İİR-nın Ali Məqamlı Rəhbəri Həzrət Ayətullah Xamenei tərəfindən bu gün əsr vaxtı Tehranın imam Xomeyni (r.ə) adına müsəllasında (camaat namazı qılmaq üçün böyük sahə) qurulan XVI Beynəlxalq Qurani-Kərim Sərgisinə iki saat müddətində baxış keçirilmişdir.

Həzrət Ayətullah Xamenei İslam Maarifi və Təlim-Tərbiyəsi Nazirliyinin də iştirak etdiyi bu mərasimdə Quranın təfsiri və müxtəlif dillərə tərcüməsini nəşr edənlərlə bağlı bölmələrə, o cümlədən Quran və dini bilgilərin tədqiqi, eləcə də elektron dərgiləri  sahələrinə həsr olunmuş kiçik bölmələrə də baxış keçirmişdir. O, həmçinin nəşriyyatçılar və bölmələrin sahibləri ilə danışıqlar zamanı ən son Quran nəşri və fəaliyyətləri ilə də yaxından tanış olmuşdur.