqcıl və aparıcı fəalla görüşdə Müqəddəs Müdafiənin əzəmətini göstərən ayrı-ayrı məsələlərdən danışaraq İran xalqının o ağır qarşıdrumadan sonrakı qələbə səkisi üzərindəki nailiyyətləri, ərazi bütövlüyünün qorunması, İran xalqının imkan və potensiallarının üzə çıxması, ölkənin qeyri-coğrafi sərhədlərinin genişlənməsi, müqavimət məfhumu və mədəniyyətinin ölkə daxilində və dünyadakı inkişafı və istehkamının bütün iranlıların beynəlxalq quldurlar cəbhəsi və mənfur Səddamla mübarizəsinin nəticələrindən olduğunu vurğuladı: “Müqəddəs Müdafiədə ölkə gənclərinin istedadlarının çiçəklənməsi, güc və təşəbbüskarlıqlarının parlaması göstərdi ki, gənclər ölkənin bütün problmelərini həll etməyə qadirdirlər”.
İslam İnqilabının Ali Məqamlı Rəhbəri tələbələrin Ərbəin mərasimində iştirak etdi
Bu gün səhər saatlarında İslam İnqilabının Ali Məqamlı Rəhbərinin iştirakı ilə tələbə heyətlərinin “Ərbəin” mərasiminə həsr edilmiş izdihamlı matəm məclisi keçirildi. Bu mərasimdə Həzrət Əba Əbdillah Hüseyn (ə) və onun vəfalı dostlarına həsr edilmiş mərsiyələr və “Ərbəin ziyarətnaməsi” oxundu.
Bir qrup məktəblinin “Ərbəin yürüşü” ilə bağlı sualına İslam İnqilabının Ali Məqamlı Rəhbərinin cavabı
Son bir neçə gündə Tehran məktəblərindən birinin şagird və məzunlarından bir qrupu Kərbəlaya Ərbəin ziyarətinə yola düşməzdən əvvəl Həzrət Ayətullah Xameneiyə məktub ünvanlayaraq, ondan Ərbəin yürüşündə iştirakın daha bərəkətli olması üçün tövsiyələr verməsini rica etmişdilər.
İslam İnqilabının Rəhbəri prezident və Nazirlər Kabinetinin üzvləri ilə görüşdü
İslam İnqilabının Ali Rəhbəri bu gün səhər prezident və Nazirlər Kabinetinin üzvləri ilə görüşdə hökumətin bəzi sahələrdə, o cümlədən infrastruktur, makroiqtisadi parametrlərin inkişafı və xarici siyasət sahəsindəki yaxşı və güclü fəaliyyətini yüksək qiymətləndirərək təşəkkür etdi: “Hökumətin tərifəlayiq əsaslı işlərinin olmasına rəğmən, təəssüflər olsun ki, məişət problemləri bir toz kimi hökumətin həyata keçirdiyi əsaslı işləri görməyə mane olur. İkirəqəmli inflyasiya mümkün qədər azaldılmalı, ədalət, sosial təbəqələr arasındakı məsafələrin azaldılması, bazarın stabilliyi, inflyasiyanın azaldılması, valyuta və istehsalın artım qiymətinin sabitləşdirilməsi hökumətin bütün qərar və tədbirlərində, o cümlədən yeddinci inkişaf proqramında tam şəkildə diqqət mərkəzində olmalıdır”.
