Xəbərlər
Kirmanşah vilayətinin əlil və veteran xanımları ilə görüş
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə axşamı) səhər Kirmanşah vilayətində yaşayan, İslam İnqilabı və İslam Respublikası uğrunda xidmətləri olmuş veteran və I qrup əlil xanımlardan bir qrupu ilə görüşdü. Həzrət Ayətullah Xamenei səbir və vüqar simvolu olan bu qadınların çox yüksək təqdirə layiq olduqlarını dedi.
Ali Məqamlı Rəhbər nazirlərin iştirakı ilə iclas keçirdi
Kirmanşah vilayətində keçirdiyi xüsusi iclasdan sonra bu axşam (çərşənbə günü) Nazirlər Şurasının üzvləri Ali Məqamlı Rəhbərlə görüşərək hökumətin vilayətdəki problem və çatışmazlıqların aradan qaldırılması, ümumilikdə bu regionun inkişaf tempinin sürətləndirilməsi istiqamətində qəbul etdiyi qərar və tədbirlər haqda hesabat verdilər.
Ali Məqamlı Rəhbər Kəngavərin Şəhidlər xiyabanını ziyarət etdi
Bu sabah İslam İnqilabının Ali Məqamlı Rəhbəri Həzrət Ayətullah Xamenei Kəngavər əyalətinə daxil olduğu ilk saatlarda buranın Şəhidlər xiyabanında oldu, şəhid məzarları başında “Fatihə” oxuyaraq regionun rəşadətli döyüşçülərinin xatirəsini ehtiramla yad etdi.
Kəngavər şəhərinin əhalisi ilə görüş
Ali Məqamlı Rəhbər Həzrət Ayətullah Xamenei Kirmanşah vilayətinə səfərinin 8-ci günündə Kəngavərin və ətraf şəhərlərin əhalisi ilə ruh yüksəkliyi ilə dolu, izdihamlı bir atmosferdə görüşdü. Çıxışı əsnasında Ali Məqamlı Rəhbər böyük İran xalqının son 30 ildə əldə etdiyi nailiyyətlərə istinadən aşağıdakıları vurğuladı: “Əziz xalqımız seçdiyi yolun son dərəcə çətin etaplarını qüdrət və iftixarla arxada qoyub. O, qazandığı nailiyyətlərlə kifayətlənməyəcək, qarşıdakı bütün mərhələləri də birlik, optimizm və mətinliyi sayəsində uğurla qət edəcək”.
Kirmanşah vilayətinin görkəmli xadimləri ilə görüş
Kirmanşah vilayətinin yüzlərlə görkəmli, sayılıb-seçilən elm, mədəniyyət, ədəbiyyat, idman, incəsənət, ictimaiyyət və iqtisadiyyat xadimi Ali Məqamlı Rəhbərin vilayətə səfərinin yeddinci günü – bu gün (çərşənbə axşamı) səhər onunla görüşərək müxtəlif mövzularda fikir mübadiləsi etdilər.
Ali Məqamlı Rəhbər Pave şəhidlərinin xatirə kompleksini ziyarət etdi
Bu gün səhər İslam İnqilabının Ali Məqamlı Rəhbəri Həzrət Ayətullah Xamenei Pave və Ouramanat məntəqələrinin əhalisi ilə sevinc və canlanma dolu bir atmosferdə keçən görüşündən sonra Pave şəhidlərinin xatirə kompleksini ziyarət etdi. Şəhid məzarları başında “Fatihə” oxuyan Ali Məqamlı Rəhbər məntəqənin vüqarlı və məzlum şəhidlərinin əks-inqilabçı qüvvələrə, habelə Səddam Hüseyn rejiminə qarşı mübarizədə nümayiş etdirdiyi fədakarlıq və mətanəti təqdir edərək yüksək dəyərləndirdi.
Pave və Ouramanat məntəqələrinin əhalisi ilə görüş
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 6-cı günündə Pave və Ouramant məntəqələrinin mehriban və istiqanlı əhalisi ilə izdihamlı bir atmosferdə görüşdü. Əhali qarşısında çıxış edən Ali Məqamlı Rəhbər bildirdi ki, şiə və sünnilər arasına təfriqə salmaq İslam düşmənlərinin əl atdığı həmişəki vasitədir.
Kirmanşah vilayətindəki universitetlərin tələbə-müəllim kollektivi ilə görüş
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 5-ci günü vilayət universitetlərinin minlərlə tələbə və müəllimi ilə izdihamlı bir atmosferdə görüşdü. Ali Məqamlı Rəhbər İslam dövlətinin məqsəd və amallarının mahiyyət etibarilə daim aktual və həmişəyaşar olduğunu dəlillərlə əsaslandıraraq qeyd etdi ki, rejimin strukturundakı elastiklik, bu amalları gerçəkləşdirən siyasət və mexanizmlərdə vaxtında dəyişiklik və islahatların aparılması İslam dövlətinin dəyərli potensiallarından biridir.
Ali Məqamlı Rəhbər Gilan-e Qərbin Şəhidlər xiyabanını ziyarət etdi
İslam İnqilabının Ali Məqamlı Rəhbəri Həzrət Ayətullah Xamenei Gilan-e Qərb şəhərinə daxil olduğu ilk saatlarda Şəhidlər xiyabanını ziyarət etdi.
Ali Məqamlı Rəhbər “Fatihə” oxuyaraq Uca Yaradandan müsəlman İran dövlətinin başucalığı uğrunda canından keçmiş şəhidlərin ruhlarına dərgahında ən ali dərəcələri nəsib etməsini dilədi.
Ali Məqamlı Rəhbər Gilan-e Qərb şəhərinin əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xameneinin Kirmanşah vilayətinə səfərinin dördüncü günü Gilan-e Qərb şəhərinin mömin, mübariz və sədaqətli əhalisi ilə görüşün rayihəsinə büründü. Gilan-e Qərb əhalisindən ibarət izdihamlı kütlənin qarşısında çıxış edən Həzrət Ayətullah Xamenei mübariz İran xalqının nümayəndələrini, xüsusilə də gəncləri “milli və dini qürurun, şərəf və heysiyyətin sərhədlərini qoruyan ayıq-sayıq müdafiəçilər” adlandırdı.
Ali Məqamlı Rəhbər bir neçə şəhid ailəsinə baş çəkdi
İslam İnqilabının Ali Məqamlı Rəhbəri Həzrət Ayətullah Xamenei Kirmanşaha səfərinin üçüncü günündə şəhid Ocaqi, Əmini, Xalisi və Monkəresinin ailələrini ziyarət edərək onlarla hal-əhval tutdu, qayğı və problemləri ilə maraqlandı.
Ali Məqamlı Rəhbər Kirmanşahın Şəhidlər xiyabanını ziyarət etdi
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə günü) səhər Kirmanşahın Şəhidlər xiyabanında oldu, vilayətin adlı-sanlı alimləri – mehrabda şəhid edilmiş Ayətullah Əşrəfinin və şəhid Ayətullah Nucuminin məzarlarını ziyarət edərək Tanrıdan onların ruhuna dərgahında ən ali dərəcələri nəsib etməsini dilədi.
Ali Məqamlı Rəhbər Kirmanşah vilayətinin bəsiciləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Kirmanşah vilayətinə səfərinin 3-cü günündə – bu gün səhər vilayətin minlərlə vüqarlı və cəsur bəsicisi ilə görüşdü. Görüş bəsicilərin İslam İnqilabına və dini rəhbərliyə sevgi və sədaqəti ilə dolu bir atmosferdə keçdi. Ali Məqamlı Rəhbər görüş zamanı bəsicin nədən doğduğu, bu qüvvələrin özünəməxsus xüsusiyyətləri haqda danışdı.
Ali Məqamlı Rəhbər Kirmanşah vilayətində yerləşən hərbi və polis birləşmələrinin birgə paradında iştirak etdi
Bu gün (cümə axşamı) günortadan sonra İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə İİR Ordusunun Quru Qoşunlarının 81-ci zirehli briqadasının qarnizonunda Kirmanşah vilayətində yerləşən hərbi və polis birləşmələrinin birgə paradı keçirildi.
Ali Məqamlı Rəhbər Kirmanşahda şəhid ailələri, əlil və veteranlarla görüşdü
Bu gün (cümə axşamı) səhər – Ali Məqamlı Rəhbərin Kirmanşaha səfərinin ikinci günündə şəhid ailələri, əlil və veteranlar şəhidlərin rayihəsi, etdikləri fədakarlığın əziz xatirəsi ilə dolu bir atmosferdə Həzrət Ayətullah Xamenei ilə görüşdülər.
Ali Məqamlı Rəhbər Kirmanşahın din alimləri və ruhaniləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gecə (çərşənbə günü) Kirmanşah vilayətinin şiə və sünni təriqətli din alimləri, ruhaniləri, habelə din elmlərini öyrənən tələbələri ilə görüşdü. Ali Məqamlı Rəhbər son dövrdə regionda həyata keçirilmiş hərəkatlardan sonra İslama 3-cü meyllənmə dalğasının müşahidə olunduğuna, Qərbdə baş qaldırmış antikapitalizm hərəkatına toxunaraq qeyd etdi ki, bu şəraitdə ruhanilərin boynuna ikiqat artıq vəzifə düşür.
Ali Məqamlı Rəhbər Kirmanşah vilayətinin əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün (çərşənbə günü) səhər Kirmanşahın Azadlıq meydanında bu şəhərin minlərlə əhalisi ilə izdihamlı bir şəraitdə görüş keçirdi. Öz mühüm çıxışı əsnasında Ali Məqamlı Rəhbər İslam Respublikasında əsas meyar kimi, xalqın rolu, mövqeyi, ictimai-siyasi proseslərdə iştirakı və əzmi haqqında ətraflı danışdı. O həmçinin müxtəlif xarakterli qarşıdurmalarda xalqın böyük imkan və potensialından istifadə etmənin effektindən, elm, iqtisadiyyat, sənaye və kənd təsərrüfatı sferalarındakı yüksək templi inkişafdan da söz açdı.
Ali Məqamlı Rəhbər XX Ümummilli Namaz Konfransına müraciət ünvanladı
İslam İnqilabının Ali Məqamlı Rəhbəri Həzrət Ayətullah Xameneinin XX Ümummilli Namaz Konfransına ünvanladığı müraciətdə qeyd olunur ki, namazın gün boyunca təkrarlanması insanın qəflətə qərq olmaqdan yaxa qurtarması üçün bir şans və nemətdir. Müraciətdə aşağıdakı fikir də vurğulanır: “Namaz insanın bütün diqqətini toplayıb, səmimi-qəlbdən və agahlıqla Allah qarşısında durduğu, onun ruhuna sığal verən, mənəviyyat gövhərini cilalayaraq parladan bir andır”.
