Xəbərlər
Hərbi Hava Qüvvələrinin komandirləri və hərbi işçiləri ilə görüş
İslam İnqilabının Rəhbəri Həzrət Ayətullah Xamenei bu gün İİR-nın Hərbi Hava Qüvvələrinin komandirləri ilə hərbi işçilərin çoxsaylı qrupu ilə görüşündə İran xalqının Allaha iman, milli özünəinam hissini qoruma və elmi-əməli səyləri ilə yetişdiyi 30 illik inanılmaz inkişafına və nəzərə çarpan yüksək irəliləyişlərinə işarə edərək bildirdi: «İran xalqının hər il həvəslə və sarsılmaz əzmlə iştirak etdiyi genişmiqyaslı 22 Bəhmən yürüşləri bu xalqın İslam İnqilabının hədəflərinə səbr və dözümlə sadiq qalmalarının və milli dirçəlişin təzahürüdür. Builki 22 Bəhmən yürüşü də Allahın köməkliyi ilə milli nümayişin əzəmətli bir görüntüsü olacaqdır».
Hövzə rəhbəri, Ali Şura üzvləri və Qum Elmi Hövzəsinin müdiriyyəti ilə görüş
İslam İnqilabının Rəhbəri Həzrət Ayətullah Xamenei bu gün Hövzənin (1) rəhbəri, Ali Şura üzvləri və Qum Elmi Hövzəsinin müdiriyyəti ilə görüşündə Elmi Hövzələri daha yüksək və zəngin mənbə hesab edərək qeyd etdi: «Müasir tələblərə cavabvermə, planların qurulması və reallaşdırılması Hövzədə elə dərin və əhatəli formada qurulmalıdır ki, bunun nəticəsində cəmiyyət və ruhaniliyə öncəkindən daha artıq xidmət edilsin».
Diktator rejimlərin həbsxanasından azad olan bir qrup məhbusla görüş
İslam İnqilabının Rəhbəri Həzrət Ayətullah Xamenei diktator rejimlərin həbsxanasından azadlığa çıxan bir qrup məhbusla görüşü zamanı acınacaqlı və cansıxıcı əsirlik dövrlərinə toxunaraq xatırlatdı: «Siz həbsxanada göstərdiyiniz müqavimət və səbrinizlə İslamın əzəmətli və dünyəvi dirçəliş hərəkatını çox irəliyə apardınız. Eyni zamanda sizin müqavimətinizin hər bir anı Allah yanında böyük dəyərə və gözəl mükafata malikdir».
HƏMAS siyasi şöbəsinin rəhbəri ilə görüş
Bu gün günorta İslam İnqilabının Rəhbəri HƏMAS siyasi şöbəsinin rəisi cənab Xalid Məşəli qəbul etmişdir. Bu görüşdə Xalid Məşəl 22 günlük Qəzza müharibəsi, İslami Müqavimət Təşkilatının qələbəsi və bu müharibənin siyasi gedişinə dair məlumat vermişdir.
Ölkənin 20 illik inkişaf proqramının rəsmi sənədi əsasında hazırlanan beş illik inkişaf proqramının əsas öhdəlikləri
İİR-nın Ali Məqamlı Rəhbəri Həzrət Ayətullah Xamenei İİR-nın prezidenti cənab Əhmədi Nejada beşillik inkişaf proqramının əsas öhdəliklərini yazılı surətdə açıqlamışdır. Bu öhdəliklər ölkənin 20 illik inkişaf proqramının rəsmi sənədi, habelə ədalət və tərəqqi prinsipi əsasında müəyyən edilmişdir. 45 bənddən ibarət olan bu öhdəliklər ölkənin mədəniyyət, təhsil, texnologiya, iqtisadiyyat, siyasət, milli təhlükəsizlik və hərbi sahələrini əhatə etmişdir. Ali Dini Rəhbər beşillik inkişaf proqramının əsas öhdəliklərini özündə əks etdirən sənədi ölkə prezidenti ilə yanaşı İslam Şurası Məclisinin sədri, Məhkəmə Hakimiyyəti başçısı və Qurum Məsləhətini Müəyyənləşdirən Təşkilatın sədrinə göndərmişdir.
Qum şəhərinin sakinləri ilə görüş
Bu gün səhər Qum şəhərinin minlərlə sakini ilə görüşən İslam İnqilabının Rəhbəri Həzrət Ayətullah Xamenei məzlum Qəzza əhalisinin, uşaqların və qadınların sionistlər tərəfindən qətli-amını misli görünməmiş dəhşətli bir faciə adlandıraraq dedi: “İsrail və Amerikanın bu qorxunc cinayətləri törətməkdə əsas məqsədi müsəlmanların müqavimətini sındırmaq və Yaxın Şərqin ən mühüm regionunu ələ keçirməkdir. Lakin Allahın fəzli, fələstinli döyüşçülərin qətiyyətli əzmi və cani-dildən müdafiəsi, xalqın həqiqi ayıq-sayıqlığı və aktivliyi sayəsində bu hadisələr sonda haqqın batil üzərində qələbəsi ilə nəticələnəcək”.
Həzrət Ayətullah Xameneinin Tehran Universitetinin ərazisində beş şəhidin dəfni ilə əlaqədar buyurduqları
İslam İnqilabının Rəhbəri Həzrət Ayətullah Xamenei Tehran Universitetinin rektoruna və vəliyyi-fəqihin Tehran Universitetindəki nümayəndəliyinin rəhbərinə yazdığı məktubda müqəddəs hərbi müdafiə şəhidləri olan beş naməlum döyüşçünün universitet ərazisində dəfn olunması ilə bağlı məktub yazmışdır.
İraqın baş naziri ilə görüş
İslam İnqilabının Rəhbəri bu gün səhər İraq Respublikasının baş naziri ilə görüşdə təkidlə vurğuladı: “Ölkədaxili müxtəlif məzhəb və millətlərlə əlaqələrin genişləndirilməsi, xalqa olan dərin inam və etibar, qonşu ölkələrlə qarşılıqlı münasibətlərin daha da möhkəmləndirilməsi və dərinləşdirilməsi – bütün bunlar İraq dövlətçiliyinin qüdrəti və əbədiliyi üçün zəruri olan həqiqi amillərdir. İraq hökuməti öz məqsədlərinə çatmaq üçün bu amillərə dayaq nöqtəsi kimi baxmalı, eyni zamanda İraq xalqının dini etiqadını, cəsarət və qürurunu özü üçün böyük bir sərmayə hesab etməlidir”.
İİR-nın Ali Dini Rəhbəri Həzrət Ayətullah Xameneyinin həcc mərasiminin təşkilatçıları ilə görüşü
Bu gün günorta həcc mərasiminin təşkilatçıları ilə görüşən İslam İnqilabının Rəhbəri Həzrət Ayətullah Xameneyi dedi: «Təşəbbüs və proqramlar elə hazırlanmalıdır ki, həccin həqiqi siması ötən illərlə müqayisədə daha da parlaq olsun».
Mübarək Qədir-Xum bayramı münasibətilə bir sıra məhbusların əfvi və cəzasının yüngülləşdirilməsi
İslam İnqilabının Rəhbəri Həzrət Ayətullah Xamenei ümumi və inqilab məhkəmələri, hərbi tribunallar və inzibati orqanlar tərəfindən mühakimə olunmuş 1874 nəfər məhkumun əfv olunması və cəzasının yüngülləşdirilməsi haqqında çıxarılan qərarla razılaşdığını bildirdi.
Qədir-Xum bayramı münasibətilə xalqın müxtəlif təbəqələri ilə görüş
İslam İnqilabının Rəhbəri Həzrət Ayətullah Xamenei bu gün səhər xalqın müxtəlif təbəqələrindən ibarət minlərlə vətəndaşın qarşısında İslam hökumətinin əhəmiyyətli məsələ olması və əsil İslam hökuməti nümunəsinin açıqlanmasını Qədir-Xum hadisəsinin böyük bir dərsi kimi təqdim edərək dedi: “Şiəlik Qədir-Xum hadisəsi ilə bağlı öz parlaq və əsası möhkəm olan inancını qorumaqla yanaşı bu inancın İslam dünyasında təfriqə və ixtilafa yol açmasına da imkan verməyəcək”.
Elm və Sənaye Universitetinin minlərlə tələbəsi ilə görüş
İslam İnqilabının Rəhbəri Həzrət Ayətullah Xamenei bu gün səhər Elm və Sənaye Universitetinin minlərlə tələbəsi qarşısında etdiyi çıxışda tələbə fəaliyyətinin müxtəlif sahələrini və xüsusiyyətlərini açıqlayaraq, universitetləri "elm və təhqiqat" və "müqəddəs amallar uğrunda mübarizə” ocağı kimi dəyərləndirdi və qeyd etdi: “Əgər millət və dövlətin vəzifəli şəxsləri ölkəmizdəki İslam quruluşunu öz həqiqi simasında qoruyub saxlaya bilsələr, heç bir düşmən bu ölkəyə zərbə vura bilməz".
Ekvador Respublikasınnın prezidenti Rafael Korrea ilə görüş
İİR-nın Ali Məqamlı Rəhbəri Həzrət Ayətullah Xamenei bu gün Ekvador Respublikasının prezidenti Rafael Korrea və onu müşayiət edən nümayəndə heyəti ilə görüşündə İran millətinin maraq və hüquqlarına dair ölkələrin müqavimətini yeganə tərəqqi yolu kimi qiymətləndirərək qeyd etdi: "Bu müqavimətin şücaətli rəhbərlərə ehtiyacı var və Latın Amerikasında belə rəhbərlər mövcuddur".
Tanınmış elm xadimləri və universitet müəllimlərinin böyük bir qrupu ilə görüş
İslam İnqilabının Rəhbəri Həzrət Ayətullah Xamenei bu gün görkəmli elm xadimləri və universitetlərdə çalışan müəlimlərin böyük bir qrupu ilə görüşündə elmi tərəqqini ölkə üçün həyati əhəmiyyət daşıyan zəruri bir məsələ adlandıraraq təkidlə qeyd etdi: “Bu elmi tərəqqi ölkədaxili intelektual potensiala əsaslanmalı, həmçinin özünəinam, optimizm və cihad hərəkatı ilə yanaşı həyata keçirilməlidir”.
Hərbi Dəniz Qüvvələrin ordu müavini və komandiri ilə görüş
İslam İnqilabının Rəhbəri Həzrət Ayətullah Xamenei bu gün Hərbi Dəniz Qüvvələrinin ordu müavini və komandiri ilə görüşündə işğalçı qüvvələrin təzyiqinə baxmayaraq İranın inkişaf yolunda qazandığı dəyərli təcrübələrə işarə edərək dedi: “Bu ölkə Allaha təvəkkül edərək var-qüvvəsi ilə bütün imkanlarından istifadə etməklə artıq bu gün elə bir qüdrətli məntəqəyə çevrilmişdir ki, hətta düşmənlər belə bu həqiqəti etiraf edirlər”.
Livan prezidenti Mişel Süleyman ilə görüş
İslam İnqilabının Rəhbəri Həzrət Ayətullah Xamenei Livan Respublikasının prezidenti Mişel Süleyman və onu müşayiət edən nümayəndə heyəti ilə bugünkü görüşündə Livandakı müxtəlif qrup və tayfaların birləşməsini bu ölkənin yeganə xilas və tərəqqi yolu kimi təqdim edərək dedi: “İran İslam Respublikası bu əqidədədir ki, Livandakı bütün qruplaşmalar öz xalqının sionist rejimindən doğan təhlükəyə qarşı milli qüdrət və vəhdətinə xidmət etməlidirlər”.
İslam İnqilabının Rəbhəri namazın əhəmiyyətinə təkid ediblər
Həzrət Ayətullah Xamenei buyurublar: İslami nişanələr xüsusi ilə də, namaz islami cəmiyyətdə aşkar formada olmalı və hər yerdə ona riayət edilməlidir. İslam İnqilabının Rəhbəri çərşənbə günü 17-ci Namaz iclasında iştirak edənlər ilə görüşdə namazın düzgün formada qılınmasını və namazın ruhuna diqqətin göstərilməsini insanların və cəmiyyətlərin islah edilməsində mühüm amillərdən adlandırıblar. O Həzrət vaciblərə əməl etməyi və haramlardan çəkinməyi insanın səadətini təmin edən amillərdən adlandırıb və əlavə ediblər: Bu amillər arasında ən mühüm olanı namazdır. Namaz insanın üsyankar nəfsini cilovlayır.
Həcc sahəsində icra və mədəniyyət üzrə məsul şəxslərin İslam İnqilabının Rəhbəri ilə görüşü
İslam İnqilabının Rəhbəri həcci islami birliyin daha artıq təzahürü məqsədi ilə islami ümmət üçün qənimətli fürsət adlandırıblar. Həzrət Ayətullah Xamenei bu gün həcc sahəsində icra və mədəniyyət üzrə məsul şəxslərin o həzrətlə görüşündə bu fərziyyəni hacılar, böyük islam ümməti və İİR quruluşu üçün böyük fürsət adlandıraraq vurğulayıblar: Həcc müsəlmanlar arasında təbii və süni fərqlərə qalib gəlmək və islam dünyasında ürəklər, niyyətlər və əzmkarlıqların eyniləşməsi üçün ən yaxşı fürsətdir.