Xəbərlər
Ali Məqamlı Rəhbər Şimali Xorasan əhalisi ilə görüşdü
Ətrək diyarı möhtəşəm və unudulmaz bir gün yaşadı. Şimali Xorasan vilayətinin mərkəzi olan Bocnurd bu gün müsəlman İranının döyünən qəlbi idi. Şimali Xorasan əhalisinin bir neçə həftə davam etmiş intizarından sonra, nəhayət, bu gün İslam İnqilabının Ali Məqamlı Rəhbəri bu vilayətə səfərinə başladı.
Ali Məqamlı Rəhbər ölkə elitasının yüzlərlə gənc təmsilçisi ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkə elitasının minə yaxın gənc, parlaq istedadlı təmsilçisi ilə bu gün (çərşənbə günü) günortadan sonra baş tutan görüşündə qeyd etdi ki, ziyalı gənclər arasında mövcud olan sevinc və optimizm əhval-ruhiyyəsini qoruyub saxlamaq və daha da gücləndirmək, gənc istedadların elm və tədqiqat sahəsində inkişafı üçün daha geniş imkanlar yaratmaq, Qərbin elmi inkişafından qorxub-çəkinmək əvəzinə, daxili elmin inkişafına diqqət yetirmək, ölkə elitasında xalqın gələcəyinə qarşı məsuliyyət hissini gücləndirmək, indiyə qədər əldə edilmiş elmi nailiyyətlərlə qane olmamaq ölkənin sürətli elmi inkişaf tempini davam etdirmək üçün zəruri şərtlərdir.
Ali Məqamlı Rəhbər Şəhid və Veteranlara Təşəkkür Günü münasibəti ilə müraciət imzaladı
İslam İnqilabının Ali Məqamlı Rəhbəri Həzrət Ayətullah Xamenei bu gün (cümə axşamı) günortadan sonra Müqəddəs Müdafiə həftəsi, eləcə də Şəhid və Veteranlara Təşəkkür Günü münasibətilə müraciət imzaladı. Öz müraciətində şəhidləri Allah yolunda cihad dövrünün heyranedici gözəlliklərinin təzahürü adlandıran Ali Məqamlı Rəhbər əlavə etdi: “Bütün meydanlarda qələbə çalmağın ən böyük sirri fədakarlıqdır”.
Ali Məqamlı Rəhbər Ayətullah Kəriminin qardaşının vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei Ayətullah Seyid Cəfər Kəriminin möhtərəm qardaşının vəfatı ilə əlaqədar, başsağlığı müraciəti etdi.
Ali Məqamlı Rəhbər həcc ziyarətinin ölkə üzrə təşkilatçı rəsmiləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei həcc ziyarətinin ölkə üzrə təşkilatçı rəsmiləri ilə bu gün (bazar ertəsi) günortadan əvvəl baş tutan görüşündə böyük İslam peyğəmbərinin (s) təhqir olunması məsələsinə toxunaraq bildirdi ki, o həzrətin şəxsiyyətinin əzəməti onu sevənlərə, hətta düşmənlərinə də aydındır.
Ali Məqamlı Rəhbər ölkənin şimal regionundakı silahlı qüvvələrin zabit heyəti və onların ailələri ilə görüşdü
Ali Məqamlı Rəhbər ölkənin şimal regionundakı silahlı qüvvələrin zabit heyəti və onların ailə üzvləri ilə bu gün (çərşənbə axşamı) axşam keçirdiyi görüşdə qeyd etdi ki, pak bir ağaca bənzəyən İslam İnqilabının kökləri günü-gündən genişlənir, gövdəsi möhkəmlənir, qol-budaqları göz önündə inkişaf edərək yaşıllaşır. O dedi: “Bu yüksək ruhlu hərəkatı davam etdirmək, gələcəyin işıqlı üfüqlərinə çatmaq üçün ciddi şəkildə çalışıb zəhmət çəkməyimizə, hamılıqla əzm və təpər nümayiş etdirməyimizə ehtiyac var”.
Ali Məqamlı Rəhbər Ordunun yüksək rütbəli zabit heyəti ilə görüşdü
İslam İnqilabının Ali Məqamlı Rəhbəri İİR Ordusunun yüksək rütbəli zabitləri, habelə Ordunun nailiyyətlərini əks etdirən sərginin təşkilatçıları ilə bu gün (çərşənbə axşamı) keçirdiyi görüşdə bütövlükdə Orduda müşahidə olunan inkişafdan məmnun qaldığını bildirərək qeyd etdi ki, elmlə əməlin çulğaşması qarşıya qoyulan hədəflərin gerçəkləşməsində, işlərin düzgün şəkildə yerinə yetirilməsində ən mühüm amildir. O, Silahlı Qüvvələri bu başlıca, inkişaf etdirici amilə diqqət yetirməyə çağırdı.
Ali Məqamlı Rəhbər İİR Ordusunun nailiyyətlərini əks etdirən sərgiyə baxış keçirdi
Silahlı Qüvvələrin Ali Baş Komandanı Həzrət Ayətullah Xamenei bu gün (çərşənbə axşamı) səhər İİR Ordusunun nailiyyətlərini əks etdirən sərgiyə gələrək texniki təchizat, müdafiə, döyüş və elm sferalarında görülmüş işlər, əldə edilmiş nailiyyətlərlə tanış oldu.
Ali Məqamlı Rəhbər ordunun hərbi akademiyalarının buraxılış mərasimində iştirak etdi
Silahlı Qüvvələrin Ali Baş Komandanı Həzrət Ayətullah Xamenei bu gün (bazar ertəsi) səhər İran İslam Respublikası Ordusunun hərbi akademiyalarında təhsil alan müdavimlərin buraxılış, andiçmə və poqon alma mərasimində iştirak etdi. Mərasim zamanı sonuncu peyğəmbər Məhəmməd Mustafanın (s) nurlu şəxsiyyətinin təhqir olunması məsələsinə toxunan Ali Baş Komandan aşağıdakıları vurğuladı: “İmperializmin və sionizmin anti-islam siyasətlərini dərk edən xalqlar baş verən hadisədə Amerikanı və bəzi digər Avropa ölkələrini ittiham edirlər. Həmin ölkələrin başçıları bu tip ağılsız hərəkətlərin qarşısını alaraq bu böyük günah və cinayətə şərik olmadıqlarını əməldə sübut etməlidirlər”.
Ali Məqamlı Rəhbər Höccətül-İslam vəl-muslimin Barikbinin bacısının vəfatı ilə əlaqədar başsağlığı verdi
İslam İnqilabının Ali Məqamlı Rəhbəri Həzrət Ayətullah Xamenei vəli-fəqihin nümayəndəsi və Qəzvinin imam-cüməsi Höccətül-İslam vəl-muslimin Barikbinin bacısının vəfatı ilə əlaqədar başsağlığı verdi.
Ali Məqamlı Rəhbər Peyğəmbərin (s) nurani dərgahının təhqir olunması ilə bağlı İran xalqına və İslam ümmətinə müraciət etdi
İslam İnqilabının Ali Məqamlı Rəhbəri Həzrət Ayətullah Xamenei dinimizin əzəmətli Peyğəmbərinin (s) nurani dərgahına qarşı İslam düşmənlərinin yol verdiyi nifrət doğuran, təhqiramiz hərəkətlə əlaqədar İran xalqına və İslam ümmətinə ünvanladığı müraciətdə bildirdi ki, şərlə dolu bu addımın arxasında sionizmin, Amerikanın və dünya imperializminin digər başçılarının düşmənçi siyasəti durur.
Ali Məqamlı Rəhbər 2012-ci il Yay Paraolimpiya Oyunlarının medalçılarını təqdir etdi
Əlil və fiziki qüsurlu idmançıların 2012-ci il Yay Paraolimpiya Oyunlarında İran İslam Respublikasını uğurla təmsil etmələri ilə əlaqədar, həmçinin Milli Paraolimpiya Komitəsinin sədrinin ona yazdığı məktuba cavab olaraq, İslam İnqilabının Ali Məqamlı Rəhbəri Həzrət Ayətullah Xamenei idmançılara müraciət ünvanlayıb, qürurverici nailiyyətlərinə görə onları təqdir etdi.
Ali Məqamlı Rəhbər Xubriqan Məclisinin sədri və üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Xubriqan Məclisinin sədri və üzvləri ilə bu gün (cümə axşamı) səhər keçirdiyi görüşdə ölkədəki şəraiti dəyərləndirərək İranın ümumilikdə arzulanan templə inkişaf etdiyini dedi. Qoşulmama Hərəkatının sammitinin Tehranda keçirilməsini İslam dövlətinin qüdrət, əzəmət və möhtəşəmliyinin göstəricisi olaraq qeyd edən Ali Məqamlı Rəhbər vurğuladı: “İran xalqının kütbeyin düşmənləri bu sammiti İran İslam Respublikası əleyhinə diplomatik müharibəyə çevirdilər. Bunun nəticəsi isə onların biabırçı məğlubiyyəti oldu”.
Ali Məqamlı Rəhbər Teoloji Mərkəzlər Ali Şurasının üzvləri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei ölkənin teoloji mərkəzlərini özündə birləşdirən Ali Şuranın üzvləri ilə keçirdiyi görüşdə sözügedən şuranın nüfuzlu alim və ruhanilərin yetişdirilməsində malik olduğu mövqe və rola toxunaraq teoloji mərkəzlərdə həyata keçirilən dəyişikliklərə ciddi yanaşmağın, onların daxili potensialını canlandırmağın, din tələbələrinin əxlaqi, intellektual və dini bilik səviyyəsini yüksəltməyin vacibliyini vurğuladı.
Ali Məqamlı Rəhbər 21-ci Ümummilli Namaz Konfransına müraciət etdi
İslam İnqilabının Ali Məqamlı Rəhbəri Həzrət Ayətullah Xamenei 21-ci Ümummilli Namaz Konfransına ünvanladığı müraciətdə qeyd etdi ki, namazın öz layiqli mövqeyini tutması cəmiyyətin İslam dinində nəzərdə tutulan ideal və arzulanan məqama çatması üçün zəmin yaradır. O vurğuladı: “Mədəniyyət və incəsənət sferasında görülən bütün işlər, təhsil sahəsindəki bütün proqramlar namazın camaat, xüsusən də gənclər arasında günü-gündən daha da rövnəqlənməsi istiqamətində layihələndirilməli və icra olunmalıdır”.
Ali Məqamlı Rəhbər Şimali Koreya Xalq Demokratik Respublikası Ali Şurasının sədri ilə görüşdü
İslam İnqilabının Ali Məqamlı Rəhbəri Həzrət Ayətullah Xamenei Şimali Koreya Xalq Demokratik Respublikası Ali Şurasının sədri cənab Kim Yunq Namla bu gün (şənbə günü) səhər baş tutan görüşündə Şimali Koreya və İranın mövqelərinin əksər müstəvilərdə üst-üstə düşdüyünə toxunaraq vurğuladı: “Yüksək hədəflərə aparan yolda ciddi olmaq, təzyiq, sanksiya və təhdidlərin iradələrdə boşluq yaratmasına imkan verməmək lazımdır”.
Ali Məqamlı Rəhbər Qvineya-Bisau Respublikasının prezidenti ilə görüşdü
Həzrət Ayətullah Xamenei Qvineya-Bisau Respublikasının prezidenti cənab Manuel Serifu Nyamadju ilə bu gün (şənbə günü) səhər keçirdiyi görüşdə Qoşulmama Hərəkatının üzv ölkələr arasında müxtəlif əməkdaşlıqlar üçün çox gözəl imkan olduğunu bildirdi. O dedi: “Qoşulmama Hərəkatının üzvləri bu hərəkat çərçivəsində geniş əməkdaşlıqlar üçün planlar işləyib hazırlasalar, hegemon dövlətlərin müstəqil ölkələrə təzyiq və sanksiyalar tətbiq etmək səyləri ortadan qalxar”.
Ali Məqamlı Rəhbər Monqolustan Respublikasının prezidenti ilə görüşdü
Həzrət Ayətullah Xamenei Monqolustan Respublikasının prezidenti cənab Saxiaqiyn Elbeqdorja ilə bu gün (şənbə günü) səhər keçirdiyi görüşdə İran və Monqolustanın ortaq tarixi-mədəni keçmişinə, o cümlədən moğolların İranda hakimiyyətdə olduğu dövrə aid tarixi-elmi əsərlərə toxunaraq dedi: “Belə bir tarixi keçmişə malik olan İran-Monqolustan əlaqələri əvvəlkindən də artıq genişləndirilməlidir”.
