Görüşlər Mərivan şəhərinin imanlı, səmimi və qəhrəman əhalisi ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei Kürdüstana səfərinin 5-ci günü – bu gün səhər (şənbə günü) Mərivan şəhərinin imanlı, qəhrəman və mehriban əhalisi ilə olduqca həyəcanlı atmosferdə keçən görüşdə “milli qürur”u İran xalqının parlaq gələcəyində təsirli rolu olan bir amil adlandıraraq vurğuladı: “Bu möhtəşəm gələcək gənclərə məxsusdur və həmin gələcək yalnız və yalnız İslami, etnik, milli göstərişlərə arxalanmaqla, yadellilərin buyruqlarına əməl etməkdən çəkinməklə gerçəkləşəcəkdir!”

Görüşlər Həzrət Ayətullah Xamenei 4 naməlum şəhidin məzarını ziyarət etdi

Görüşlər Dövlət heyətinin üzvləri, ölkə və vilayətin müxtəlif orqanlarının səlahiyyətli nümayəndələri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün axşam respublika prezidentinin birinci müavini, dövlət heyətinin üzvləri, Kürdüstanın vilayət başçısı, Vəliyyi-fəqihin Kürdüstan bölgəsi üzrə nümayəndəsi, Kürdüstan camaatını Xubriqan Məclisində və İslami Şurada təmsil edən nümayəndələr, o cümlədən ölkənin və vilayətin müxtəlif dövlət orqanlarında çalışan məsul şəxsləri ilə keçirilən görüşdə Kürdüstan vilayətində vəziyyətin yaxşılaşması və bu vilayətin inkişaf tempinin sürətlənməsi məqsədilə təsdiq edilmiş bütün layihələrin mütəmadi şəkildə tam məsuliyyətlə həyata keçirilməsini olduqca zəruri və mühüm bir məsələ adlandırdı.

Görüşlər Ali Məqamlı Rəhbərin Sənəndəc şəhərindəki Abidər adlanan dağlıq məntəqəyə səfərindən hazırlanmış fotoalbom

Görüşlər Sənəndəcdə yaşayan üç şəhid ailəsi ilə görüş

Görüşlər Kürdüstan vilayətinin yüzlərlə qəbilə və tayfa başçısı, nüfuzlu və mötəbər şəxsləri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei Kürdüstan vilayətinə səfərinin üçüncü günündə – bu gün axşam Kürdüstan, Qərbi Azərbaycan və Kirmanşahda yaşayan yüzlərlə tayfa və qəbilə başçısı, nüfuzlu və hörmətli şəxslərlə görüş keçirdi. Səmimi bir atmosferdə və böyük canlanma şəraitində keçən bu görüşdə Ali Məqamlı Rəhbər qəbilələri İslamın, İslam İnqilabının və İranın daim sədaqətli, iftixar doğuran əsgərləri, qeyrətli, mömin və qəhrəman sərhədçiləri adlandırdı. Ali Məqamlı Rəhbər xüsusilə vurğuladı: “Allah-Taalanın yardımı, camaatın, vəzifəli şəxslərin ayıq-sayıqlığı və uzaqgörənliyi, hamının səyi və əməyi sayəsində əzəmətli İran xalqını parlaq gələcək gözləyir!”

Görüşlər Kürdüstan vilayətinin yüzlərlə görkəmli xadimi ilə görüş

Bu gün səhər İran İslam Respublikasının Ali Məqamlı Rəhbəri Həzrət Ayətullah Xameneinin Kürdüstan vilayətində yaşayan yüzlərlə tanınmış elm, ədəbiyyat, incəsənət, mədəniyyət, idman, siyasi-iqtisadi və ictimai xadimlə görüşündə bu vilayətin görkəmli xadimlərinin nümayəndələri çıxış edərək müxtəlif problemlərlə əlaqədar öz fikirlərini bildirmişlər.

Görüşlər Kürdüstan məntəqəsinin şəhid olmuş komandirlərinin ailə üzvləri ilə görüş

Bu gün axşam İran İslam Respublikasının Ali Məqamlı Rəhbəri Həzrət Ayətullah Xamenei Kürdüstan məntəqəsində qəhrəmanlıq salnaməsi yaratmış sərkərdə, qoşun başçısı və komandirlərdən bir qrupunun ailə üzvləri ilə görüşmüşdür. Başdan-başa xoş ünsiyyət və sevinc dolu atmosferdə keçən bu səmimi görüşdə şəhidlərin əziz xatirəsi dərin məhəbbətlə anıldı, İslam İnqilabının Rəhbəri bu vüqarlı ailələrin vəziyyəti ilə maraqlandı, onların qayğı və problemləri ilə yaxından tanış oldu.

Görüşlər Kürdüstan məntəqəsinin din alimləri, ruhaniləri və din elmlərini öyrənən tələbələri ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün səhər Kürdüstan məntəqəsinin din alimləri, ruhaniləri və din elmlərini öyrənən tələbələri ilə keçirdiyi görüşdə “intellektual sərvətin, informasiyanın ötürülməsi metodlarının inkişafı və çoxşaxəliliyi”ni, həmçinin “İranda İslami hökumətin varlığı”nı hazırkı dövrün iki spesifik xüsusiyyəti adlandıraraq dedi: “Alimlər və ruhanilər müasir situasiyanı lazımınca qiymətləndirməli, diqqətli olmalı, dövrün bu iki spesifik xüsusiyyətindən istifadə edərək haqq-ədalətin dirçəldilməsi, zülm, fəsad və təxribatla mübarizə işində üzərlərinə düşən ağır vəzifəni yerinə yetirməlidirlər”.

Görüşlər Kürdüstan vilayətinin şəhid və müharibə əlillərinin ailə üzvləri ilə görüş

Həzrət Ayətullah Xamenei bu gün axşam şəhidlərin və müharibə əlillərinin səbirli və başını dik tutmağı bacaran ailə üzvləri ilə görüşündə xalqın nümayəndələrinə, xüsusilə də gənclərə şəhidlərin xatirəsini uca tutaraq əbədi yaşatmağı tövsiyə etmiş, həmçinin onları hiyləgər düşmənin xalqın imanına, əqidəsinə və mədəniyyətinə etdiyi hücumlara qarşı ayıq-sayıq olmağa çağırmışdır.

Görüşlər Ali Məqamlı Rəhbər Sənəndəcdəki “Beheşte Muhəmmədi” adlı şəhidlər xiyabanını ziyarət etmişdir

Görüşlər Kürdüstan əhalisi ilə görüş

İran İslam Respublikasının Ali Məqamlı Rəhbəri Həzrət Ayətullah Xamenei Sənəndəc Azadlıq Meydanında və ətrafdakı küçələrdə toplaşmış çoxsaylı Kürdüstan əhalisi ilə görüşündə Kürdüstan camaatına təntənəli və səmimi qarşılanma mərasiminə görə öz dərin təşəkkürünü bildirdi. Sonra o, bu vilayətin imanlı, ziyalı, mədəni əhalisinin mətinliyini, ayıq-sayıqlığını və mübarizliyini yüksək qiymətləndirdiyini bildir­di. İslam İnqilabının Rəhbəri öz çıxışında milli şərəf və heysiyyətin qorunmasının zəruriliyini xüsusilə vurğulayaraq prezisdentliyə namizədliyini irəli sürmüş əməlisaleh insanların içərisindən ən yaxşısını seçməyin meyarlarını da açıqladı.

Görüşlər Kürdüstanda İslam İnqilabı Rəhbərinin qarşılama mərasimi

“İslamın, İslam İnqilabının və İranın alınmaz qalası” olan Kürdüstan diyarı bu gün İran İslam Respublikasının Ali Məqamlı Rəhbəri Həzrət Ayətullah Xameneini hədsiz sevinc və böyük şövqlə qarşıladı. Bu diyarın qəlbi sevgi ilə dolu olan mömin, qeyrətli və savadlı insanları Kürdüstanın tarixində misilsiz qəhrəmanlıq salnaməsinə imza atmış, həmçinin milli və inqilabi idealların müdafiəsi uğrunda aparılan mübarizədə sünni və şiələrin bərəkətli birliyini və həmrəyliyini mümkün olan ən gözəl formada təcəssüm etdirmişlər.

Görüşlər Ölkənin müxtəlif məntəqələrindən minlərlə tibb işçisi, müəllim və fəhlənin qatıldığı izdihamlı görüş

İran İslam Respublikasının Ali Məqamlı Rəhbəri Həzrət Ayətullah Xamenei bu gün səhər ölkənin müxtəlif məntəqələrindən olan minlərlə tibb işçisi, müəllim və fəhlənin qatıldığı izdihamlı görüşdə bu üç təbəqəni cəmiyyətin ən mühüm və təsiredici təbəqəsi adlandıraraq, habelə müxtəlif vəzifəli şəxslərin və dövlət administrasiyasının seçilməsində xalqın misilsiz və həlledici rolunu açıqlayaraq bildirdi: “Düşmənin İran İslam Respublikasında keçirilən seçkiləri qeyri-obyektiv qələmə vermək cəhdlərini boşa çıxaran əzəmətli İran xalqı prezident seçkilərində də hamılıqla və tam səmimi iştirakı ilə düşməni qəzəbləndirəcək seçimini mütləq edəcəkdir!”

Görüşlər Ermənistan Respublikasının prezidenti və onu müşayiət edən nümayəndə heyəti ilə görüş

İran İslam Respublikasının Ali Dini Rəhbəri Həzrət Ayətullah Xamenei bu gün səhər Ermənistan Respublikasının prezidenti cənab Serj Sarkisyanla keçirdiyi görüşdə iki ölkə arasındakı münasibətləri müsbət qiymətləndirərək təkidlə bildirdi: “Tehrana hazırkı səfər zamanı əldə edilmiş bütün qarşılıqlı razılaşmalara ciddi əməl olunmasına diqqət yetirin”.

Görüşlər Venesuela Respublikasının prezidenti cənab Hüqo Çavez və onu müşayiət edən nümayəndə heyətlə görüş

İslam İnqilabının Rəhbəri Həzrət Ayətullah Xamenei Venesuela Respublikasının prezidenti cənab Hüqo Çavez və onu müşayiət edən nümayəndə heyəti ilə bugünkü görüşündə Venesuelanın dövlət başçısının ədalətpərvərliyini, humanizmini və cəsarətli mövqe tutmaqdan çəkinməməsini təqdir etdiyini bildirərək dedi: “Sizin Venesuelada hakimiyyət başına gəlməyiniz Latın Amerikası regionunun tarixində yeni bir dönəmin başlanğıcı oldu. Venesuela dövlətinin, həmçinin əhalisinin qəhrəmanlığı və alicənablığı bu məntəqənin camaatında özünəinam hissi formalaşdırmışdır”.

Görüşlər Həzrət Ayətullah Xameneinin Məşhəd əhalisi və imam Rzanın (ə) minlərlə zəvvarı ilə görüşü

İslam İnqilabının Rəhbəri Həzrət Ayətullah Xamenei yeni ilin ilk günündə imam Rza (ə) hərəminin minlərlə zəvvarından və Məşhəd şəhərinin sakinlərindən ibarət böyük bir qrupla görüş keçirdi. Bu görüşmədə Ali Dini Rəhbər çıxış edərkən “tərəqqi və ədalətin müxtəlif zəruri amilləri” məsələsi, düşünülmüş və məqsədyönlü istehlak etalonunun islahı, respublikada keçiriləcək onuncu prezident seçkiləri, həmçinin İran və Amerika problemlərini şərh edərək təkidlə dedi: “Ölkədə mövcud olan müsbət amillərə və aparılmış hazırlıq tədbirlərinə əsasən demək olar ki, əzəmətli və əziz İran xalqı İslam İnqilabının dördüncü dekadasını bu inqilabın ən əsas şüarı olan “tərəqqi və ədalət” prinsiplərinin həyata keçirilməsi yolunda atılan böyük bir addıma və diqqətəlayiq bir sıçrayışa çevirəcək”.

Görüşlər 17 rabiul-əvvəl münasibətilə bir qrup məhbusun əfvi və cəza müddətinin azaldılması

İslam Peyğəmbərinin (s) və imam Sadiqin (ə) mübarək mövludu münasibətilə İİR-nın Ali Məqamlı Rəhbəri Həzrət Ayətullah Xamenei 950 nəfər ümumi və inqilab məhbuslarının, eləcə də tribunal və inzibati orqanlar tərəfindən həbsə alınmış hərbi dustaqların əfv edilməsi və cəza müddətinin azaldılmasını təsdiqlədi.

Görüşlər Böyük İslam Peyğəmbərinin (s) mövlud ildönümündə hökumət məmurları ilə görüş

Böyük İslam Peyğəmbəri (s) və Həzrət imam Sadiqin (ə) mövlud ildönümü ərəfəsində İslam İnqilabının Rəhbəri Həzrət Ayətullah Xamenei 3 nazir, dövlət müşaviri, hökumət məmurları, “İslami Vəhdət” beynəlxalq konfransının iştirakçıları, İslam ölkələrinin səfirləri və geniş xalq kütləsi ilə görüşündə əziz İslam peyğəmbəri Həzrət Muhəmmədin (s) mövludunu bəşəriyyətin yolu üçün təyinedici bir hadisə hesab edərək təkidlə dedi: “İslam Peyğəmbərinə (s) tabe olanların və onun yolunu davam edənlərin, xüsusilə siyasətçilər, alimlər, ziyalılar və İslam ümmətinə təsir edən nüfuzlu şəxslərin ən önəmli və mühüm vəzifəsi İslam vəhdətinə nail olmaq və təfriqə amilləri ilə mübarizə aparmaqdır”.

Görüşlər Xubriqan Məclisinin başçısı və üzvləri ilə görüş

İİR-nın Ali Məqamlı Rəhbəri Həzrət Ayətullah Xamenei bu gün Xubriqan Məclisinin(1) başçısı və üzvləri ilə görüşündə millət və dövlətin "çalışmalar və müxtəlif problemlərlə" zəngin olan 30 illik birgə parlaq həyatını və müsbət hadisələri millətin müvəffəqiyyəti, həmçinin hakimiyyətin və İslam İnqilabının yararlığının bariz göstəricisi kimi qiymətləndirərək dedi: “İşıqlı gələcəyə inamla baxan məmurlar və vətəndaşlar onları şeytani bədbinlik və naümidliyə qapamaq üçün çalışan düşmənlərlə daim mübarizə edir, iftixarlı izzət və inkişaf yolunu yorulmaz iradə və əzmkarlıqla davam etdirirlər”.