Xəbərlər
Ali Məqamlı Rəhbər İmam Hüseyn (ə) adına Hərbi Akademiyanın məzunlarının buraxılış mərasimində iştirak etdi
Bu gün səhər İmam Hüseyn (ə) adına Zabitlər və İnqilab Keşikçiləri Akademiyasının məzunlarının birgə buraxılış mərasimində iştirak edən İslam İnqilabının Ali Məqamlı Rəhbəri Həzrət Ayətullah Xamenei ölkənin mömin, cihad əhval-ruhiyyəli, novator, enerji dolu və uzaqgörən hərbçilərə günü-gündən daha artıq ehtiyac duyduğunu bildirərək dedi: “Amerika” adlı böyük şeytanın siyasətlərinin son dərəcə həssas Orta Şərq regionunda məğlubiyyətə uğraması, təlatümə gəlmiş region xalqları arasında İslam şüarlarının ümidverici dirçəlişi İran xalqına verilmiş ilahi vədlərdən bir hissəsinin həyata keçməsi deməkdir. Bu yolda dözümlülük və sabitqədəmlik ilahi zəfərin tam olaraq gerçəkləşməsi ilə sonuclanacaq”.
Ali Məqamlı Rəhbər İslami Şura Məclisinin sədri və deputatlarla görüşdü
İslam İnqilabının Ali Məqamlı Rəhbəri Həzrət Ayətullah Xamenei İslami Şura Məclisinin Sədri və deputatlarla bu gün səhər baş tutan görüşündə imperialistlərin İran iqtisadiyyatını zəiflətmək, rəsmilər arasında ixtilaf yaratmaq, dini əqidə və emosiyaları donuqlaşdırmaq üçün hazırladıqları ssenari haqda ətraflı danışaraq parlament və hökumət arasında qarşılıqlı koordinasiyanın vacibliyini, son sözün qanuna aid olduğunu vurğuladı.
Ali Məqamlı Rəhbər əsərlərini pak və məsum Əhli-Beytə (ə) həsr edən şer-sənət adamlarından bir qrupu ilə görüşdü
İki aləmin ən üstün xanımı, sonuncu peyğəmbər Məhəmmədin (s) qızı Həzrət Fatimeyi-Zəhranın (s.ə) və xanımın bərəkətli övladı İmam Xomeyninin (r.ə) mübarək doğum günündə İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə bu iffətli və əsl-nəcabətli qadının fəzilətli, tərifəlayiq keyfiyyətlərinin şerin-sözün dili ilə mədh olunduğu mövlud mərasimi keçirildi.
Ali Məqamlı Rəhbər Tərəqqinin İran-İslam Modeli Mərkəzinin Ali Şurasının sədrini və üzvlərini təyin etdi
İslam İnqilabının Ali Məqamlı Rəhbəri Həzrət Ayətullah Xamenei Tərəqqinin İran-İslam Modeli Mərkəzinin Ali Şurasına sədr və üzvlərin təyin olunması ilə bağlı sərəncam imzaladı.
Teoloji mərkəz və universitetlərdə dərs deyən, müxtəlif sferalarda fəaliyyət göstərən yüzlərlə ziyalı xanımla görüş
İslam İnqilabının Ali Məqamlı Rəhbəri Həzrət Ayətullah Xamenei ölkənin teoloji mərkəz və universitetlərində dərs deyən ziyalı xanımlarla, habelə zərif cinsin müxtəlif sferalardakı yüzlərlə görkəmli nümayəndəsi ilə bu gün səhər baş tutan görüşündə qeyd etdi ki, İslamda qadın evin böyüyü, ailənin gülüdür.
Ali Məqamlı Rəhbər ölkədə keçirilən II Strateji İdeyalar Konfransında iştirak etdi
Bu gün səhər İran İslam Respublikasında “Ədalət” mövzusuna həsr edilmiş II Strateji İdeyalar Konfransı keçirildi. Konfransda İslam İnqilabının Ali Məqamlı Rəhbəri Həzrət Ayətullah Xamenei, habelə universitetlərdə və teoloji mərkəzlərdə fəaliyyət göstərən onlarla alim, mütəfəkkir, professor və tədqiqatçı bir araya gələrək fikir mübadiləsi apardılar.
Ali Məqamlı Rəhbər İmam Xomeyni (r.ə) adına namazgahda keçirilən 24-cü Tehran Beynəlxalq Kitab Sərgisinə baxış keçirdi
Bu gün səhər təqribən 3 saat müddətində ölkənin sayılıb-seçilən nəşrlərinin və yüksək tirajlı kitabların sərgiləndiyi pavilyonlara baxış keçirən Həzrət Ayətullah Xamenei ən yeni kitablar və çap məhsulları ilə yaxından tanış oldu.
Ali Məqamlı Rəhbər Kürdüstan vilayətində xalqın seçilən nümayəndələri, ruhani alimlər və vəzifəli şəxslərlə görüşdü
İslam İnqilabının Ali Məqamlı Rəhbəri Həzrət Ayətullah Xamenei Kürdüstan vilayətində xalqın seçilən nümayəndələrindən, möhtərəm şəhid ailələrindən, ruhani alimlərdən və vəzifəli şəxslərdən bir qrupu ilə görüşündə bu vilayəti “elm, ədəbiyyat və incəsənət”, “səmimiyyət, maariflənmə və sədaqət”, “qəhrəmanlıq, şücaət və mərdanəlik diyarı” adlandıraraq dedi: “İran xalqı özünün uzaqgörən, qətiyyətli, fasiləsiz və doğru hərəkatı sayəsində elmi və ictimai cəhətdən, siyasi nüfuz və milli qürur baxımından keçmişdəkindən daha yüksək status qazanıb”.
Ali Məqamlı Rəhbər Siddiqeyi-Kübra Həzrət Fatimeyi-Zəhranın (s.ə) şəhadətinin “şame-qəriban” mərasimində iştirak etdi
Siddiqeyi-Kübra Həzrət Fatimeyi-Zəhranın şəhadətinin “şame-qəriban” gecəsində İslam İnqilabının Ali Məqamlı Rəhbəri Həzrət Ayətullah Xameneinin, xalqın müxtəlif təbəqələrinin və vəzifəli şəxslərin iştirakı ilə ismət və paklıq xanımının xatirəsinə həsr olunan matəm və əza mərasimi keçirildi.
Ali Məqamlı Rəhbər Həzrət Fatimeyi-Zəhranın (s.ə) xatirəsinə həsr olunmuş əza mərasimində iştirak etdi
İslam peyğəmbərinin (s) sevimli qızı Həzrət Fatimeyi-Zəhranın (s.ə) şəhadət gecəsində İmam Xomeyni (r.ə) adına hüseyniyədə İslam İnqilabının Ali Məqamlı Rəhbəri Həzrət Ayətullah Xameneinin iştirakı ilə ismət və paklıq xanımının xatirəsinə həsr olunmuş matəm və əza mərasimi keçirildi.
Ali Məqamlı Rəhbər ölkənin təhsil müəssisələrində çalışan minlərlə müəllimlə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin təhsil müəssisələrində çalışan minlərlə müəllimlə bu gün səhər baş tutan görüşündə qeyd etdi ki, təlim-tərbiyənin ən mühüm vəzifəsi İslam Respublikası və İran xalqının əzəmətli hərəkatı üçün layiqli insanlar yetişdirməkdir. O vurğuladı: “Məhz buna görə də təlim-tərbiyə sistemində İran-İslam modeli əsasında elə bir müstəqil və mütərəqqi dəyişikliyin həyata keçirilməsinə ehtiyac var ki, nəticəsi mömin, Allaha təvəkkül edən, şərəfli, cəsur, novator, səbirli, gələcəyə inanan, yeni-yeni meydanlara atılmaq üçün gözəl xarakterə malik, riskli insanların yetişdirilməsi olsun”.
Ali Məqamlı Rəhbər Vilayətlər üzrə Ali Şuranın rəhbəri və üzvləri, habelə vilayət mərkəzlərinin bələdiyyə başçıları ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Vilayətlər üzrə Ali Şuranın rəhbəri və üzvləri, habelə vilayət mərkəzlərinin bələdiyyə başçıları ilə bu gün səhər keçirdiyi görüşdə qeyd etdi ki, şəhər və kəndlərdə fəaliyyət göstərən islami şuralar İran İslam Respublikasının iftixar mənbəyi olan, xalqın müxtəlif rəy və görüşlərinə, istəklərinə əsaslanan bir strukturdur. Xalqa xidmət etmək üçün həmrəylik, koordinasiya və müsbət rəqabətin lazım olduğunu vurğulayan Həzrət Ayətullah Xamenei dedi: “Düşmənləri sevindirən, onlara hay-küy qaldırmaq üçün bəhanə verən, dostların isə narahatlığına səbəb olan istənilən addım qınanır və ondan çəkinmək lazımdır”.
Ali Məqamlı Rəhbər ölkənin sənaye müəssisələrində çalışan minlərlə fəhlə ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər ölkənin dörd bir yanından gəlmiş fəhlə və zəhmətkeşlərlə görüşündə qeyd etdi ki, tərəqqi İran xalqının işıqlı və dəyişməz alın yazısıdır. O, zəhmətkeşliyin İslam dinində və rasional məntiqdə tutduğu yüksək mövqeyə toxunaraq dedi: “Bütün dövlət və qeyri-dövlət müəssisələrinin, habelə bütövlükdə xalqın “İqtisadi cihad” ilinin tələblərinə ciddi maraq göstərməsi böyük və vüqarlı İranımızda sıçrayışa səbəb olacaq”.
Ali Məqamlı Rəhbər Əkinçilik, Su və Təbii Resurslar Komissiyasının sədri və komissiya üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Əkinçilik, Su və Təbii Resurslar Komissiyasının sədri və komissiya üzvləri ilə görüşündə əhalinin ərzaq tələbatının ödənilməsi və məşğulluq probleminin həllində oynadığı rol baxımından əkinçilik sektorunu “ölkənin birinci dərəcəli problemi” adlandırdı. O dedi: “Parlament və hökumətin birgə səyləri nəticəsində qanunvericilikdə əkinçilik sektoru ilə bağlı boşluqların aradan qaldırılması, məsələyə genişmiqyaslı və hərtərəfli yanaşma əkinçiliyin statusunun yüksəlməsi və bu sahədəki problemlərin aradan qalxması üçün zəmin yarada bilər”.
Ali Məqamlı Rəhbər Daxili İşlər Naziri və Polis Qüvvəsinin yüksək vəzifəli rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Daxili İşlər Naziri və təhlükəsizlik qüvvələrinin yüksək vəzifəli rəsmiləri ilə bu gün günortadan sonra baş tutangörüşündə cəmiyyətdə asayiş və təhlükəsizliyin, xüsusən də əxlaqi-psixoloji asayişin təmin edilməsini təhlükəsizlik qüvvələrinin başlıca vəzifəsi adlandırdı. Xalqın mənəvi-psixoloji asayişinin qorunmasında KİV-in, mətbuatın, partiya nümayəndələrinin və cəmiyyətdə nüfuza malik insanların öhdəsinə ağır məsuliyyət düşdüyünü qeyd edən Ali Məqamlı Rəhbər vurğuladı ki, ...
Ali Məqamlı Rəhbər Fars vilayətinin minlərlə əhalisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər Fars vilayətində yaşayan minlərlə insanla görüşündə olduqca mühüm məsələlərə toxundu. Hazırda dünya və regionda müşahidə olunan həssas şəraiti analiz edən Ali Məqamlı Rəhbər islami oyanışa diqqət çəkdi, xalqa və bütün rəsmilərə birlik və həmrəyliyi qorumağı, durmadan işləyib çalışmağı, İslam dövlətinin düşmənlərinin əlinə bəhanə verməməyi tövsiyə edərək aşağıdakıları vurğuladı: “Bu gün üçlü hakimiyyət qüvvələri, xüsusilə dövlət, həqiqətən, çalışır, xalqa xidmət edir. Xalq və Rəhbərlik ölkədə zəhmət və xidmət kursunu daim dəstəkləyəcək. Lakin Rəhbərlik...
İslam İnqilabının Ali Məqamlı Rəhbəri ilə bağlı məlumatların əldə edilməsi üçün yeganə etibarlı mənbə Ali Məqamlı Rəhbərlik Baş İdarəsinin İctimaiyyətlə əlaqələr şöbəsidir
İslam İnqilabının Ali Məqamlı Rəhbərinin Şiraz camaatı ilə görüşü əsnasında səsləndirdiyi fikirlərlə bağlı İran İslam Respublikasının Xəbər Agentliyi (İRNA) tərəfindən yanlış məlumatın yayılmasının ardınca Ali Məqamlı Rəhbərlik Baş İdarəsinin İctimaiyyətlə əlaqələr şöbəsi baş vermiş insidentdən təəssüf hissi keçirdiyini, İRNA xəbər agentliyinin bu addımını məsuliyyətsiz bir addım kimi qiymətləndirdiyini bildirərək bütün xəbər agentliklərindən və saytlardan xahiş edir ki, bu xəbərdən heç bir vəchlə istifadə etməsinlər.
Ali Məqamlı Rəhbər İslam İnqilabının Arxiv İdarəsinin rəhbər işçiləri və idarədə çalışan tədqiqatçılarla görüşdü
İslam İnqilabının Ali Məqamlı Rəhbəri Həzrət Ayətullah Xamenei bu gün səhər İslam İnqilabının Arxiv İdarəsinin rəhbər işçiləri və idarədə çalışan tədqiqatçılarla görüşündə qeyd etdi ki, İslam İnqilabının tarixinin onun ilhamverici, effektiv dalğaları nöqteyi-nəzərindən dəqiq və düzgün araşdırılaraq yazıya alınması olduqca əhəmiyyətli və vacibdir. O, vurğuladı: “İslam İnqilabının tarixi yazılarkən başlıca olaraq, yüksək keyfiyyətə, habelə İslam İnqilabı və onunla bağlı məsələlər haqqında dəqiq məlumatı olmayan milyonlarla gənc nəsil auditoriyasına önəm verilməlidir”.
