Xəbərlər
Ali Məqamlı Rəhbər Ordunun Quru Qüvvələrinin komandanları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar günü) günortadan əvvəl İran İslam Respublikası Ordusunun Quru Qüvvələri Qərargahının yerləşdiyi məkana gələrək silahlı qüvvələrin sözügedən qolunun fəaliyyəti və nailiyyətləri ilə yaxından tanış oldu.
Ali Məqamlı Rəhbər Polis Qüvvələrinin komandanları və sıravi heyəti ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (bazar günü) günortadan sonra Daxili İşlər Naziri və Ali Baş Komandanın Polis Qüvvələri üzrə müavini, Polis Qüvvələrinin Baş Komandanı, habelə sözügedən qüvvələrin digər komandirləri və sıravi heyəti ilə görüşdü. Çıxışı əsnasında Ali Məqamlı Rəhbər qeyd etdi ki, xalqın razılığını qazanmaq Allahın razılığını qazanmaq üçün zəmin yaradan bir amildir. O dedi: “Rəsmi şəxslər öz iş fəaliyyətləri ilə camaata asayiş və rahatlıq bəxş edə bilsələr, sözsüz ki, Allahın da razılığını qazanarlar!”
Dövlətin Mənafeyini Müəyyənləşdirən Şuranın yeni üzvləri ilə görüş
İslam İnqilabının Ali Məqamlı Rəhbəri Həzrət Ayətullah Xamenei Dövlətin Mənafeyini Müəyyənləşdirən Şuranın yeni çağırışına təyin olunmuş sədr və üzvlərlə bu gün (bazar günü) günortadan sonra baş tutan görüşündə şuranı “İslam dövlətində kollektiv müdrikliyin təcəssümü” adlandıraraq vurğuladı: “Ölkənin ən önəmli problemlərindən bir qismi həllini sözügedən şurada tapır. Bu, DMMŞ-in son dərəcə mühüm mövqeyə malik olduğunu göstərir”.
Ali Məqamlı Rəhbər silahlı qüvvələrin komandanları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (şərşənbə günü) günorta silahlı qüvvələrin yüksək rütbəli zabitləri, habelə vəli-fəqihin bu qüvvələrdəki nümayəndəliyində çalışan rəsmi şəxslərlə görüşdü. Ali Məqamlı Rəhbər bütün silahlı qüvvələrə müdafiə hazırlığını yüksəltməklə yanaşı, özlərində dini-mənəvi stimulu da qoruyub saxlamağı və gücləndirməyi tövsiyə etdi.
Ali Məqamlı Rəhbər üçlü hakimiyyət qüvvələrinin rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin üç hakimiyyət strukturunun rəsmiləri ilə bu gün (çərşənbə axşamı) günorta keçirdiyi görüş zamanı onların hamısını birliyə, həmrəyliyə, səmimi əməkdaşlığa, milli istehsalı dəstəkləmək, bu istiqamətdə kütləvi mədəniyyət formalaşdırmaq üçün ciddi səy göstərməyə çağırdı.
Ali Məqamlı Rəhbər Türkiyə Respublikasının baş naziri Rəcəb Tayyib Ərdoğanla görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə axşamı) günortadan sonra Türkiyə Respublikasının baş naziri cənab Rəcəb Tayyib Ərdoğan və onu müşayiət edən nümayəndə heyəti ilə görüşdü. Görüş zamanı Ali Məqamlı Rəhbər iki ölkə arasında əməkdaşlığı əvvəlkindən də artıq dərinləşdirmək lazım olduğunu vurğulayaraq dedi: “İran İslam Respublikası Türkiyə ilə əməkdaşlığı genişləndirməyin vacib olduğuna ciddi surətdə inanır. İran və Türkiyə müxtəlif məsələlərlə bağlı nə zaman həmrəy olublarsa, bu həmrəylik İranın, Türkiyənin, eləcə də İslam dünyasının xeyrinə olub”.
Ali Məqamlı Rəhbər müqəddəs İmam Rza (ə) hərəmini ziyarətə gəlmiş insanlar və yaxınlıqda yaşayan əhali ilə görüşdü
1391-ci ilin gözəl və təravət dolu baharının ilk günündə – bu gün günortadan sonra İslam İnqilabının Ali Məqamlı Rəhbəri Həzrət Ayətullah Xamenei 8-ci imam Həzrət Əli ibn Musa Rzanın (ə) müqəddəs məqbərəsini ziyarətə gəlmiş insanlar, eləcə də yaxınlıqda yaşayan əhali ilə görüşərək bu böyük izdihamın qarşısında çıxış etdi. İran xalqının düşmənin siyasi, iqtisadi, hərbi və təhlükəsizlik müstəvisindəki cürbəcür iddialı bəyanatlarına baxmayaraq, 1390-cı ildə qazandığı müxtəlif uğurlar haqqında ətraflı danışan Ali Məqamlı Rəhbər bildirdi ki, dünyaya ağalıq etmək niyyətində olan hegemon dövlətlərin İslam dövlətinə qarşı apardıqları ədavətin səbəbi İranın öz neft resurslarını qeyrətlə qorumasıdır.
Ali Məqamlı Rəhbər 1391-ci hicri-şəmsi ilinin gəlişi münasibətilə xalqa müraciət etdi
İslam İnqilabının Ali Məqamlı Rəhbəri Həzrət Ayətullah Xamenei 1391-ci hicri-şəmsi ilinin gəlişi münasibətilə xalqa ünvanladığı müraciətində qeyd edir ki, İran xalqının iqtisadiyyatın müxtəlif sferalarında cihad əzmi ilə iştirak edərək əlindən gələn səy və zəhməti əsirgəməməsi bir zərurətdir. Müraciətdə deyilir: “İqtisadi cihadın mühüm bir hissəsi də milli istehsaldır. Xalqımız əzm, təpər və uzaqgörənliklə, habelə rəsmilərin işləri düzgün planlaması sayəsində daxili istehsal problemini çözə bilsə, heç şübhəsiz, düşmənin yaratdığı maneələrə qalib gələcək”.
Ali Məqamlı Rəhbər Vəqflər və Xeyriyyə İşləri Komitəsinin rəhbər işçiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Vəqflər və Xeyriyyə İşləri Komitəsinin sədri və vəli-fəqihin komitə üzrə nümayəndəsi, habelə komitənin digər məsul kadrları ilə bu gün (çərşənbə axşamı) günortadan sonra baş tutan görüşü zamanı vəqfin mühüm bir dini təsisat olduğunu qeyd edərək aşağıdakıları vurğuladı: “Camaatı vəqfə daha çox təşviq etməklə, həmçinin ianə verənin, verdiyi ianə ilə bağlı haqqını düzgün təmin etməklə vəqf ənənəsini cəmiyyətdə əvvəlkindən də geniş surətdə yaymaq lazımdır”.
Ali Məqamlı Rəhbər Xubriqan Məclisinin üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Xubriqan Məclisinin sədri və üzvləri ilə bu gün (cümə axşamı günü) səhər baş tutan görüşündə 12 isfənd parlament seçkiləri günü xalqın tam zamanında, müdriklik və uzaqgörənliklə həyata keçirdiyi əzəmətli hərəkatı sonsuz təqdir edərək bu möhtəşəm iştirakın hansı təsir və mesajlara malik olduğunu açıqladı.
Ali Məqamlı Rəhbər xalqın müxtəlif təbəqələrinin nümayəndələri, şəhid ailələri, əlil və veteranlarla görüşdü
Xalqın müxtəlif təbəqələrinin minlərlə nümayəndəsi, şəhid ailələri, əlil və veteranlarla bu gün (çərşənbə günü) səhər keçirdiyi görüşdə İslam İnqilabının Ali Məqamlı Rəhbəri Həzrət Ayətullah Xamenei cümə günü baş tutacaq parlament seçkilərinin əvvəlki çağırışlara seçkilərlə müqayisədə daha həssas əhəmiyyət daşıdığını bildirdi. 9-cu çağırış İslami Şura Məclisinə səsvermədə xalqın genişmiqyaslı iştirakının son dərəcə əhəmiyyətli olduğunu qeyd edən Ali Məqamlı Rəhbər aşağıdakıları vurğuladı: “Allahın lütfü ilə, cümə günü baş tutacaq seçkidə İran xalqı imperializmə 22 bəhməndəkindən daha möhkəm bir sillə vuracaq, öz güclü əzmini və iradəsini düşmənə sübut edəcək ki, imperialist bloku bu xalqın əleyhinə heç nə edə bilməyəcəyini anlasın”.
Ali Məqamlı Rəhbər ölkənin nüvə alimləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər İranın Atom Enerjisi Təşkilatının sədri və rəhbər işçiləri, habelə ölkənin nüvə alimlərindən bir qrupu ilə görüşdü. O bildirdi ki, İranın nüvə alimlərinin nüvə elmi və texnologiyası sahəsində əldə etdiyi ən böyük uğur onların ölkədə milli qürur hissini formalaşdırmaları, dünya və region xalqları üçün bir xalqın təzyiqlər qarşısında müqavimət göstərmək, müstəqil olmaq, imperialist dövlətlərin elmi monopoliyasını qırmaq bacarığına gözəl bir nümunə nümayiş etdirmələridir.
Ali Məqamlı Rəhbərə qızılla işlənmiş nəfis bir əlyazma Quran hədiyyə olundu
Bu gün (bazar ertəsi) günorta İslam İnqilabının Ali Məqamlı Rəhbəri Həzrət Ayətullah Xameneiyə qızılla işlənmiş nəfis bir əlyazma Quran hədiyyə olundu. Həzrət Ayətullah Xamenei ona təqdim olunmuş bu dəyərli sənət əsərini müqəddəs İmam Rza (ə) məqbərəsinin fonduna bağışladı.
Ali Məqamlı Rəhbər şəhid Qaşqayinin ailə üzvləri ilə görüşdü
Şəhid Mustafa Əhmədirouşənin dostu və həmkarı olmuş şəhid Rza Qaşqayinin ailə üzvləri bu gün (bazar günü) günorta İslam İnqilabının Ali Məqamlı Rəhbəri Həzrət Ayətullah Xamenei ilə mənəvi-emosional bir atmosferdə görüşdülər.
Ali Məqamlı Rəhbər Azərbaycan əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Azərbaycan əhalisini təmsil edən müxtəlif təbəqələrin nümayəndələri, din alimləri və rəsmilərlə görüşdü. Builki 22 bəhmən yürüşündə xalqın 10 milyonlarla nümayəndəsinin həmişəkindən daha izdihamlı və emosional iştirak etdiyinə toxunan Ali Məqamlı Rəhbər qeyd etdi ki, dəyərli İran xalqının əzəmətinin, belə ecazkar addımlara imza atmasının səbəbi onun uzaqgörənliyi və lazımi anı dəyərləndirmə bacarığıdır.
Ali Məqamlı Rəhbər Fələstinin baş naziri İsmayıl Həniyəni qəbul etdi
Fələstinin qanuni hökumətinin baş naziri cənab İsmayıl Həniyə bu səhər (bazar günü) İslam İnqilabının Ali Məqamlı Rəhbəri Həzrət Ayətullah Xamenei ilə görüşdü.
Hökumət nümayəndələri və xarici ölkələrin səfirləri ilə görüş
Böyük İslam peyğəmbəri Məhəmməd Mustafanın (s) və Həzrət İmam Sadiqin (ə) mübarək milad günü olan rəbiüləvvəl ayının 17-si ərəfəsində – bu gün (cümə günü) hökumət rəsmiləri, xalqın müxtəlif təbəqələrinin nümayəndələri, həmçinin 25-ci İslami Vəhdət Konfransında iştirak edən qonaqlar və müsəlman ölkələrini təmsil edən səfirlər Ali Məqamlı Rəhbərlə görüşdülər.
Ali Məqamlı Rəhbər Ordunun Hava Qüvvələrinin komandanları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər İmam Xomeyni (r.ə) adına hüseyniyədə İran İslam Respublikası Ordusunun Hava Qüvvələrinin yüksək rütbəli rəsmiləri, zabit-komandan heyəti ilə görüşdü. Görüş zamanı çıxış edən Ali Baş Komandan bildirdi ki, Ordunun Hava Qüvvələrinin 1357-ci il 19 bəhmən günü (1979-cu il 8 fevral) avanqardlıq edərək cəsarətlə atdığı addımdan alınan ən mühüm dərs təşəbbüskarlığın, vaxtında hərəkətə keçməyin, gələcəyə ümidlə baxaraq irəliyə getməyin verə biləcəyi effektin dərk olunmasıdır.
