Xəbərlər
İslam İnqilabı Rəhbərinin Hüccətul-İslam vəl-müslimin cənab Seyid Əbdüləziz Həkimin vəfatı ilə əlaqədar başsağlığı müraciəti
İİR-nın Ali Məqamlı Rəhbəri Həzrət Ayətullah Xamenei Hüccətul-İslam vəl-müslimin cənab Seyid Əbdüləziz Həkimin vəfatı ilə əlaqədar dərin hüznlə başsağlığı vermişdir.
İslam İnqilabının Rəhbəri Qanbahası Məsələlərinin Araşdırılması Humanitar Qərargahına 500 milyon rial məbləğində yardım etmişdir
XIX Qolrizan bayramı ərəfəsində İslam İnqilabının Ali Məqamlı Rəhbəri Həzrət Ayətullah Xamenei ölkədəki yoxsul və ehtiyaclı dustaqlara kömək məqsədilə Qanbahası Məsələlərinin Araşdırılması Humanitar Qərargahına 500 milyon rial məbləğində yardım etmişdir.
İmam Xomeyni hüseyniyyəsində başdan-başa Quranla ünsiyyət, Quran nuru, mənəvi bir atmosferlə dolu olan yığıncaq keçirildi
Mübarək Ramazan ayının – İlahi rəhmət, Allah-Taalanın Öz bəndələrinə ziyafət verdiyi, Qurani-Kərimin bahar mövsümü olan bu əziz ayın ilk günündə İmam Xomeyni hüseyniyyəsi Quranın nur saçan ayələri ilə rayihələndi. İran İslam Respublikasının Ali Məqamlı Rəhbəri Həzrət Ayətullah Xameneinin iştirakı ilə keçirilən bu yığıncaqda görkəmli qarilərdən, müqəddəs Allah Kəlamının ustad və hafizlərindən bir qrupu Qurani-Kərimdən ayələr tilavət etdilər. Təxminən 4 saata qədər davam edən Quranla ünsiyyət dolu bu mənəviyyat yığıncağında qrup ifaçıları da Qurandan ayələr tilavət etdilər, dualar və Peyğəmbərə (s) həsr olunan mədhlər oxudular.
Suriya Respublikasının prezidenti cənab Bəşşar Əsəd ilə görüş
İİR-nın Ali Məqamlı Rəhbəri Həzrət Ayətullah Xamenei bu gün axşam Suriya Respublikasının prezidenti cənab Bəşşar Əsəd və onu müşayiət edən nümayəndə heyəti ilə görüşündə Orta Şərq regionundakı mövcud vəziyyətin mübarizə və müqavimət cəbhəsinin xeyrinə, ABŞ və Amerika siyasəti tərəfdarlarının isə zərərinə olduğunu bildirərək təkidlə vurğuladı: “Müqavimət cəbhəsi bu böyük fürsətdən istifadə edərək qarşılıqlı əlaqələrini və əməkdaşlığını bacardıqca möhkəmləndirməlidir”.
Ayətullah Haşimi Şahrudinin Nəzarət Şurasının fəqih üzvü və Qurum Mənafeyini Müəyyənləşdirmə Şurasının üzvü təyin edilməsi
İİR-nın Ali Məqamlı Rəhbəri Həzrət Ayətullah Xamenei cənab Ayətullah Hacı Seyid Mahmud Haşimi Şahrudinin Keşikçi Şuranın fəqih üzvü və Qurum Mənafeyini Müəyyənləşdirmə Şurasının üzvü təyin edilməsi barədə fərman vermişdir.
Ayətullah Hacı Şeyx Sadiq Amuli Laricaninin Məhkəmə Hakimiyyətinin sədri vəzifəsinə təyin edilməsi
İslam İnqilabının Ali Məqamlı Rəhbəri Həzrət Ayətullah Xamenei Ayətullah Hacı Şeyx Sadiq Amuli Laricaninin Məhkəmə Hakimiyyətinin sədri vəzifəsinə təyin olunması barədə fərman imzalamışdır.
Oman şahı Sultan Qabus və onu müşayiət edən nümayəndə heyəti ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün axşam Oman şahı cənab Sultan Qabus və onu müşayiət edən nümayəndə heyəti ilə görüşündə son 30 il ərzində İİR ilə Oman arasında mövcud olmuş əlaqələri müsbət dostluq və qardaşlıq münasibətləri kimi qiymətləndirərək xüsusilə vurğuladı: “İki ölkə arasında dini, coğrafi mövqe və tarixi baxımdan sıx müştərək olan cəhətləri nəzərə alaraq qeyd etmək olar ki, ölkələrimiz arasında həmkarlıq əlaqələrinin daha da genişləndirilməsi üçün olduqca münasib zəmin mövcuddur”.
İnqilab Rəhbərinin fərmanı ilə İİR-nın 10-cu prezidentinin səlahiyyətlərinin icrasına başlaması rəsmən təsdiqləndi
Bəşəriyyətin xilaskarı Həzrət Məhdi Sahibəz-Zəmanın (ə.f) mübarək doğum günü ərəfəsində – bu gün səhər mənəviyyat dolu möhtəşəm bir atmosferdə keçən mərasimdə İİR-nın Ali Məqamlı Rəhbəri Həzrət Ayətullah Xamenei öz fərmanı ilə 10-cu ölkə prezidentinin hakimiyyətini rəsmən təsdiqləmişdir. İslam İnqilabının Ali Məqamlı Rəhbəri əzəmətli İran xalqının 12 iyunda keçirilən prezident seçkilərində özünün 40 milyonluq iştirakı ilə unudulmaz bir tarixi hadisəyə imza atmasını yüksək qiymətləndirmiş, xalqın rəyini təsdiq edərək cənab Mahmud Əhmədi Nejadı respublika prezidenti kimi səlahiyyətlərinin rəsmən icrasına başlaması üçün hökm çıxarmışdır.
Yoxsullar Fondunun sədri vəzifəyə təyin edildi
İslam İnqilabının Rəhbəri Həzrət Ayətullah Xamenei cənab Muhəmməd Fərzəndənin növbəti dəfə beşillik mərhələdə Yoxsullar Fondunun sədri vəzifəsinə təyin edilməsi barədə fərman vermişdir.
Ali Məqamlı Rəhbərlik Baş İdarəsinin və Aliməqam Rəhbərin mühafizə alayının üzvləri ilə görüş
Hər il olduğu kimi bu il də Ali Məqamlı Rəhbərlik Baş İdarəsinin, həmçinin Aliməqam Rəhbərin mühafizə alayının kollektivi öz ailə üzvləri ilə birlikdə İslam İnqilabının Rəhbəri ilə görüşmüşdür.
Həzrət Ayətullah Xameneinin bu görüşdə etdiyi çıxışın tam mətni:
“Mehriban və bağışlayan Allahın adı ilə!
Əvvəla, sizləri bir-birinin ardınca gələn bu böyük bayramlar münasibətilə səmimi-qəlbdən təbrik edirəm. Həqiqətən də, bu bayramların hər biri şiələrin qəlbi üçün parlaq bir günəşə, gözqamaşdıran bir şüaya bənzəyir: Həzrət Əba Əbdillahil-Hüseynin (ə), Həzrət Səccadın (ə) və Həzrət Əbülfəzl Abbasın (ə) doğum günləri. İnşaallah, sizlərin hamınız üçün bu böyük bayramlar mübarək olacaqdır.
İnqilab uğrunda fədakarlıq göstərmiş əlil və veteranlara minnətdarlıq məqsədilə nümayəndə heyətlərinin ezamı
Həzrət Əbulfəzl Abbasın (ə) mübarək doğum günü və Veteranlar gününə təsadüf edən bir vaxtda İran İslam İnqilabının Ali Məqamlı Rəhbəri Həzrət Ayətullah Xamenei Tehran şəhərinin müxtəlif məntəqələrində yaşayan bir sıra əlil və veteranlara baş çəkmək üçün Huccətül-İslam vəl-muslimin Rəhimiyan, Təqəvi və İbrahimi cənablarının başçılığı ilə üç nümayəndə heyətini ezam etmişdir.
XXVI Beynəlxalq Quran müsabiqəsinin iştirakçıları ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei XXVI Beynəlxalq Quran müsabiqəsinin iştirakçıları ilə görüşdə Qurani-Kərimin göstərişlərinə əməl olunmasını İslam ümmətinin izzət və ehtiramını, inkişaf və tərəqqisini, əzəmət və vəhdətini təmin edən mühüm amil adlandırdı. O, ölkədə birlik və həmrəyliyin qorunmasının vacibliyinə işarə edərək təkidlə bildirdi: “Ölkədə son günlər ərzində baş verən hadisələr heç bir vəchlə ixtilaf və uçurumun yaranması üçün bir vasitə olmamalıdır. Hamı qardaşcasına əl-ələ verərək bir-biri ilə həmkarlıq etməli və ölkənin tərəqqisi uğrunda çalışmalıdır”.
Ali Məqamlı Rəhbərin cənab İsfəndiyar Məşayi ilə əlaqədar ölkə prezidentinə ünvanladığı məktub
İsfəndiyar Rəhim Məşayinin ölkə prezidentinin birinci müavini vəzifəsinə təyin edilməsinin ardınca Ali Rəhbərlik Məqamı Prezidentə ünvanladığı məktubda cənab Məşayinin həmin postdan uzaqlaşdırılması barədə göstəriş vermişdir.
Möhtəşəm məbəs bayramı münasibətilə bir qrup məhkum əfv edilmişdir
İran İslam Respublikasının Ali Məqamlı Rəhbəri Həzrət Ayətullah Xamenei Məhkəmə Hakimiyyətinin sədri Ayətullah Haşimi Şahrudinin mübarək Məbəs bayramı münasibətilə ona ünvanladığı ümumi, inqilabi, hərbi məhkəmələrdə, habelə ölkə üzrə Dövlət Cəzalandırma və İslahetmə Təşkilatında mühakimə edilmiş bir qrup məhkumun cəzasının əfv edilməsi, yaxud yüngülləşdirilməsi ilə bağlı xahiş-müraciətə müsbət cavab vermişdir.
İslam Peyğəmbərinin besət gününün ildönümündə hökumət nümayəndələri ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei bu gün hökumət nümayəndələri və xalqın müxtəlif təbəqələrini təmsil edən bir qrup insanla görüşündə əzəmətli İslam Peyğəmbərinin (s) besətini bəşər tarixində mühüm bir mərhələ adlandıraraq vurğuladı: “Bu gün müsəlman cəmiyyəti başlıca olaraq Peyğəmbərin (s) gətirdiyi İlahi ismarışlara əməl etməyə, ağlı və dərin düşüncəni meyar götürməyə, əxlaqi dəyərləri üstün tutmağa, habelə cəmiyyətdə qanunçuluğun hakim olmasını təmin etməyə böyük ehtiyac duyur. Bu baxımdan görkəmli şəxslərin, tanınmış insanların öhdəsinə düşən vəzifə olduqca əhəmiyyətlidir”.
İİR Silahlı Qüvvələrinin İdeologiya və Siyasət Komitəsinin yeni rəhbəri vəzifəyə təyin olundu
İran İslam Respublikasının Ali Məqamlı Rəhbəri, Ali Baş Komandan Həzrət Ayətullah Xamenei bu gün imzaladığı fərmanla Hüccətul-İslam cənab Hacı Seyid Muhəmmədəli Ali Haşimi İran İslam Respublikası Ordusunun İdeologiya və Siyasət Komitəsinin sədri vəzifəsinə təyin etmişdir.
Ali Məqamlı Rəhbərin xalqın müxtəlif təbəqələrindən olan insanlarla görüşü
Bu gün səhər Həzrət Əli ibn Əbu Talibin (ə) mübarək doğum gününün ildönümü münasibətilə imam Xomeyni (r.ə) hüseyniyyəsində təşkil edilmiş tədbirdə xalqın müxtəlif təbəqələrini təmsil edən minlərlə insan iştirak etdi. Tədbirdə ölkənin dörd bir yanından gəlmiş insanların qəlbindəki imandan doğan böyük sevgi və şövq müşahidə olunur, xalqın müxtəlif nümayəndələri “Ya Əli!” nidaları ilə imamət məqamına özlərinin səmimi-qəlbdən gələn sevgi və bağlılıqlarını təzahür etdirirdilər.
Məhkəmə Hakimiyyətinin sədri və məsul vəzifəli işçiləri ilə görüş
İran İslam Respublikasının Ali Məqamlı Rəhbəri Həzrət Ayətullah Xamenei Məhkəmə Hakimiyyətinin sədr və məmurları ilə görüşdə bu hakimiyyət orqanının başlıca vəzifəsinin məhz ədalətin təmini olduğunu xüsusilə bildirdi. Bu vəzifənin reallaşması üçün isə qanunlara riayət olunmasının vacibliyini vurğulayan Ali Məqamlı Rəhbər ölkədə baş vermiş son hadisələrə toxunaraq təkidlə dedi: “Baş verən insidentlərin qanuni meyarlar əsasında öz həllini taparaq yoluna qoyulması mümkündür. Hər iki tərəfdən olan tanınmış, fəal şəxslər və siyasi cinahlar da hər cür emosional provakasiyalardan, xalqın vəhdətini poza biləcək addımlardan çəkinməlidirlər”.
