İslam İnqilabının Ali Rəhbəri Həzrət Ayətullah Xamenei bu gün cümə axşamı səhər Tehran Universitetinə gələrək HƏMAS-ın siyasi bürosunun rəhbəri şəhid İsmail Haniə və silahdaşı şəhid Vəsim Əbu Şəbana cənazə namazı qıldı.
İslam İnqilabının Ali Rəhbəri Həzrət Ayətullah Xamenei HƏMAS-ın siyasi bürosunun rəhbəri, böyük mücahid cənab İsmail Həniənin şəhadəti münasibətilə verdiyi başsağlığı mesajında İslam ümmətinə, müqavimət cəbhəsinə və şərəfli Fələstin xalqına bu cəsur rəhbər və tanınmış mücahidin şəhadəti münasibətilə başsağlığı verdi: “Cinayətkar və terrorçu sionist rejim bu addımı ilə ağır cəza almaq üçün zəmin yaratdı. Cənab İsmail Həniə İran İslam Respublikasının ərazisində şəhid edildiyi üçün onun qisasını almağı özümüzə borc bilirik”.
İslam İnqilabının Ali Rəhbəri Həzrət Ayətullah Xamenei bu gün günortadan sonra Yəmənin Ənsarullah təşkilatının sözçüsü cənab Məhəmməd Əbdüs-səlamla olan qısa görüşdə Ənsarullahın lideri cənab Əbdülməlik Bədrəddinə salam göndərdikdən sonra Yəmən xalqına müqavimətinə və məzlum Qəzza əhalisinə verdiyi dəstəyə görə təşəkkürünü bildirdi.
İslam İnqilabının Ali Rəhbəri Həzrət Ayətullah Xamenei bu gün günortadan sonra Livan Hizbullahının baş katibinin müavini Höccətül-İslam vəl-müslimin Nəim Qasim ilə görüşdə “Əl-Əqsa fırtınası” əməliyyatı başlandığı gündən bu vaxta qədər Hizbullahın apardığı siyasətin tamamilə tədbirli, rasional və məsləhətə uyğun bir siyasət olduğunu vurğuladı: “İstiqamətin davamı da eyni çərçivədə olmalıdır”.
İslam İnqilabının Ali Rəhbəri Həzərt Ayətullah Xamenei bu gün günortadan sonra İraqın baş naziri cənab Məhəmməd Şiya Əs-Sudani və onu müşayiət edən nümayəndə heyəti ilə görüşdə xalqın və hökumətin onlarla milyonluq Ərbəin yürüşünü daha əzəmətli və arzuolunan səviyyədə keçirmək üçün göstərdikləri səy və fəaliyyətləri yüksək qiymətləndirərək İran İslam Respublikası ilə İraq arasında əldə edilmiş işgüzar sazişlərin izlənməsinin və başa çatdırılmasının iki dövlətin əlaqələrinin yeni dövr prioritetlərindən olduğunu dedi.
İslam İnqilabının Ali Rəhbəri Həzrət Ayətullah Xameneinin bu gün (çərşənbə axşamı) günortadan əvvəl HƏMAS-ın siyasi bürosunun rəhbəri cənab İsmail Həniə və Fələstin İslami Cihad Hərəkatının baş katibi Ziyad ən-Nəxalə ilə görüşdə Qəzzanın məzlum əhalisinin misilsiz müqavimətini yüksək qiymətləndirərək dedi: “Bu gün İslamın ən uca bayrağı Fələstin xalqı və Qəzza əhalisinin əlindədir. Bu müqavimət sayəsində İslamın əvvəlkindən daha çox yayılmasına zəmin yaranmışdır”.
İslam İnqilabının Ali Rəhbəri Həzrət Ayətullah Xamenei bu gün (çərşənbə axşamı) səhər Tacikistanın Prezidenti cənab İmoməli Rəhmon və onu müşayiət edən nümayəndə heyəti ilə görüşdə qeyd etdi ki, İran İslam Respublikasının siyasəti və əsas prioritetinin region dövlətləri, xüsusilə eyni dildə danışan, ortaq mədəniyyət, tarixə və dinə malik olan dövlətlərlə olan əlaqələri inkişaf etdirməkdir: “İran İslam Respublikası keçmişdə olduğu kimi, Tacikistanla müxtəlif sahələrdə səmimi əməkdaşlıq etməyə hazırdır”.
İslam İnqilabının Ali Rəhbəri Həzrət Ayətullah Xamenei bu gün səhər təşkil edilən mərasimdə Konstitusiyasının 110-cu maddəsinin 9-cu bəndinə əsasən, İran xalqının doktor Məsud Pezeşkiyana verdiyi səsi təsdiq edərək onu İran İslam Respublikasının prezident təyin etdi.
İslam İnqilabının Rəhbərinin 15 may 2024-cü il tarixində “Tehran Əyalətinin Şəhidlər Konqresi”nin təşkilatçıları ilə görüşdə verdiyi bəyanat bu gün axşam 25 iyul 2024-cü il tarixində cümə axşamı İmam Xomeyninin (ə) pak hərəmində konqresin keçirildiyi yerdə yayımlandı.
İslam İnqilabının Ali Rəhbəri bu gün səhər parlamentin sədri və nümayəndələri ilə görüşdə parlamentin cavabdehliyinin zəruriliyi, parlamentlə yeni hökumət arasında konstruktiv qarşılıqlı fəaliyyət, mühüm məsələlərdə ölkənin əsas dayaqlarından vahid səsin eşidilməsi, parlament müzakirələrində və nümayəndələrin digər fəaliyyətlərində etik qaydaların rəhbər tutulması, qanunvericilik aktlarında olmalılar və olmamalılar, ifrat və təfritsiz monitorinq, nümayəndələrin fəaliyyətinin monitorinqi üzrə kollegiyanın səmərəli fəaliyyəti, qlobal məsələlərdə və xarici siyasətdə parlamentin ciddi iştirakı kimi 8 mühüm məsələni qeyd edərək seçilmiş prezident və parlamentin ortaq məsuliyyət hissi əsasında mömin, məhsuldar, inqilabçı, gələcəyə ümidli, təmizliyi və dürüstlüyü ilə tanınan, milli baxışı, İslam Respublikasına dərin inancı olan, əqidəli insanlardan ibarət bir heyətin formalaşaraq ölkəni və xalqı idarə edəcəklərinə ümidvar olduğunu dedi.
Abidlərin zinəti Həzrət İmam Səccadın (ə) şəhadət gecəsi İslam İnqilabının Ali Rəhbəri və İmam Hüseyn (ə) əzadarlarından bir qrupunun iştirakı ilə İmam Xomeyni (r.ə) adına hüseyniyədə Həzrət Əba Əbdillaha (ə) həsr edilmiş matəm mərasiminin sonuncu gecəsi keçirildi.
Allahın ailəsinin matəm və hüzn gecəsi olan Şami-qəriban axşamı Həzrət Əbaəbdillahı (ə) və onun ailəsini sevən xalqın bir qrup nümayəndəsi İmam Xomeyni (r.ə) adına hüseyniyəyə toplaşaraq İslam İnqilabının Ali Rəhbərinin iştirakı ilə matəm keçirdi.
İslam İnqilabının Ali Rəhbəri və şəhidlər sərvərinin (ə) bir qrup əzadarının iştirakı ilə bu axşam (bazar ertəsi) İmam Xomeyni (r.ə) adına hüseyniyədə “Hüseyn (ə) Aşurasının axşamı” adlı matəm mərasimi keçirildi.
İslam İnqilabının Ali Rəhbəri və bir qrup Hüseyn əzadarının iştirakı ilə İmam Xomeyni (r.ə) adına hüseyniyədə Hüseynin Tasua axşamına həsr edilmiş əzadarlıq mərasimi keçirildi.
İnqilabın Rəhbəri və bir qrup Hüseyn əzadarının iştirakı ilə İmam Xomeyni (r.ə) adına hüseyniyədə Həzrət Əbaəbdillah Hüseynə (ə) həsr edilmiş matəm mərasiminin ikinci gecəsi keçirildi.
İslam İnqilabının Rəhbərinin iştirakı ilə İmam Xomeyni (r.ə) adına hüseyniyədə Həzrət Əbaəbdilah Hüseynə (ə) həsr edilmiş matəm mərasiminin birinci gecəsi keçirildi.
İslam İnqilabının Ali Rəhbəri Həzrət Ayətullah Xameneinin hökmü ilə Höccətül-İslam hacı Şeyx Əhməd Mütəhhəriəsl Vəliyyi-fəqihin Şərqi-Azərbaycan əyaləti üzrə yeni nümayəndəsi və Təbrizin İmam-cüməsi təyin edildi.
İslam İnqilabının Rəhbəri bu gün səhər prezidentin səlahiyyətlərini icra edən cənab Müxbir və on üçüncü hökumətin üzvləri ilə görüşdə qeyd etdi ki, xalq kütlələrinin (elit və xüsusi adamların deyil) problemlərinin həlli üçün dayanmadan səy göstərmək, daxili imkanlara dərin inam, dini və inqilabi mövqelərini açıq şəkildə ifadə etmək, yorulmamaq, ümidsizliyə qapılmamaq, xarici siyasətdə qarşılıqlı fəaliyyətə və ləyaqətə hörmət, böyük planlar həyata keçirmək üçün çalışmaq, təvazökarlıq, dözümlülük, mənəviyyat, zikr və təvəssül şəhid Rəisinin üstün fərdi və fəaliyyət xüsusiyyətlərindən idi: “Əziz Rəisi bir nümunə və meyar olaraq göstərdi ki, ölkə başçısı kimi bu intellektual, mənəvi və əməli keyfiyyətlərə malik olmaq və əməldə onları izləmək olar”.