Xəbərlər
Ali Məqamlı Rəhbər İranda dini təhsil alan xarici tələbələrlə görüşdü
İslam İnqilabının Ali Məqamlı Rəhbəri Həzrət Ayətullah Xamenei Qum şəhərinə səfərinin 7-ci günü – bu gün səhər İran İslam Respublikasında təhsil alan minlərlə xarici tələbə ilə görüşündə qeyd etdi ki, İslam dininin ülvi təlimlərinin bir daha tədqiq olunaraq dünyaya çatdırılması İran İslam Respublikasının başlıca məqsədlərindən biridir. Ali Məqamlı Rəhbər həmçinin bunları da vurğuladı: “Müsəlman xalqların bu nicatverici təlimlərlə tanış olması İslam ümmətinin öz kimliyini dərk etməsi, özündə nüfuz, tərəqqi, azadlıq və qüdrət ruhu hiss etməsi üçün zəmin yaradacaq!”
Qum Elmi-Teoloji Mərkəzinin alimlərindən və nümunəvi tələbələrindən bir qrupu ilə görüş
İslam İnqilabının Ali Məqamlı Rəhbəri Həzrət Ayətullah Xamenei bazar günü gecə Qum Elmi-Teoloji Mərkəzində fəaliyyət göstərən ustadlardan, alimlərdən və mərkəzin nümunəvi tələbələrindən bir qrupu ilə görüşərək söhbət etdi. Söhbət əsnasında Ali Məqamlı Rəhbər “elm”in elmi-teoloji mərkəzlərin gerçək mahiyyətini təşkil etdiyini dedi, bu mahiyyətə əməldə bağlılığın meyarlarına toxunaraq həmin mərkəzlərin şübhə və sualları müsbət qarşılamasının, azad düşüncəyə geniş yer verməsinin və mühafizəkarlıqdan uzaq olmasının, elm sahəsində özünə inamlı olmasının, müxtəlif rəy və fikirlər qarşısında rasional və məntiqə uyğun metodlardan istifadə etməsinin vacibliyi, onların müxtəlif sferalara ehtiyac duyması, oradakı əxlaq və tərbiyə sistemi və düşməni tanımağın zəruriliyi ilə bağlı mühüm məqamları qeyd etdi.
Ali Məqamlı Rəhbər Qum vilayətində yaşayan minlərlə bəsici ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər İmam Xomeyni (r.ə) adına gecə ibadətgahında Qum vilayətində yaşayan minlərlə bəsici ilə həyəcanlı və izdihamlı bir atmosferdə görüşdü. Bəsicin müxtəlif aspektləri və onu təşkil edən komponentlər haqda danışan Ali Məqamlı Rəhbər üç başlıca faktoru – uzaqgörənlik, ixlas və vaxtında və lazımi səviyyədə iş görməyi “bəsicin fəaliyyətinin başlıca meyarları” adlandırdı.
Ali Məqamlı Rəhbər Qum Elmi-teoloji Mərkəzinin Tədris İşçiləri Cəmiyyətinin sədri və üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər Qum Elmi-teoloji Mərkəzinin Tədris İşçiləri Cəmiyyətinin sədri və üzvləri ilə görüşdə sözügedən qurumu “köklü-köməcli, İslam hərəkatının baş qaldırdığı dövrdə, eləcə də İslam İnqilabından sonra sınaqlardan çıxmış, İmam Xomeyninin (r.ə) və inqilabın kursunu mətanətlə davam etdirən, elmi-teoloji sferada misilsiz olan bir qurum” adlandıraraq vurğuladı: “Qum Elmi-teoloji Mərkəzinin Tədris İşçiləri Cəmiyyəti bu güclü mahiyyətini qoruyub saxlayaraq elmi-teoloji dairələr, həmçinin ölkənin ümumi atmosferi üçün meyar olmaqda davam etməlidir”.
Ali Məqamlı Rəhbər Qum Elmi-teoloji Mərkəzində çalışan bir qrup alim və ustadla görüşdü
Ali Məqamlı Rəhbərin Qum şəhərinə səfərinin 4-cü axşamında Həzrət Ayətullah Safi Qolpayqani, habelə Qum Elmi-teoloji Mərkəzində fəaliyyət göstərən alim və ustadlardan daha bir qrupu Ali Məqamlı Rəhbərliyin Qumdakı idarəsində Həzrət Ayətullah Xamenei ilə görüşdülər.
Ali Məqamlı Rəhbər Qum şəhərində yaşayan 3 şəhid ailəsi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei cümə gecəsi gözlənilmədən Qum şəhərində yaşayan 3 şəhid ailəsinin görüşünə getdi və onlardan hər biri ilə sevgi və səmimiyyət dolu bir atmosferdə söhbət edərək Qum şəhidlərinin ailə üzvlərinin səbir və dözümünü yüksək qiymətləndirdiyini bildirdi.
Qum Elmi-teoloji Mərkəzində təhsil alan tələbələrlə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün səhər alimlər, ruhani elm xadimləri, ustadlar, mədrəsə müdirləri və Qum Elmi-teoloji Mərkəzində təhsil alan tələbələrlə izdihamlı və həyəcanlı şəraitdə baş tutan görüşdə teoloji təhsil müəssisələrində baş verən dəyişikliklər və bu dəyişikliklərin tənzimlənməsinin müxtəlif aspektləri haqda danışdı. Elmi-teoloji mərkəzlərlə İslam rejiminin qarşılıqlı münasibətləri ilə bağlı mövcud olan yanlış fikirlərə toxunan Ali Məqamlı Rəhbər İslam düşmənlərinin İslam dövlətini zəiflətmək, teoloji təhsil müəssisələrini və ruhaniləri bir küncə çəkilməyə vadar etmək məqsədilə cürbəcür taktikalardan istifadə etdiklərini dedi.
Qum Elmi-teoloji Mərkəzində fəaliyyət göstərən alim və ustadlardan bir qrupu ilə görüş
Həzrət Ayətullahlar Cəfər Sübhani, Məkarim Şirazi, Şubəyri Zəncani, habelə Qum Elmi-teoloji Mərkəzində fəaliyyət göstərən digər alim və ustadlardan və şəhərin vəzifəli şəxslərindən bir qrupu Ali Məqamlı Rəhbərin Quma səfərinin ikinci axşamı Ali Məqamlı Rəhbərliyin Qum şəhərindəki idarəsində Həzrət Ayətullah Xamenei ilə görüşdülər.
Ali Məqamlı Rəhbər Qum vilayətində yaşayan şəhid ailələri, əlil və veteranlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei Qum vilayətində yaşayan dəyərli şəhid ailələri, əlil və veteranlarla bu gün səhər baş tutan görüşündə şəhidliyə etiqadın, Allah yolunda canından keçməyin savabına və fəzilətinə inamın “İran xalqının gerçək qüdrətinin simvolu” olduğunu deyərək bunları vurğuladı: “Böyük İran xalqı ona izzət və əzəmət bəxş edən bu mənəvi faktorlar sayəsində imperialistlərin acgözlüyü və haqsız tələbkarlığı qarşısında möhkəm dayanmaqda davam edəcək!”
Ali Məqamlı Rəhbər Qum Elmi-teoloji Mərkəzində fəaliyyət göstərən alim və ustadlarla görüşdü
Həzrət Ayətullah Nuri Həmədani və Həzrət Ayətullah Cavadi Amoli, habelə Qum Elmi-teoloji Mərkəzində fəaliyyət göstərən alim və ustadlardan, şəhərin vəzifəli şəxslərindən bir qrupu Ali Məqamlı Rəhbərin şəhərə gəlişinin ilk axşamında Ali Məqamlı Rəhbərliyin Qum şəhərindəki idarəsində Həzrət Ayətullah Xamenei ilə görüşdülər.
Ali Məqamlı Rəhbər Qum şəhərində onu qarşılayan izdihamlı kütlə qarşısında çıxış etdi
Ali Məqamlı Rəhbər Həzrət Ayətullah Xamenei xalq tərəfindən təntənə ilə qarşılandıqdan və Həzrət Məsumə (s) məqbərəsini ziyarət etdikdən sonra məqbərənin yaxınlığındakı meydanda toplaşmış izdihamlı kütlə ilə görüşdü, ona qarşı öz sevgi və səmimiyyətini ifadə edən insanlara qarşılıqlı emosiyalarla cavab verdi.
Ali Məqamlı Rəhbər İraqın Baş Naziri və onu müşayiət edən nümayəndə heyəti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər İraqın Baş Naziri cənab Nuri Maliki və onu müşayiət edən nümayəndə heyəti ilə görüşündə İraqı “İran İslam Respublikasına qardaş ölkə” adlandırdı. O, İraqda yeni hökumət kabinetinin təşkilinin artıq bir neçə aydır ki, təxirə düşməsinə toxunaraq vurğuladı: “Hökumət kabinetinin mümkün qədər tez formalaşdırılması və tam təhlükəsizliyin bərqərar edilməsi İraqın ehtiyac duyduğu mühüm məsələlərdən biridir. Çünki İraqda asayişin bərpası, quruculuq işlərinin aparılması və İraq xalqının öz layiqli yerini tutması yalnız bu iki məsələnin gerçəkləşməsi sayəsində mümkün ola bilər”.
Ali Məqamlı Rəhbər həcc mərasiminin mədəni və təşkilati məsələləri üzrə məsul şəxslərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei builki həcc mərasiminin təşkilati işlərini həyata keçirəcək məsul şəxslərlə görüşündə bunları vurğuladı: “İranlı hacıların davranışı möhtəşəm və iftixar dolu bir vacib ibadət olan həcc mərasiminin bütün fərdi, mənəvi, ibadi, ictimai və siyasi aspektlərini özündə əks etdirməlidir”.
Ali Məqamlı Rəhbər minlərlə gənc elm xadimi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei mindən çox gənc elm xadimi ilə bugünkü görüşündə elm, texnologiya və gənc elm xadimlərinin yetişdirilməsi sahəsinə investisiya qoyuluşunu ölkənin uğurlu inkişaf proqramlarında başlıca əhəmiyyət daşıyan prioritet məsələlərdən biri adlandırdı. Ali Məqamlı Rəhbər qeyd etdi ki, ölkənin ehtiyac duyduğu elm sahələrinin tam bir sistemdə, biri-biri ilə sıx əlaqəli şəkildə birləşməsi vacib, eyni zamanda bütün elm sahələrində tükənmək bilməyən dinamiklik və inkişaf üçün zəmin yaradacaq bir məsələdir
Ali Məqamlı Rəhbər Suriya Respublikasının prezidenti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Suriya Respublikasının prezidenti cənab Bəşşar Əsəd ilə bu gün günortadan sonra baş tutan görüşdə ötən 30 il ərzində İran və Suriya arasında misilsiz dərəcədə ardıcıl və möhkəm əlaqələrin mövcud olduğunu qeyd etdi. Mərhum Hafiz Əsədin xatirəsini ehtiramla yad edən Ali Məqamlı Rəhbər bunları vurğuladı: “İki ölkə arasındakı müsbət əməkdaşlıq keçmişdə olduğundan da sürətli bir templə davam etdirilməlidir”.
Ali Məqamlı Rəhbər ölkənin müxtəlif şəhər və vilayətlərinin imamcümələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin müxtəlif şəhər və vilayətlərinin imamcümələri ilə baş tutan bugünkü görüşündə cümə namazının fərdi, ictimai, siyasi, dini və beynəlxalq baxımdan olduqca mühüm və təsiredici rola malik olduğunu qeyd edərək bunları vurğuladı: “İmamcümələrin öhdəsinə düşən ən mühüm vəzifə cümə namazlarının bu mühüm roluna əvvəlkindən də artıq diqqət yetirmək, cəmiyyətin hazırkı reallıqlarından xəbərdar olmaq, düşmənin hazırladığı planlardan bixəbər qalmamaq, gənclərlə yaxın və səmimi münasibət qurmaq, onların təşəbbüskarlıq həvəsindən, güc və bacarığından istifadə etməkdir”.
Ali Məqamlı Rəhbər Quruculuq Cihadı hərəkatının üzvü olan minlərlə gənclə görüşdü
İslam İnqilabının Ali Məqamlı Rəhbəri Həzrət Ayətullah Xamenei Quruculuq Cihadı hərəkatının minlərlə gənc və mücahid üzvü ilə görüşdə “Allaha eşq və imanın”, habelə “uzaqgörənlik, əzm və təşəbbüskarlığın” İran xalqının həyata keçirdiyi əzəmətli hərəkatın başlıca amilləri, Quruculuq Cihadı hərəkatının isə ruhu və mahiyyəti olduğunu qeyd edərək vurğuladı: “Belə bir qiymətli sərmayəyə sahib olan toplum, heç şübhəsiz, ehtiram və əzəmətin ən uca zirvələrini fəth edəcək. Sözsüz ki, əziz İran xalqımızın alın yazısı da məhz belə bir iftixar dolu məqama malik olmaqdır”.
Ali Məqamlı Rəhbər Xubriqan Məclisinin Sədri və məclis nümayəndələri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər Xubriqan Məclisinin Sədri və məclis nümayəndələri ilə baş tutan görüşündə İslam Respublikasının beynəlxalq arenada və daxildəki vəziyyətini hərtərəfli və dəqiq təhlil etdi. O bildirdi ki, İslam dini və İslam İnqilabı cəbhəsinin günü-gündən möhkəmlənərək güclənməsi, imperializm cəbhəsinin isə əvvəlkindən də çox zəifləyərək dağınıqlığa və çaşqınlığa uğraması ölkədə İslam dövlətinin bərqərar edilməsindən sonrakı iftixar dolu 30 il ərzində müşahidə olunan mühüm və diqqətəlayiq faktlardan biridir.
